(ලලිත් නවරත්න)
 
ඇදිරිනීතිය ක‍්‍රියාත්මක වෙමින් තිබියදී පුත්තලම මන්නාරම මාර්ගයේ 1කණුව ප‍්‍රදේශයේ නිවසක සැකක කටයුතු ලෙස රැස්ව සිටි පුද්ගලයන් පස්දෙනෙකු මත්ද්‍රව්‍ය සමඟ අත්අඩංගුවට ගත්බව පුත්තලම දිසා නියෝජ්‍ය පොලිස්පති කාර්යාලය පවසයි.
 
ඔවුන් සතුව තිබී අයිස් ග‍්‍රෑම් 2ක්, හෙරොයින් ග‍්‍රෑම් 01 මිලිග‍්‍රෑම් 500 ක් ද පොලිසිය බාරයට ගෙන ඇත.
 

පුත්තලම සහිරා විදුහලට ආසන්නව මන්නාරම මාර්ගයේ ඇති මෙම නිවස තුළ සැකකටයුතු පිරිසක් සිටින බවත් සැකකටයුතු කාර් රථයක් සහ යතුරුපැදි කීපයක් එම ගම්මානයේ සැරිසරන බවටත් ලද තොරතුරකට අනුව මෙම ප‍්‍රදේශය තුළ පොලීසිය විසින් මෙහෙයුම ආරම්භ කර තිබුණි.
 
සැකකටයුතු නිවස පරීක්ෂා කිරීමේදී මෙසේ මත්කුඩු පානය කරමින් සිටි පිරිස පොලිසිය විසින් අත්අඩංගුවටගෙන ඇත.
 
ඇදිරිනීතිය බලපවත්වන අවස්ථාවේ නිවසකට එකතුව සිටීමත් කුමන්ත‍්‍රණයක ප‍්‍රතිඵලයක්දැයි පොලීසිය සැක කරයි. 
 
සැකකරුවන් අධිකරණයට ඉදිරිපත් කිරීමට නියමිතය.