(දයාරත්න ඇඹෝගම)
 
හබරණ  හිරිවඩුන්න වැව් ඉස්මත්තේ ඇතින්නියන් මියයාමේ සිද්ධිය සම්බන්ධයෙන් අදාළ පුද්ගලයන්ට නිසි දඬුවම් ලබාදෙන ලෙස ඉල්ලා අනුරාධපුර  කදිරේෂන් කෝවිල ඉදිරිපිටදි අද(06) ප්‍රදේශවාසීහු පිරිසක් දේව කන්නලව්වක් පැවැත්වූහ.
 
මේ සම්බන්ධයෙන් අදහස් දැක්වු පිවිතුරු හෙළ උරුමයේ අනුරාධපුර දිස්ත්‍රික් සංවිධායක සම්පත් මානවඩු මහතා කියාසිටියේ ඇතින්නියන් ඝාතනය කිරීමට යම්කිසි කණ්ඩායමක් මැදිහත්වී ඇත්නම් ඔවුන්ට නිසි දඬුවම් දෙන ලෙසටත් වන අලි සම්පත ආරක්ෂා කර දෙන ලෙසත් ඉල්ලා දෙවියන් ඉදිරියේ කන්නලව්ව කළ බවය.
 
පැමිණ සිටි පිරිස දේව කන්නලව්වෙන් පසුව දෙවියන් ඉදිරියේ පොල් ගැසීමකද නිරතවූහ.
 
මෙම අවස්ථාවට පිවිතුරු හෙළ උරුමයේ අනුරාධපුර දිස්ත්‍රික් සභාපති ආර්.එම්.ජී.දිසානායක මහතා ඇතුළු පිරිසක් එක්ව සිටියහ.