(කාංචන කුමාර ආරියදාස)
ගලේවෙල දේවහුව කී ඇල ප්‍රදේශයේ අඹු සැමි යුවලක් කපා කොටා ඝාතනය කොට පලා ගිය සැකකරුවෙකු අද(19) දින පස්වරුවේ අත්අඩංගුවට ගත් බව ගලේවෙල පොලිසිය කියයි.
මෙසේ අත්අඩංගුවට ගෙන ඇත්තේ මියගිය කාන්තාවගේ සහෝදරයකු බවද ඝාතන සදහා යොදාගත් බවට සැකකරන ගිනි අවියක් ඝාතනය සඳහා යොදාගත් පිහියක් දේවහුව ප්‍රදේශයේ ඇළක සඟවා තිබියදී සොයාගත් බවද පොලිසිය කියයි .
ඉඩම් ආරවුලක් මත මෙම ඝාතනය සිදුකළ බව සිදුකළ මූලික පරීක්ෂණවලදී හෙළි වී යැයි ගලේවෙල පොලිසියේ ස්ථානාධිපති පොලිස් පරීක්ෂකනිලංග ප්‍රනාන්දු මහතා පැවසිය .
පසුගියදා තම සහෝදරිය සහ සහෝදරියගේ සැමියා කපා කොටා වෙඩි තබා ඝාතනය කිරීමෙන් පසු වූ ගිනි අවිය සහ පිහිය ඇලකට දමා තමන් කොළඹ ප්‍රදේශයේ සැඟවී සිටි බව ප්‍රශ්න කිරීමේදී සැකකරු ප්‍රකාශ කොට තිබේ.
මෙසේ මියගොස් ඇත්තේ කෘෂිකර්ම නිෂ්පාදන පර්යේෂණ සහකාර නිලධාරියෙකු වන ගාමිණී සුරවීර (53) සහ ඔහුගේ බිරිද කෘෂි ආශ්‍රිත නිෂ්පාදන රැසක් නිෂ්පාදනය කොට මධ්‍යම පළාතේ දිරිය කාන්තාවට හිමි සම්මානය හිමිකරගත් අනුලා සුරවීර (51) යන යුවළයි .
දින ගණනාවක් තිස්සේ ලැබුණු තොරතුරු අනුව ගලේවෙල පොලීසියේ අපරාධ අංශයේ නිලධාරීහු කණ්ඩායම් කිහිපයක් අංශ ගණනාවකින් පරීක්ෂණ සිදුකිරීමෙන් අනතුරුව මෙම අපරාධය පිළිබඳව අනාවරණය කරගෙන ඇත.
සැකකරු සහ ගිනි අවි ගලේවෙල පොලිසියට රැගෙන විත් තවදුරටත් ප්‍රශ්න කිරීමෙන් අනතුරුව 20 දින දඹුල්ල මහේස්ත්‍රාත් අධිකරණයට ඉදිරිපත් කිරීමට නියමිත බව ගලේවෙල පොලිසිය කියයි.
මෙම ඝාතනය පිටුපස තවත් පිරිසක් සිටින්නට ඇති බවට පොලීසිය සැකකරයි.සිද්දිය පිළිබධව ගලේවෙල පොලිසිය පරීක්ෂණ පවත්වනු ලබයි .
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
