(අමදෝරු අමරජීව)
 
කාන්තාවක් තම සැමියා ඝාතනය කර වැසිකිළි වළකට දමා  තිබියදී  අද (20)  කන්තලේ වෙන්ඩ්‍රාසන්පුර  ප්‍රදේශයෙන් සොයා ගත් බව කන්තලේ පොලිසිය පවසයි.

දින ගණනාවක සිට වැසිකිලි වළකින් හමන අධික දුර්ගන්ධය ඉවසා ගැනීමට නොහැකි  වූ අසල්වාසින් 119  හදිසි දුරකථනයට දැනුම් දිමෙන් පසු සිරුර සොයා ගනු ලැබ ඇත.

අදාළ කාන්තාවගේ තිබුණූ අනියම් සම්බන්ධතාවක් දුරදිග යාමත් සමඟ ඇයගේ අනියම් සැමියා හා එක්ව මෙම ඝාතනය සිදුකර තිබේ. 
මිය ගොස් ඇත්තේ ගල්කිරියාගම ප්‍රදේශයේ පදිංචිකරුවෙකි.

ඉකුත් අප්‍රේල් මාසයේ දිනක අනියම් බිරිඳ සිය සැමියා රවටා වකුගඩු රෝගයට ප්‍රතිකාර කිරීමට අනියම් පුරුෂයාගේ නිවසට රැගෙන ගොස් මෙම ඝාතනය සිදුකර ඇතැයි පොලිස් පරීක්ෂණවලදී අනාවරණය වී තිබේ.