(තරංග ගුණරත්න )
 කොග්ගල ප්‍රදේශයේ  පෞද්ගලික ආයතනයක රැකියාවට ගොස්  අතුරුදන් වූ බව කියන   වයස 22 වන තරුණියගේ බවට සැක කෙරෙන මළ සිරුරක්  අහංගම පොලිස් වසමට අයත්  රාහුදූව වත්ත  ප්‍රදේශයේ  වැසිකිළි වළක තිබී  අද (18 ) උදෑසන සොයා ගත් බව හබරාදුව පොලිසිය පවසයි.

මෙසේ මියගොස් ඇත්තේ  වැලිගම  මූදුගමුව බතලවත්තේ පදිංචි විසි දෙහැවිරිදි  රාජපුරගේ   මදුරි නිශාදි   නමි    අවිවාහක  තරුණියකි.

ඇය පසුගිය  සැප්තැම්බර් 25 වැනි දින  ගාල්ල කොග්ගල ප්‍රදේශයේ පෞද්ගලික ආයතනයක රැකියාව සඳහා නිවසේ සිට පිටත්ව ගොස් තිබූ අතර පසුව ඇය නිවසට නොපැමිණීම හේතුවෙන්  දෙමව්පියන් විසින්  හබරාදුව පොලිසිය වෙත පැමිණිලි කර තිබිණි .
 
හබරාදුව පොලිසිය විමර්ශන කටයුතු ආරම්භ කර  ඒ අනුව මිය ගිය තරුණිය භාවිතා කළ බව කියන  ජංගම දුරකථනයේ  තොරතුරු අනුව  විමර්ශන කටයුතු මෙහෙය වීමෙන් අනතුරුව මියගිය තරුණිය සම්බන්ධ  තොරතුරු රැසක් අනාවරණය කර ගැනීමට  පොලිසියට හැකිවි තිබේ.
 
තරුණිය සමඟ සම්බන්ධතාවයක් ගොඩනගාත් විසිහය හැවිරිදි   විවාහක පුද්ගලයකු පිළිබඳව  තොරතුරු අනාවරණය කරගෙන  තිබේ.
 
එම  පුද්ගලයා තරුණිය  ඝාතනයකර ඇයගේ  ඇඳුම් පුළුස්සා දමා  පාළු වැසිකිළි වළට   සිරුර   දමා  තිබියදි අද  (18 ) හබරාදුව  පොලිසිය මගින්    සොයා ගෙන තිබිණි .