IMG-LOGO

ඡන්දය දුන්නේ කැලෑ කපන්න නෙවෙයි

(*** මෝදර සී. ඉග්නේෂස් ඇන්තනි)

‘‘වර්තමාන පාලකයන්ට ජනතාව තුනෙන් දෙකක බලයක් ලබාදුන්නේ පරිසරය ආරක්ෂා කිරීමට මිස විනාශ කිරීමට නොවේ යැයි’’ සමගි ජනබලවේගය නායක, විපක්ෂ නායක සජිත් ප්‍රේමදාස මහතා උතුරු කොළඹදී ප්‍රකාශ කළේය.

‘‘පසුගිය මැතිවරණයේදී සමගි ජන බලවේගය වෙනුවෙන් ජන්දය ප්‍රකාශ කළ ජනතාවට තුති පිදීම සඳහා උතුරු කොළඹ පැමිණි විපක්ෂ නායකවරයා එසේ පැවැසුවේ, උතුරු කොළඹ සමගි ජන බලවේගය ප්‍රධාන කාර්යාලයේ පැවැති ජනහමුවේදීය.

සමගි ජන බලවේගය උතුරු කොළඹ ප්‍රධාන සංවිධායක සී.පී.වයි. රාම් මහතා විසින් මෙම ජනහමුව සංවිධානය කර තිබිණි.

මෙහිදී කාන්තාවන්ගේ ආර්ථිකය නංවාලීම පිණිස ස්වයං රැකියා සඳහා ණය ආධාර ප්‍රදානයක්  හා පාසල් සිසු සිසුවියන් සඳහා අභ්‍යාස පොත් ඇතුළු උපකරණ බෙදාදීමක් සිදුකෙරිණි.
පාසල් සිසු සිසුවියන් 200 කට අධික පිරීසකට මෙම උපකරණ බෙදාදීම විපක්‍ෂ නායකවරයා අතින් සිදුවිය.

ජනහමුව අමතමින් විපක්ෂ නායක සජිත් ප්‍රේමදාස මහතා මෙසේද කීවේය.

‘‘සමගි ජන බලවේගය දිනවීම සඳහා අප වෙනුවෙන් ඇප කැපවී ඡන්දය දුන් සියලු දෙනාටත් මේ ජනහමුව සංවිධානය කළ සී.පී.වයි. රාම් මහතාටත් මගේ අවංක ස්තූතිය පුදකර සිටිනවා.
උතුරු කොළඹ මෙතෙක් බලය රැකගෙන සිටි එජාපයට තිත තබා අපට මෙම ප්‍රදේශයේ ජනතාව 41000 කට වැඩි ඡන්ද ප්‍රමාණය දුන්නා. එය මා අගය කරනවා.

ඉදිරියේදී සමගි ජනබලවේගයේ ඉදිරි ගමන යාමට උතුරු කොළඹ ජනතාව අපත් සමග අත්වැල් බැඳගනීවියි කියා මා සිතනවා. උතුරු කොළඹ සංවර්ධනය කිරීමට එය රුකුලක් වෙනවා. මා කිසි විටෙකත් මේ ජනතාව අමතක කරන්නේ නැහැ.

ප්‍රදේශයේ අඩු ආදායම්ලාභී පවුල්වල සිටින කාන්තාවන්ගේ අතමිට සරුකිරීම සඳහා ස්වයංරැකියා පිණිස අවශ්‍ය මුදල් ආධාර දෙන්න අප සූදානම්. ඒ සඳහා මගේ බිරිඳ ජලනී ප්‍රේමදාස මහත්මිය ලක ලෑස්තිව ඉන්නවා.

රට බාරගන්න ඉන්න දරුවන්ගේ අනාගතය යහපත් කරන්න ඕනෑ. ඒ සඳහා තිරසර සංවර්ධනයක් අවශ්‍යයි. එසේ වුවත් තිරසර සංවර්ධනයක් රටේ ඇතිවෙයි කියා අපට හිතාගන්න බැහැ.
රටේ ජනතාව මේ රජයට තුනෙන් දෙකක බලයක් දුන්නා. බලය ලැබුණත් එක්කම ඔවුන් පරිසරය විනාශ කරන්නට පටන්ගෙන තිබෙනවා.

මේ වනවිට පුත්තලමේ සහ සිංහරාජ අඩවියේ භූමි කොටස් ඩෝසර් කරමින් යනවා. එයින් පරිසරය විනාශ වෙනවා. පාලන බලය අතට ගත් පාලකයන් මේ දින කිහිපය තුළ කරන්නාවූ පරිසර විනාශය දෙස අපට බලාගෙන ඉන්න බැහැ. මෙය වහාම නැවැත්විය යුතුයි. අපි ඒ සඳහා පියවර ගන්නවා.

ජනතාව ඔවුන්ට තුනෙන් දෙකක බලයක් දුන්නේ පරිසරය විනාශ කරන්න නොවෙයි, පරිසරය රැකගෙන තිරසර සංවර්ධනයක් ඇතිකරන්නයි. රට සුරක්ෂිත කිරීමට කැපවෙනවා.’’
මෙම අවස්ථාවට විපක්ෂ නායකවරයාගේ බිරිඳ වූ ජලනි ප්‍රේමදාස මහත්මියද සහභාගී වූවාය.

 



අදහස් (4)

ඡන්දය දුන්නේ කැලෑ කපන්න නෙවෙයි

Kumara Tuesday, 01 September 2020 06:35 PM

නිධන් හොරුත් ගස් ගැන කතාකරනවා.

:       0       0

විජේ Tuesday, 01 September 2020 10:27 PM

ප්ලැකනිල් ගේන්න. අනේ මේ සජී ප්ලීස්..

:       0       0

Raveendra Wednesday, 02 September 2020 03:03 AM

සජි මලයාගේ කතාව නම් අප ඉහළින්ම අගයන්නෙමු. එලෙසම කවුරු පරිසරය විනාශ කළත් රටට ආදරය ඇති අවංක මිනිසුන් නම් එකහෙලා එයට විරුද්ධ වෙනවා. ඒ වගේම අර විල්පත්තුව පැත්තේ නාන කෙනෙක් අක්කර ගාණක් ඝන කැළෑව සුද්ද පවිත්‍ර කරලා පොහොර දාලා ගස් පැළකරපු එක ගැන සජි පුතා නිකමටවත් වචනයක්වත් කිව්වේ නැහැනේ? ඒ මොකද සජිත් මල්ලියේ? එතකොට තාත්ත බලයේ ඉන්නකොට කරපු පරිසර විනාශය ගැන සජි මලයාගේ කියවීම කුමක්ද යන්න අප විමසන්නෙමු. අප විශ්වාස කරනවා සජී මලයා මැරිලා ඉපදිලා තියෙන්නේ අද, ඊයේ වෙන්න ඇති කියලා.. එ්කනේ තාමත් ඇස් ඇරිලත් නැත්තේ...

:       0       0

Chris Wednesday, 09 September 2020 12:26 PM

ඔබ ඡන්දය දුන්නේ ගෝඨාභයට සහ පොහොට්ටු පක්ෂයටද?

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 51 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 441 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 879 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site