(බිමල් ශ්යාමන් ජයසිංහ)
යතුරුපැදියකින් පැමිණි නාඳුනන පුද්ගලයන් දෙදෙනෙකු විසින් බොරලැස්ගමුවේ පෞද්ගලික බැංකුවක් අසළදී රුපියල් විසිහය ලක්ෂයක මුදලක් කොල්ල කෑ බවට ව්යාපාරිකයකු කළ පැමිණිල්ල ව්යාජයක් බවත්, පැය දෙකක් තුළදී අද(10) ඔහුගේ සඟයකු සතුව තිබියදී මුදල සොයාගත් බවත් බොරලැස්ගමුව පොලිසිය කියයි.
මෙය සැලසුම් කරන ලද කොල්ලකෑමක් බව විමර්ශනවලදී හෙළි වූ බවද පොලිසිය කියයි.
මෙම පැමිණිල්ල කරන ලද්දේ බොරලැස්ගමුව ගංගාරාම පාරේ ඉඩකඩම් විකිණීමේ නිරත ව්යාපාරිකයකු විසිනි.
එංගලන්තයේ පදිංචි බිරිඳගේ ඥාතියකු විසින් බම්බලපිටිය හිතවතකු මාර්ගයෙන් එවන ලද රුපියල් ලක්ෂ 26ක මුදලක් සිය දියණිය සමග බම්බලපිටියට ගොස් ඉල්ලාගෙන බොරලැස්ගමුව පෞද්ගලික බැංකුවක ඇති දියණියගේ ගිනුමේ තැන්පත් කිරීමට රැගෙන ආ බවත්, එම අවස්ථාවේදී ලිපිනයක් අසන මුවාවෙන් යතුරු පැදියකින් පැමිණි නාඳුනන පුද්ගලයන් දෙදෙනෙකු මුදල කොල්ල කා පලා ගිය බවත්, මෙම ව්යාපාරිකයා අද(10) පැමිණිලි කළ බවත්, මෙම සැකකටයුතු පැමිණිල්ලක් ලෙස මූලික පරීක්ෂණවලදී අනාවරණය වූ බවත් පොලිසිය කියයි.
පැමිණිල්ල ලද වහාම ක්රියාත්මක වූ බොරලැස්ගමුව පොලිසියේ ස්ථානාධිපති පොලිස් පරීක්ෂක ප්රියංක ද සිල්වා මහතා අපරාධ අංශයේ ස්ථානාධිපති පොලිස් පරීක්ෂක මුදිත දල්පදාදු මහතා එම පෞද්ගලික බැංකුවක අසළට ගොස්, සී.සී.ටී.වී. කැමරාද පරීක්ෂා කරමින් විමර්ශනය කළ බව පොලිසිය කියයි.
කැමරා දර්ශනවල ව්යාපාරිකයාගේ මෝටර් රථය බැංකුව ආසන්නයේ නවතා තිබෙන අයුරු සහ ඔහු අත දරා සිටි කුඩා පාර්සලයක් යතුරු පැදියකින් පැමිණෙන පුද්ගලයකුට ස්ව කැමැත්තෙන්ම ලබාදෙන අයුරු සටහන්ව තිබිණි.
ඒ අනුව පැමිණිලිකාර ව්යාපාරිකයාගෙන් කළ දීර්ඝ ප්රශ්න කිරීමේදී ඔහු පොලිසිය නොමග යැවීම සඳහා මෙම සැලසුම කළ බවට අනාවරණය කරගත් බව පොලිසිය කියයි.
ව්යාපාරිකයා අධිකව ණය ලබාගෙන ඇති අතර එයින් ගැළවීමට ක්රමයක් සොයමින් සිට ඇති බවත්, සිය දියණියට විදේශ ගතවීමට එංගලන්තයේ පදිංචි ඥාතියා බැංකුවේ තැන්පත් කිරීම සඳහා මුදල් එවා ඇති බවත්, ඒ මුදල හොරෙන් තමන්ටම සතු කරගැනීමේ අරමුණින් පවුලේ කිසිවකුට හෝ නොකියා එම මුදල ලබාගැනීම සඳහා මගදී මුදල කොල්ල කෑ බවට අඟවා බොරලැස්ගමුවේ වූ මිතුරා මාර්ගයෙන් රගපෑමක් කර පැමිණිලි කර තිබූ බවත් අනාවරණය වී ඇත.
ව්යාපාරිකයා පොලිසිය නොමග යැවීමට කළ මෙම සිද්ධිය සම්බන්ධයෙන් නුගේගොඩ මහේස්ත්රාත් අධිකරණයට කරුණු වාර්තා කරන බව පොලිසිය කියයි.
එක්සත් ජාතික පක්ෂ හිටපු පාර්ලිමේන්තු මන්ත්රී සහ හිටපු නියෝජ්ය අමාත්ය පාලිත තෙවරප්පෙරුම මහතාගේ දේහයට ජනාධිපති රනිල් වික්රමසිංහ මහතා අවසන් ගෞරව
ලංකා විදුලිබල මණ්ඩලයේ විදුලි උත්පාදනය සම්ප්රේෂණය බෙදා හැරීම සහ සැපයීමට අදාල මණ්ඩලයේ වත්කම් හා බැරකම් සංස්ථාගත කරන ලද සීමාසහිත සමාගම් සතු කරනු ලැබිය
ගෝඨාභයට රැවටුන බව ප්රසිද්ධියේ පිළිගත් කාදිනල් තුමන් මේ වාරයේ ජනතා විමුක්ති පෙරමුණට රැවටෙන්නට යනවාදැයි ප්රබල සැකයක් මතුවන බව එක්සත් ජාතික පක්ෂ මහ ල
පාසල් සිසුන්ට පෝෂ්යදායි ආහාර වේලක් ලබා දීමේ වැඩසටහන වෙනුවෙන් ලෝක ආහාර වැඩසටහන මගින් ප්රදානය කළ සබලකරණය කරන ලද සහල් පාසල් වෙත නිකුත් කිරීම වේයන්ගොඩ
ඉරානයට ඊශ්රායල මිසයිල ප්රහාර එල්ල කිරීමත් සමඟ ලෝක වෙළෙඳපොළේ බොරතෙල් සහ රත්තරන් මිල ඉහළ ගොස් ඇතැයි විදේශ මාධ්ය වාර්තා කළේය.
විදුලි සේවකයන් විසිහතරදහසම නඩු දැම්මත් නව විදුලිබල පනත හකුලා නොගන්නා බවත් වැඩි පිරිසක් අධිකරණයට යෑමෙන් වඩාත් හොඳ පනතක් නිර්මාණය කිරීමේ හැකියාව ලැබෙ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ලක්ෂ 26 කොල්ලය බොරුවක්
නදුන් Thursday, 10 October 2019 01:18 PM
තිර පිටපත පමණක් නොව ප්රධාන රංග ශිල්පියා මෙන්ම සහය නලුවන්ද මුලුමණින්ම අසාර්ථක වූ චිත්රපටියක්...
Samithasena Aluthgamage. Thursday, 10 October 2019 01:31 PM
පොලිස් ස්ථානාධිපතිතුමා ඇතුලු වැටලීම කළ සියලුම දෙනාට අපගේත් රටේත් ප්රණාමය.මේ ව්යාපාරිකයාට කිසිදු සමාවක් නොදිය යුතුයි.
Perera Thursday, 10 October 2019 05:17 PM
අහු නොවෙන්න මුදල් හොරකම් කරන්න රාජපක්සලගෙන් උපදෙසක් ගන්න තිබුන.
මහසෙන්Friday, 11 October 2019 05:16 AM
ඇයි... මහ බැංකු හොරුත් ඉන්නේ... අමතක උනාද... අමතක කලාද?
KamalFriday, 11 October 2019 08:36 AM
එයාලත් වනකර ගත්තනේ... අර කට්ටිය තමා හරියටම ක්රමේ දන්නේ...