(බිඟුන් මේනක ගමගේ)
කොරෝනා වයිරසය පාලනය කිරීම සඳහා දේශපාලන භේදයකින් තොරව එක්සත්ව අවශ්ය සහාය දීමට සමගි ජනබලවේගය සූදානම් යැයි ද මහමැතිවරණය පැවැත්වීම හෝ නොපැවැත්වීම ගැන තීරණය ගතයුත්තේ සෞඛ්ය බලධාරින්ගේ නිර්දේශ අනුව යැයි ද එක්සත් ජාතික පක්ෂයේ හිටපු පාර්ලිමේන්තු මන්ත්රී ඉරාන් වික්රමරත්න මහතා අද (13) කීය.
හිටපු විපක්ෂ නායක සජිත් ප්රේමදාස මහතා උද්ගතව ඇති තත්ත්වය ගැන සාකච්ඡා කිරීම සඳහා පාර්ලිමේන්තුවේ විශේෂ සැසියක් කැඳවන හැටියට ජනාධිපතිවරයාගෙන් ඉල්ලීමක් කළේ ඒ අනුව යැයි ද වික්රමරත්න මහතා කීය.
පවතින සමාජ හා දේශපාලන තත්ත්වය ගැන සාකච්ඡාවකට එක්වෙමින් වික්රමරත්න මහතා මෙසේ ද කීය.
''පෙබරවාරි 5 වැනිදා පාර්ලිමේන්තුවේ පළමු වැනි වතාවට මේ ගැන සාකච්ඡා කළේ සජිත් ප්රේමදාස මැතිතුමායි. වෙන කවුරුවත් මේ ගැන සාකච්ඡා කළේ නෑ. වෛද්යවරුන් සෞඛ්ය අංශ ඇතුලු සියලු නිලධාරින් මෙහිදී කරන කැපකිරීම ගැන අප ප්රශංසා කළ යුතුයි. ඒ වගේම වයිරසය පැතිරීම වැලැක්වීමට ඇති සියලුම ආරක්ෂක පිළිවෙත් අප සියලු දෙනාම අනුගමනය කළ යුතුයි. අපට මේක පාලනය කළ හැකිය යන විශ්වාසය තිබෙනවා. මැතිවරණ කොමසාරිස්වරයා තමයි මෙවැනි තත්ත්වයක මැතිවරණය පැවැත්විය හැකිද යන ප්රශ්නය නගා තිබුණේ. එනිසා මෙහි කිසිදු දේශපාලන පසුබිමක් නෑ.''
'' අපි සම්පූර්ණයෙන්ම රජයට මෙහිදී සහයෝගය ලබාදෙනවා. මහමැතිවරණය පැවැත්වීම හෝ නොපැවැත්වීමේ තීරණය දේශපාලන මට්ටමට එන්නට පෙර සෞඛ්ය නිලධාරින් තීරණය කළ යුතුයි. ලෝක සෞඛ්ය සංවිධානය යම් නිවේදනයක් කර තිබුණත් ඒ ඒ රටවල දේශගුණය හා විද්යාත්මක කරුණු අනුවයි බලන්න වෙන්නේ. එනිසා එවැන්නක් ගැන සාකච්ඡා කළයුතුවන්නේ වසංගත රෝග විද්යාඥයන්ගේ නිර්දේශ අනුවයි. ''
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ්රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි
මහමැතිවරණය ගැන නිර්දේශ කිරීම සෞඛ්ය අංශවල වගකීමක්