තෙඹුවන නගරයේ දී පසුගියදා සිදු වූ ආන්දෝලනාත්මක සිදුවීමක් හේතුවෙන් වැඩ තහනමට ලක්ව සිටින පොලිස් සැරයන් සනත් ගුණවර්ධන මහතා අද (16) දහවල් ජනාධිපති කාර්යාලයට පැමිණ ජනාධිපති මෛත්‍රීපාල සිරිසේන මහතා හමුවිය.
 
ඒ මහතා මුහුණ දී ඇති ආර්ථීක දුෂ්කරතාවයන් සහ ඔහුගේ දරුවන්ගේ අධ්‍යාපන කටයුතු සඳහා ලබාදිය යුතුව ඇති සහය සැලකිල්ලට ගත් ජනාධිපතිවරයා පොලිස් සැරයන්වරයාට   රුපියල් ලක්ෂ 10 ක මුල්‍ය පරිත්‍යාගයක් සිදු කළේය.
 
තමන් විසින් අත්අඩංගුවට ගනු ලැබූ නීති විරෝධී වැලි ලොරියක් පොලිස් ස්ථානාධිපතිවරයා මුදා හැරි බව කියමින් පොලිස් සැරයන්වරයා ගිනි අවියක් රැගෙන තෙඹුවන නගරයේදී විරෝධතාවය පළ කළේය.  ඉන් පසු පොලිස් සැරයන්ගේ වැඩ තහනම් කරනු ලැබීය.

ඡායාරූපය - ජනාධිපති මාධ්‍ය අංශය