තිළිණි ද සිල්වා සහ රංජන් කටුගම්පොළ
කොළඹ ප්රසිද්ධ පාසලක සංගීත ගුරුවරියකට බලහත්කාරකමක් කරන ලදැයි කියන චෝදනාවට වරදකරු කරමින් ඊට දඬුවම් නියම කරන කොළඹ මහාධිකරණය නියම කළ දඬුවම ඉවත දමන ලෙස ඉල්ලා එම ගුරුවරයා ගොනු කළ විශේෂ අභියාචනා පෙත්සම ගාස්තු සහිතව නිෂ්ප්රභ කරන ලෙස ශ්රේෂ්ඨාධිකරණය අද (12) නියෝග කළේය.
ශ්රේෂ්ඨාධිකරණය මෙසේ නියෝග කළේ විත්තිකාර ගුරුවරයා ගොනු කළ අභියාචන පෙත්සම විභාගයට ගෙන තීන්දුව ප්රකාශ්යට පත් කරමිනි.
මෙම තීන්දුව බුවනෙක අළුවිහාරේ සහ මුර්දු ප්රනාන්දු මහත්ම මහත්මීන්ගේ එකඟත්වයෙන් විනිසුරු විජිත් මළල්ගොඩ මහතා විසින් ප්රකාශයට පත් කරනු ලැබීය.
ගුරුවරියට සංගීත කාමරය තුළදී බලහත්කාරකමක් කරන ලදැයි කියමින් මහාධිකරණයෙන් වරදකරු කරනු ලැබ ඊට එරෙහිව අභියාචනය ගොනු කර තිබුණේ කොළඹ 06 පදිංචි තුසිත් තිළිණ මාලෙගොඩ නම් ගුරුවරයෙකි.
ගුරුවරියට බලහත්කාරකමක් කරන ලදැයි කියමින් කළ පැමිණිල්ල ගැන විමර්ශන නැතැයි හෙයින් තමන්ට වූ සිද්ධිය ජනමාධ්යයට ලබා දුන් බව කියමින් අධ්යාපන අමාත්යංශය එම ගුරුවරියගේ වැඩ තහනම් කර තිබිණි.
එම වැඩතහනමට එරෙහිවද ගුරුවරිය මූලික අයිතිවාසිකම් පෙත්සමක් ගොනු කළ අතර මීට පෙර එම තීන්දුව ප්රකාශයට පත් කළ ශ්රේෂ්ඨාධිකරණය ඇගේ වැඩ තහනම ඉවත් කරන ලෙසත්, ගුරුවරියට වන්දි ගෙවන ලෙසත් නියෝග කළේය.
එම තීන්දුවෙන් පසු කොළඹ කොටුව හිටපු මහේස්ත්රාත් තිලිණ ගමගේ මහතා (එක්තරා සිද්ධියක් සම්බන්ධයෙන් වැඩ තහනම් කරනු ලැබ ඇප මත සිටී) ගුරුවරියට අඩත්තේට්ටම් කිරීමේ චෝදනාවෙන් ගුරුවරයා නිදොස්කර නිදහස් කළේය. තිලිණ ගමගේ මහතාගේ තීන්දුවට එරෙහිව ගුරුවරියට කොළඹ මහාධිකරණයට අභියාචනයක් ඉදිරිපත් කළ අතර එම තීන්දුව ප්රකාශයට පත් කළ විනිසුරු චමත් මොරායස් මහතා ගුරුවරයා වැරදිකරු බවට පත් කළේය. ගුරුවරයාට එරෙහිව දඬුවම් නියම කරන ලෙස කොළඹ කොටුව මහේස්ත්රාත් අධිකරණයට නියම කළේය. අද තීන්දුව ලබා දුන්නේ එම මහාධිකරණ තීන්දුවට එරෙහිව ගුරුවරයා කළ අභියාචනා පෙත්සමේය.
ඒ අනුව කොළඹ මහාධිකරණ විනිසුරු මොරායස් මහතාගේ තීන්දුව ක්රියාත්මක වන අතර ගුරුවරයාට එරෙහිව කොළඹ කොටුව මහේස්ත්රාත් අධිකරණයෙන් දඬුවම් නියම කිරීමට නියමිතය.
මෙම නඩුවේ විත්තිකාර අභියාචක ගුරුවරයා වෙනුවෙන් ජනාධිපති නීතීඥ අනිල් සිල්වා මහතා පෙනී සිටියේය. ගුරුවරිය වෙනුවෙන් නීතීඥ මිගාර ඩොස් සහ ජයන්ත දෙහිඅත්තගේ මහත්වරු සහ නීතීඥ ලක්මාලි හේමචන්ද්ර මෙනවිය පෙනී සිටියහ. නීතිපති වෙනුවෙන් රජයේ නීතීඥ මලික් අසීස් මහතා පෙනී සිටියේය.
බස්නාහිර, සබරගමුව, මධ්යම, වයඹ සහ දකුණු පළාත්වලට අද පස්වරු 2.00 පමණ පසු තැනින් තැනට වැසි හෝ ගිගුරුම් සහිත වැසි ඇති වන බව කාලගුණ විද්යා දෙපාර්තමේන්තුව කිය
සෙරන්ඩිබ් ෆ්ලා මිල්ස්, 7 Starවෙළඳ නාමය යටතේ ශ්රී ලංකාවේ ප්රමුඛ පෙළේ තිරිඟු පිටි නිෂ්පාදන සහ බෙදාහැරීමේ සමාගමක් ලෙස කීර්තියක් දිනා ඇත. සෙරන්ඩිබ් සේවා බ
කකුලේ ඇතිව තිබූ තුවාලයකට ප්රතිකාර ගැනීමට කුලියාපිටිය ශික්ෂණ රෝහලට පෙරේදා (24) මවත් සමග පැමිණ සිටි දරුවකු පැළඳ සිටි රුපියල් තුන් ලක්ෂ අසූ දෙදහසක් පමණ වට
කෑගල්ල මහ රෝහලේ අරක්කැමි (කොකියා) රුපියල් හාර දහස් අසු දෙකක් වටිනා කරවල, අලුත් මාළු හා අර්තාපල් සොරාගෙන යමින් සිටියදී රෝහල් අධ්යක්ෂවරයාට හසුවූ බව කිය
මෙරට මුහුදු තීරයේදී ගිනි ගැනීමට ලක්වූ එම්. වී.එක්ප්රස් පර්ල් නෞකාව සම්බන්ධයෙන් සිදු කරන විමර්ශනය අවසන් කර කඩිනමින් අධිකරණයට කරුණු වාර්තා කරන්නැයි ක
ශ්රී ලංකා නිදහස් පක්ෂයේ විධායක සභාව කැඳවීම පිළිබඳ සිදුකළ ප්රකාශයකින් සිය කීර්ති නාමයට හානියක් සිදුවී යැයි ද ඊට වන්දි ලෙස රුපියල් කෝටි 100 ක මුදලක් ගෙව
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ගුරුවරියට බලහත්කාරකම් කළ ගුරුවරයාට දඬුවම් කිරීම ශ්රේෂ්ඨාධිකරණය අනුමත කරයි
දිමුත් Tuesday, 12 February 2019 01:09 PM
ඇයි මේ ජනාදිපති නීතිඥ කියන කොට්ටාශය අපරාදකරුවන් වෙනුවෙන් නිතරම පෙනී සිටින්නේ? අර සිද්ධික් කියන ප්රබල මත්කුඩු ජාවාරම්කරුවටත් ඇප අරන් දීලා තියෙන්නේ ජනාධිපති නීතිඥයෙක්.
Karu Tuesday, 12 February 2019 01:48 PM
මෙම ගුරුතුමිය තමාට විරුද්ධව බොහෝ බලවේග ක්රියාත්මක වුනත් නොපසුබට අධිෂ්ටානයෙන් ඒ සියල්ල ජයගෙන ඇත. මෙම දිරිය මාතාවට අපගේ සුබ පැතුම්
ප්රියන්ත Wednesday, 13 February 2019 03:32 AM
මෙයාල තමා වැරදී කාරයා නිවැරදි කාරයා කිරිමට ගොඩක් දක්ෂ. ඉල්ලන මුදල ඉහලයි . ඉතින් ගාන අඩු ලෝයර් කෙනෙක් දාන නිවැරදි මිනිහගේ නඩුව පරදිනවා.
sam Wednesday, 13 February 2019 06:07 AM
බැලුවාම අලි හොරකම පමණක් නොවේ, වැරදිකරුවන් නිදහස් කිරීමත් කරලා තියනවා.