(බදුල්ලේ පාලිත ආරියවංශ)
 
රුපියල්  කෝටි 3කට මිලකර තිබූ  වාලම්පුරියක්  රුපියල් දෙකෝටි අනූපන් ලක්ෂයකට  අලෙවි කිරිමට  උත්සාහ කළ සැකකරුවෙකු  හාලිඇල උඩුවර 7 කණුව ප්‍රදේශයේ  තේ වත්තක කම්කරු නිවාසයකදී එම වාලම්පුරිය සමග අත්අඩංගුවට ගැනීමට ඌව නියෝජ්‍ය පොලිස්පති ජගත් පළිහක්කාර මහතා යටතේ පවතින බදුල්ල දිස්ත්‍රික් වැටලීම් ඒකකය අද (02) රාත්‍රී සමත්විය.

ලැබුන තොරතුරක් මත  මෙම මෙහෙයුම ක්‍රියාත්මක කර තිබුණි.

කම්කරු නිවාසයක් තුළ කාමරයක් තුළ සුදුහාල් වලින්  ආවරණය කර තිබූ මෙම වාලම්පුරිය  යාපනයේ සිට රැගෙන ආ බව සැකකරු පවසා තිබේ.

අත්අඩංගුවට ගත් සැකකරු නාවලපිටියේ තේ වත්තක පදිංචි කරුවෙක් බව පොලිස් පරීක්ෂණ වලදී අනාවරණය වී තිබේ.