(තිළිණි ද සිල්වා)
තමන්ට එරෙහිව නඩුව විභාග කිරීමට කොළඹ ත්රිපුද්ගල විශේෂ මහාධිකරණයට බලයක් නොමැති බව සඳහන් කරමින් තම නීතිඥවරු ඉදිරිපත් කළ මූලික විරෝධතාව එම අධිකරණය මගින් ප්රතික්ෂේප කිරීමට එරෙහිව හිටපු ආරක්ෂක ලේකම් ගෝඨාභය රාජපක්ෂ මහතා ප්රතිශෝධන පෙත්සම සහ අභියාචන රීට් පෙත්සම ගාස්තු රහිතව නිෂ්ප්රභ කිරීමට අභියාචනාධිකරණය අද (18) තීන්දු කළේය.
මෙම ප්රතිශෝධන පෙත්සම හා අභියාචනය විභාග කිරීමට අධිකරණ බලයක් නොමැති බව සඳහන් කරමින් අභියාචනාධිකරණය මෙම පෙත්සම් ඉවත දමන ලදී.
හිටපු ආරක්ෂක ලේකම් ගෝඨභාය රාජපක්ෂ මහතා ගේ නඩුව විභාගයට ගැනීමට ස්ථිර ත්රිපුද්ගල මහාධිකරණයට බලයක් තිබෙනවාද නැද්ද යන්න පිළිබඳ නියෝගය අද දින ප්රකාශයට පත් කරමින් අභියාචනාධිකරණය මේ බව දැනුම් දෙන ලදී.
අචල වෙංගප්පුලි සහ අර්ජුන ඔබේසේකර යන අභියාචනාධිකරණ විනිසුරු මඩුල්ල විසින් මෙම තීන්දුව ප්රකාශයට පත් කරන ලදී.
අභියාචනාධිකරණ්ය මෙම දැනුම් දීම සිදු කරනු ලැබුවේ ත්රිපුද්ගල විශේෂ මහාධිකරණය හමුවේ හිටපු ආරක්ෂක ලේකම් ගෝඨාභය රාජපක්ෂ මහතාට එරෙහිව පවරා ඇති නඩුව සම්බන්ධයෙන් වන ප්රතිශෝධන පෙත්සමේ සහ අභියාචන පෙත්සමේ විභාගය කරමිනි.
තමන්ට එරෙහිව නඩුව විභාග කිරීමට කොළඹ ත්රිපුද්ගල විශේෂ මහාධිකරණයට බලයක් නොමැති බව සඳහන් කරමින් තම නීතිඥවරු ඉදිරිපත් කළ මූලික විරෝධතාව එම මහාධිකරණය මගින් ප්රතික්ෂේප කිරීමට එරෙහිව හිටපු ආරක්ෂක ලේකම් ගෝඨාභය රාජපක්ෂ මහතා ප්රතිශෝධන පෙත්සම ගොනු කර තිබිණි.
පෙත්සම්කාර ගෝඨාභය රාජපක්ෂ මහතා සිය පෙත්සමේ සඳහන් කර ඇත්තේ ඞී.ඒ.රාජපක්ෂ අනුස්මරණ කෞතුකාගාරය ඉදිකිරීමේදී රුපියල් මිලියන 33.9ක මුදලක් සාපරාධී ලෙස පරිහරණය කිරීම ඇතුළු චෝදනා කිහිපයකට තමන් ඇතුළු විත්තිකරුවන් පිරිසකට එරෙහිව නීතිපතිවරයා විශේෂ ස්ථිර ත්රිපුද්ගල මහාධිකරණය හමුවේ නඩුවක් ගොනු කර ඇති බවය.
එම නඩුව විභාග කිරීමට විශේෂ ස්ථිර ත්රිපුද්ගල මහාධිකරණයට බලයක් නොමැති බව සඳහන් කරමින් තම නීතිඥවරු මූලික විරෝධතාවක් මතු කළ ද එම මූලික විරෝධතාව එම මහාධිකරණය මගින් ප්රතික්ෂේප කළ බව පෙත්සම්කරු වැඩිදුරටත් කියාසිටියි.
එම මහාධිකරණ නියෝගයට එරෙහිව ශ්රේෂ්ඨාධිකරණය වෙත අභියාචනයක් ඉදිරිපත් කිරීම සඳහා ඊට අදාළ ගොනු විශේෂ මහාධිකරණය වෙත භාර දෙනු ලැබුවද එය භාරගෙන ශ්රේෂ්ඨාධිකරණය වෙත යොමු කිරීම එම ත්රිපුද්ගල මහාධිකරණ විනිසුරු මඩුල්ල ප්රතික්ෂේප කළ බවද පෙත්සම්කරු පෙන්වා දේ.
එලෙස තම අභියාචනය ශ්රේෂ්ඨාධිකරණය වෙත යොමු කිරීම ප්රතික්ෂේප කිරීමට විශේෂ ස්ථිර ත්රිපුද්ගල මහාධිකරණ විනිසුරු මඩුල්ල ගත් තීන්දුව නීති විරෝධී යැයි ප්රකාශ කරන්නැයිද පෙත්සමින් ඉල්ලා ඇත. මෙම පෙත්සම විභාග කොට අවසන් තීන්දුවක් ලබාදෙන තෙක් විශේෂ ස්ථිර ත්රිපුද්ගල මහාධිකරණ විනිසුරු මඩුල්ල හමුවේ තමන්ට එරෙහිව පවතින නඩුව විභාගය කිරීම අතුරු නියෝගයක් නිකුත් කරන මෙන් ද ගෝඨාභය රාජපක්ෂ මහතා එම පෙත්සමෙන් වැඩිදුරටත් ඉල්ලා සිටී.
පෙත්සම්කාර පාර්ශවය වෙනුවෙන් ජනාධිපති නීතීඥ රොමේෂ් ද සිල්වා, නීතීඥ සුගත් කල්දේරා සහ නීතිපති වෙනුවෙන් ජ්යෙෂ්ඨ රජයේ නීතීඥ ජනක බණ්ඩාර සහ නියෝජ්ය සොලිසිටර් ජනරාල් මිලින්ද ගුණතිලක යන මහත්වරු පෙනී සිටියහ.
කොළඹ වෛද්ය පීඨ ශිෂ්ය ක්රියාකාරී සංගමය වෛද්ය පීඨ ශිෂ්ය ශිෂ්යාවන් මුහුණදී සිටින ගැටලු සහ පෞද්ගලික වෛද්ය පීඨ ස්ථාපිත කිරීමට ආණ්ඩුව ගෙන යන වැඩපිළ
ඇමෙරිකා එක්සත් ජනපද කෘෂිකර්ම දෙපාර්තමේන්තුවේ (USDA) වෙළෙඳ සහ විදේශ කෘෂිකාර්මික කටයුතු පිළිබඳ උප ලේකම් ඇලෙක්සිස් ටේලර් (Alexis Taylor) මහත්මිය සහ ජනාධිපති රනිල් ව
අධිකරණය මගින් අත්හිටුවා ඇති කෝටි ගණනක සිය දේපළ මුදාහැරීමේ නියෝගයක් නිකුත් කරන්නැයි මහා පරිමාණ මත්ද්රව්ය ජාවාරම්කාරයකු ලෙස ප්රකට සිරිනාථ පතිරණග
හිටපු ජනාධිපති මෛත්රිපාල සිරිසේන මහතා පාස්කු ඉරු දින ප්රහාරයට මේ රටේ පුරවැසියකු ගැන හෝ මේ රටේ පුරවැසියෙකුගේ සම්බන්ධතාවක් ගැන හෝ කිසිදු තොරතුරු
මත්ද්රව්ය සමග අත්අඩංගුවට පත් නාවික හමුදාවේ ලුතිනන් කමාන්ඩෝවරුන් දෙදෙනා ඇතුළු සැකකරුවන් සිව් දෙනා මැයි මස 09 දින දක්වා රක්ෂිත බන්ධනාගාර ගත කිරීමට ක
හිටපු ජනාධිපති මෛත්රිපාල සිරසේන මහතාගේ සභාපතිත්වය යටතේ පැවති සමයේදී ශ්රී ලංකා නිදහස් පක්ෂයේ අසාධාරණයට ලක්වූ පිරිස් සම්බන්ධයෙන් සොයා බැලීමට පස්දෙ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ගෝඨාගේ ප්රතිශෝධන-රීට් පෙත්සම් ගාස්තු රහිතව නිශ්ප්රභ වෙයි
ranjana silva Tuesday, 18 June 2019 09:54 AM
ජය වේවා
පිටිගල මිලානෝ Tuesday, 18 June 2019 10:04 AM
සිංගප්පුරුවේ පියා ලී කුවාන් යු ලෝක නායකයෙක් වුනේ පිළිම සාදා නොවේ. අවංක පාලකයෙක් වූ නිසයි.
Sanath Kandy Tuesday, 18 June 2019 10:14 AM
අවුරුදු හතරක් තිස්සේ ඇදගෙන ගියා වගේ තව මාස හතරක් ඔහොමම ඇදගෙන යමු. ජනාධිපතිවරණය ඉවර වෙනකල්. අනේ මෙහෙමත් රටක අපි ඉපදුනානේ.
Bishan Tuesday, 18 June 2019 01:08 PM
වැරදි කරලා නැත්තම් බය නැතුව නඩුවට ඉදිරිපත් වෙන්නකෝ. බොරු සංදර්ශන දන්නේ නැතුව.
සෙනෙවිරත්න Tuesday, 18 June 2019 01:14 PM
අධිකරණවල බලතල හොයන්නෙ නැතිව නඩුවට මුහුණ දිලා තින්දුව පිලිගන්න.
Saman Tuesday, 18 June 2019 02:37 PM
තවත් ඡන්ද ප්රතිඵලයක්
Sena Tuesday, 18 June 2019 02:40 PM
ඇමෙරිකාවටම වෙලා හිටියනං ඉවරනෙ
SamanWednesday, 19 June 2019 01:11 AM
ඒකනෙ කියන්නෙ.. එතකොට මැරුණු අයට සොහොනුත් නැහැ.. මෙයාට නඩුත් නැහැ,..
Chanak los angeles Tuesday, 18 June 2019 03:08 PM
නඩුවට අදාලව මතුවට කිසිම විරෝදතා අභියාචනාවක් ඉදිරිපත් කිරීමට නොහැක යන අධිකරණ තීන්දුවක් ප්රකාශයට පත් කරන්න .
Sena Wednesday, 19 June 2019 01:09 AM
'පුදනකොටම කාපි යකා'... නියමයි..