(රංජිත් රාජපක්ෂ)
රටවල් 12 ක විදේශිකයන් 38 දෙනෙකු රැගෙන ගල් අගුරු දුම්රිය 09 වැනිදා කොළඹ කොටුවෙන් ගමන් ආරම්භ කර ඇති අතර දුම්රිය අද (11) නානුඔය දුම්රිය ස්ථානය දක්වා ධාවනය කෙරිණි.
ගල් අගුරු දුම්රිය හැටන් දුම්රිය ස්ථානයේ නතර කර දුම්රිය එන්ජිමට අවශ්යය ජලය ලබා ගැනීම අද සිදු කෙරිණි.
දුම්රියෙන් ගමන් ගන්නා විදේශිකයන් උඩරට දුම්රිය මාර්ගයේ සුන්දර ස්ථාන ඡායාරුපගත කරමින් දෙමෝදර දක්වා ගමන් කිරීමට නියමිත බව දුම්රිය දෙපාර්තුමේන්තුවේ උසස් නිලධාරියෙක් පැවසීය.
ගල් අගුරු දුම්රිය හැටන් දුම්රිය ස්ථානයේ නතර කර තිබූ අවස්තාවේ එය දැක බලා ගැනීමට විශාල පිරිසක් පැමිණ සිටියහ.
COMMENTS
මේවා අගයකළ යුතු දේවල්.., ඒ මොකද? සංචාරක වැඩ පිළිවෙළට මේවා ගොඩක් වටිනවා දුම්රිය සේවකයින්ට ජය පතනවා.
මොකද විදේශිකයින් පමණක් අපිටත් යන්න හරිගස්සන්න. "උඩරට මැණිකේට පට කුඩ දෙක දෙක" කියන රිද්මෙට යනවා දකින්න අහන්න තවමත් ආසයි.
මේක සංචාරක මැදිරියක් අමුණා ගත් "බඩු කෝච්චියක්" බව පැහැදිලිවම පේනවා. පින්තුර වලින්. වාෂ්ප නිපදවීමට පුරවන ජලයේ මළකඩ වර්ණය නිසා මෙම ජල පොම්ප කාලයක් තිස්සේ ප්රයෝජනයට ගෙන නොමැති බවත් පේනවා. ඒ නිසා සමහරවිට එන්ජිමේ බොයිලේරුව හිරවී කොට උඩ යන්නත් බැරිකමක් නැත. කොහොම උනත් මෙවැනි වාෂ්ප දුම්රියක් සිය ජීවිත කාලය තුළම දැක නැති අයට මෙය ඉතාම දුර්ලභ දසුනක් වූ බව නම් නොඅනුමානයි.
මෙවැනි අදහසක් ක්රියාවට නගපු නිලධාරීන්ට සහ රජයට ජනතා ප්රණාමය
ඇයි විදේශිකයින් විතරක්. අපේ රටේ එවුන් කළු හින්දද? අපේ ළමයින්ටත් මේ අත්දැකීම දෙන්න ඕනේ කියලා හිතෙනවා. සල්ලි තියෙන ලාංකිකයෝ වියදම් කලත් දුම්රියට මොකද? ට්රයි එකක් දමල බලමු!!
පිරිසිදු වතුර සහ විශාල පිරිස
"විදේශිකයන් 38 දෙනෙකු" මෙයින් ලාබයක් තිබේද ? හිතන්න බැහැ නේ ? මෙයින් ලබන පාඩුව මහජනතාවගේ කරෙන්ද ?
පාඩුව මහජනතාවගේ කරෙන් නැතුව උතුමානන්ලගේ කරෙන් යවන්න කියලද කියන්නේ?
පරිසරයට දුම?
චින්තක , ලංකාවේ පැරණි ගල් අඟුරු එන්ජින් ප්රතිසංස්කරණය පිටුපස සිටි නිලධාරියා ඊයේ පෙරේදා රිමාන්ඩ් එකෙන් නිදහස් කල හිටපු ආරක්ෂක ලේකම් හේමසිරි ප්රනාන්දු මහතා කියලා කාටවත් මතක නැති හැඩයි. මිනිසුන්ගේ 'වැරදි' ජීවිත කාලයක් පුරා මතකයේ තියා ගත්තත් 'හොඳ' මතකයේ රැඳෙන්නේ ම නැති තරම්.
රොසෙල් යනු සුද්දා දාපු ඉංග්රීසි නමක්, වෙනස් කරමු, රාහුබද්ද කියා දාමු
පාලිත මහත්තයෝ, එතකොට සුද්දගේ කෝච්චියට මොකද කරන්නේ...?
රනා පිස්සු නටන්න එපා එක ගමනකින් මේ නිසා පාඩු වුණත් මෙය දිගටම කරගෙන යන්න තමයි දුම්රිය දෙපාර්තමේන්තුව කටයුතු කරන්න සැලසුම් කර ඇත්තේ සංචාරක දේශීය, විදේශීය කටයුතු සඳහා... අපි උත්සාහ ගත යුතුයි.
හැමදේටම අපේ නම දාගන්න එක හැර අපි මොනවද කරලා තියෙන්නේ...? කිසිම ගතයුත්තක් නැති දේශපාලුවන්ගේ නම් පාරවල්වලට දමාගෙන අපේ විද්වතුන් කරපු දේවල් මකන ජාතියක්... අලුත් දෙයක් කරන්න උනන්දු කරවන්න.
අපේ එවුන්ගේ මොලේ එන්නේ නාකි උණමද?
මේක ගල් අගුරු කියන්නේ බොරුවට. දුමක් නැහැ. අන්තිමට එන ඩීසල් එන්ජිමෙන් තල්ලු කරන්නේ...
පරණ ඩීසල් එන්ජින් එකකට පිටුපස මැදිරි වල ගිහින් තියෙන උදවිය දන්නවා ඒවා ඇතුලට දුම් වදින තරම, මම හිතන්නේ ඒ නිසයි බඩුගෙනයන මැදිරි කිහිපයක් දාල අන්තිමටම මගී මැදිරි දාල තියෙන්නේ, ඩීසල් එන්ජිමක් පිටුපස්සෙන් තල්ලු කරනවා වාගෙත් පෙනෙනවා, එකෙත් ඉතින් වැරද්දක් පෙනෙන්නේ නැහැ, අවදානම් කඳුකර මාර්ගයේ යද්දී වැඩි සූදානමට එහෙම ආරක්ෂක පියවරක් තියෙන එක හොඳයි. බදුලු දුම්රියේ මැදිරි ගැලවිලා පිටුපසට ඇවිත් සිදු වුන අනතුර මතක ඇති.
දුම්රිය සේවයේ මම දකින අකමැතිම අජූත පැත්තක් තමයි එහි සේවකයන් අපිළිවෙලට ඇඳන් ඉන්න එක, ඔවුන් හිතෙන හිතෙන ඇඳුම් අඳිනවා, ගාඩ් වරුන් සහ දුම්රිය ආරක්ෂක අංශ විතරක් නිල ඇඳුම අඳිනවා, අර හපුටු වස්ත්ර ඇඳගෙන කබල් සෙරෙප්පු දාගෙන ගාට ගාට යන හපුට්ටෝ ටිකට මොකක් හරි ලස්සන ඇඳුමක් සපත්තු අන්දලා පාරිභෝගික සේවා සැපයීම ගැන පුහුණුවක් ඉංග්රීසි ටිකක් පුහුණු කරලා දැම්ම නම් මොකක්ද වෙන වැරැද්ද?
මොන කඩයද? මොන බිස්නස් එකද? ඇරපු ගමන් ලාභ ලැබුවේ හලෝ... මොලේ කළඳක් තිබෙනවා නම් ඔහොම කියන්නේ නැහැ. විනෝද ගමන් යන අය ලැහැස්තියි මේ යකඩ යකාගේ පිටේ යන්න. කාලයක් යන කොට පොපියුලර් වේවි...!!!
"දමපු ප්රතිචාරය එම වාර්තාවට මොනම විදියකටවත් අදාල නැහැ.. සම්බන්ධකමකුත් නැහැ. ඔහේ ලියනවා " හලෝ මම පිළිතුරු දුන්නේ කෙනෙක් "පරිසරයට දුම?" කියා ප්රශ්න කළනිසයි. වාෂ්ප එන්ජිම හදපු දින සිට පරිසරයට දුම එකතු වුණා. කොළඹ සිටන් නානුඔයට යන කෝච්චියේ දුම මොන දුමක්ද හලෝ?