(රන්න චන්ද්‍රසේන ගමගේ)

අපරාධ රැසකට සම්බන්ධ බවට චෝදනා ලැබූ සරත් ආනන්ද නොහොත් ‘මරු ආනන්ද‘ අද (17) දහවල් පොලිස් විශේෂ කාර්ය බලකායේ තංගල්ල කඳවුරේ සෙබළුන් විසින් අත් අඩංගුවට ගෙන තිබේ.                            

බෙලිඅත්ත පොලිස් වසමේ පළපොත පිහිටි සිය නිවසේදී මොහු අත්අඩංගුවට ගත් බව පොලිසිය කියයි. ඔහු සන්තකයේ තිබී බෝර 12 වර්ගයේ ගිනි අවියක්ද ඊට යොදන ජීව උණ්ඩ 08ක් පොලිස් අත්අඩංගුවට පත්විය.   

වයස අවුරුදු 61ක් වන මෙම සැකකරු මනුෂ්‍ය ඝාතන රැසකට මෙන්ම මංකොල්ල කෑම් රැසකට සම්බන්ධ බවට පොලිස් විශේෂ කාර්ය බලකාය පවසයි.

සැකකරු බෙලිඅත්ත පොලිසියට බාරදුන් අතර වැඩිදුර විමර්ශන වලින් අනතුරුව ඔහු තංගල්ල මහේස්ත්‍රාත්වරයා වෙතට ඉදිරිපත් කිරීමට නියමිතය.