(එච්.චන්දන)
 
ලක්ෂ 400 පමණ රත්‍රං තොගයක් යතුරු පැදියකින් ප්‍රවාහනය කරමින් සිටි පුද්ගලයකු දළුව කලපුව ආසන්නයේ දී අත්අඩංගුවට ගත් බව පුත්තලම පොලිසිය කියයි.
 
සැකකරු පුත්තලම කොළඹ මාර්ගයේ නාගවිල්ළු ප්‍රදේශයේ පදිංචිකරුවකි.
 
පොලිස් විශේෂ කාර්යංශයේ පුත්තලම ඒකකයට ලැබුණු තොරතුරක් මත  කළ විශේෂ වැටලමකදී මෙම රත්‍රං තොගය අත්අඩංගුවට ගෙන තිබේ.
 
මෙහි විවිධ ප්‍රමාණයේ රත්‍රං කැබලි, ගුලි කිලෝ 4 ½ ආසන්න ප්‍රමාණයක්  ඉටි මල්ලක පාර්සල් කර තිබියදී පොලීසිය සොයා ගෙන තිබේ. මෙම රත්තරං තොගය අද(27) දා රාත්‍රියේ කල්පිටියෙන් දකුණ ඉන්දියාවට රැගෙන යාමට සැලසුම් කර ඇති බවට පොලීසිය සැක පළ කරයි.
 
අත්අඩංගුවට ගත් පුද්ගලයාට මෙම රත්‍රං තොගය කෙසේ ලැබුණේද, මෙය රැගෙන ගියේ කුමකට යන්න සම්බන්ධයෙන් පුළුල් විමර්ශනයක් පුත්තලම පොලීසිය ආරම්භ කර ඇත.