(බිමල් ෂ්‍යාමන් ජයසිංහ )

මොරටුව රත්මලාන සොයිසා පුර ආපනශාලාවකට වෙඩි තැබීමේ සිද්ධිය සම්බන්ධයෙන් අවශ්‍ය කරන පුද්ගලයෙකු පානදුර එළුවිල ප්‍රදේශයේ දී පොලිස් විශේෂ කාර්යය බලකා බුද්ධි අංශ නිලධාරීන් විසින්   අත්අඩංගුවට ගන්නා ලදැයි පොලිස් මාධ්‍ය කොට්ඨාසය කියයි .

පෙරේදා අලුයම සුබෝපබෝගී මෝටර් රථයකින් ගොස් එම ආපනශාලාව වෙත ටී 56 ගිනි අවියකින් වෙඩි පහරවල් 15 කට අධික ප්‍රමාණයක් එල්ල කර පලා ගොස් තිබිණි .
 
අත්අඩංගුවට ගත් මෙම සැකකරු 2018 වසරේදී දෙහිවල ගල්කිස්ස මහා නගර සභාවේ නාගරික මන්ත්‍රී වරයෙකු වෙඩි තබා ඝාතනය කිරීම සම්බන්ධව ප්‍රධාන සැකකරු වන අතර රක්ෂිතය බන්ධනාගාර ගත කිරීමෙන් අනතුරුව ඇපමත  මුදාහැර සිටින පුද්ගලයෙකි.
 
වයස අවුරුදු 34 වන මෙම පුද්ගලයා මොරටුව අගුලාන පදිංචි කරුවෙකි .සැකකරු ගල්කිස්ස අධිකරණයට ඉදිරිපත් කිරීමට නියමිතය .