2025 දෙසැම්බර් මස 17 වන බදාදා
තමන්ට කෝවිඩ්-19 හෙවත් නව කොරෝනා වයිරසය ආසාදනය වී ඇති බව වෛද්ය පරීක්ෂණවලින් තහවුරු වූ බවත් ස්වයං-නිරෝධායන ක්රියාවලියට යොමුවන බවත් බ්රිතාන්ය අග්රාමාත්ය බොරිස් ජොන්සන් අද (27) පැවැසීය.
‘‘පසුගිය පැය 24 දී සුළු රෝග ලක්ෂණ පෙන්නුම් කළා. වෛද්ය පරීක්ෂණයෙන් මට කොරෝනා වයිරසය ආසාදනය වී ඇති බව තහවුරු වුණා’’ යැයි බ්රිතාන්ය අග්රාමාත්යවරයා ට්විටර් පණිවුඩයක් නිකුත් කරමින් සඳහන් කළේය.
‘‘මම දැන් ස්වයං - නිරෝධායන ක්රියාවලියට යොමු වී ඉන්නවා. එහෙත් මා දිගටම ආණ්ඩුව කරගෙන යනවා. විඩියෝ තාක්ෂණය ඔස්සේ මම අදාළ ක්රියාමාර්ග ගන්නවා. මේ රෝගයට එරෙහි සටන අපි දිගටම ගෙනියනවා’’ යැයි බ්රිතාන්ය අග්රාමාත්යවරයා තවදුරටත් කීවේය.
ඇමෙරිකා එක්සත් ජනපදයේ ජෝන්ස් හොප්කින්ස් විශ්ව විද්යාලයේ දත්තවලට අනුව අද පස්වරු වනවිට බ්රිතාන්යයෙන් වාර්තා වූ සමස්ත කොරෝනා ආසාදිතයන්ගේ ගණන 11,658ක් වූ අතර එරටින් වාර්තා වූ සමස්ත මරණ ගණන 578කි.
මේ සතිය මුලදී බ්රිතාන්යයේ කිරුළ හිමි සහ දෙවැනි එළිසබෙත් රැජිනගේ වැඩිමහල් පුත්රයා වන චාල්ස් කුමරුට ද කොරෝනා වයිරසය ආසාදනය වී ඇතැයි තහවුරු විය.
අග්රාමාත්ය බොරිස් ජොන්සන්ට ධුරයේ කටයුතු පවත්වාගෙන යෑමට නොහැකි වුවහොත් විදේශ ලේකම් (අමාත්ය) ඩොමිනික් රාබ් තාවකාලිකව අග්රාමාත්ය ධුරයේ කටයුතු කරනු ඇතැයි බ්රිතාන්ය රජය මේ සතිය මුලදී ප්රකාශ කළේය.
ඒ.එෆ්.පී.
055
2025 දෙසැම්බර් මස 16
47
0
සියපත ෆිනෑන්ස් පීඑල්සී සිය දීපව්යාප්ත ශාඛා ජාලය තවදුරටත් පුළුල් කරමින් 60 වැනි ශාඛාව කෑගල්ල දිස්ත්රික්කයට අයත් වරකාපොළ නගරයේ විවෘත කොට ඇත.
2025 දෙසැම්බර් මස 04
841
2
’දිට්වා’ සුළි කුණාටුව හේතුවෙන් ඇති වූ ආපදා තත්ත්වය හමුවේ, රට යළි ගොඩනැගීමේ ජාතික මෙහෙවරට කඩිනමින් සහාය පළ කරමින්, HUTCH සමාගම ’Rebuild Sri Lanka’ අරමුදල වෙත රුපියල්
2025 නොවැම්බර් මස 21
608
1
ශ්රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ්රී ලංක
බ්රිතාන්ය අගමැතිටත් කොරෝනා