පුත්තලම ප්‍රා සබේ විපක්ෂ මන්ත්‍රී රක්ෂිත බන්ධනාගාරයට
(එච්. චන්දන)
පුද්ගලයකු පැහැරගෙන ගොස් පහරදීමේ සිද්ධියක් සම්බන්ධව පුත්තලම අධිකරණයට ඉදිරිපත් කළ පුත්තලම ප්‍රාදේශීය සභාවේ විපක්ෂ මන්ත්‍රී ලබන 02 දා තෙක් රක්ෂිත බන්ධනාගාර ගත කරන ලෙස පුත්තලම දිසා විනිසුරු හා මහේස්ත්‍රාත් අරුණ ඉන්ද්‍රජිත් බුද්ධදාස මහතා නියෝග කළේය.
මෙලෙස රක්ෂිත බන්ධනාගාර ගත කරන ලද්දේ පුත්තලම අට්ටවිල්ලුව - බෝධිරාජපුර පදිංචි ශ්‍රී ලංකා පොදුජන පෙරමුණේ මන්ත්‍රීවරයකු වූ රදික සංජීව යන අයයි.
විපක්ෂ නායකවරයාගේ වැඩිමල් සොයුරියකුගේ නිවසට ගොස් බැන තර්ජනය කිරීමේ සිද්ධියක් සම්බන්ධව, පුත්තලම ප්‍රාදේශීය සභාව නියෝජනය කරන ශ්‍රී ලංකා පොදුජන පෙරමුණේ මන්ත්‍රීවරයකුගේ රියදුරකු මෙලෙස පැහැරගෙන ගොස් පහර දී තිබුණි.
විපක්ෂ මන්ත්‍රී පුත්තලම රෝහලේ ප්‍රතිකාර ලබමින් සිටියදී අත්අඩංගුවට ගෙන පුත්තලම අධිකරණයට ඉදිරිපත් කර තිබුණි.
විපක්ෂ මන්ත්‍රී පහර කෑ රියදුරු පුත්තලම මූලික රෝහලේ ප්‍රතිකාර ලබා පිටව ගොස් ඇත.
සිද්ධිය සම්බන්ධව පුත්තලම පොලීසිය පරීක්ෂණ මෙහෙයවයි.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
