(හිරාන් ප්‍රියංකර ජයසිංහ)

පුත්තලම සහිරා ජාතික පාසලේ නිරෝධායනය වෙමින් සිටි කාන්තාවක් කොරෝනා ආසාදිතයකු බවට තහවුරු වීමේන් පසුව (03) රාත්‍රී අයි.ඩී.එච් රෝහල වෙත යැවූ බව පුත්තලම 143 වන බල සේනාධිපති බ්‍රිගේඩියර් ධම්මික දිසානායක මහතා පැවසීය.

මෙසේ කොරෝනා ආසාදනය වී ඇත්තේ 33 හැවිරිදි කාන්තාවකටය.

අදාල කාන්තාවගේ සැමියාද කොරෝනා ආසාදිතයකු ලෙස සනාථ වීමේන් පසුව 31 වැනිදින අයි.ඩී.එච්  රෝහල වෙත යැවූ 10 දෙනා අතර සිටින බව බ්‍රිගේඩියර් ධම්මික දිසානායක මහතා සඳහන් කළේය.

අදාල පුද්ගලයාද ඉන්දුනිසියාව හා තවත් රටවලට සංචාරයට ගොස් ඇති බවත් මොහු පුත්තලම කඩුමයන්කුලම් ප්‍රදේශයේදී පසුගිය 26 දින හමුවු පලමු ආසාදිතයා සමඟ ඉන්දුනිසියා සංචාරයට එක්වී ඇති බවට තොරතුරු අනාවරණය වී තිබේ.

මෙම කාන්තාව පුත්තලම මුලික රෝහලේ ගිලන් රථයකින් යුද හමුදා ආරක්ෂාව සහිතව අයි.ඩී.එච් රෝහල වෙත යැවීමට කටයුතු කළ බව බ්‍රිගේඩියර් ධම්මික දිසානායක මහතා වැඩිදුරටත් සඳහන් කළේය.