නුවන්ති ජයලත් Friday, 02 April 2021 10:14 AM

2021 අප්‍රේල් මස පළමුවැනි දින සිට 30 වෙනිදා දක්වා පැවැත්වෙන නුවරඑළිය වසන්ත උදානය අති විශේෂ අන්දමින් මෙවර සිදු කරන බව ඇසුවෙමි. පසුගිය වර්ෂවලදී මෙන්ම මේ වර්ෂයේත් එම උත්සවය පැවැත්වීම ගැන මහත් සතුටක් සහ ආඩම්බරයක් ඇති වෙනවා. නුවරඑළිය ඉතාමත් සීතල ප්‍රදේශයක්. එහිදී එදිනට පැවැත්වෙන තුරඟ තරඟ, වෙළඳසැල්, විනෝද ක්‍රීඩා, හුදෙක් විනෝදාස්වාදය උදෙසාම නොව අපගේ පාරම්පරික සිරිත් විරිත් රැකෙන අයුරින් සැකසුණු ඒවායි. නුවරඑළිය වසන්ත උදානය නොයෙක් අයුරින් මහ ජනතාව උදෙසා විවෘත වීම අප ලද භාග්‍යයකි. දෙස් විදෙස් සංචාරකයින්ගේ නිබඳ ආකර්ෂණය ලබාගෙන ඇති නුවරඑළිය වසන්ත උදානය කෙදිනකවත් අමතක කළ නොහැකිය. සිංහල හින්දු අලුත් අවුරුද්දත් සමඟම එළෙඹෙන නුවරඑළිය වසන්ත උදානය දැක ගැනීමට, විඳ ගැනීමට ආසාවෙන්, බලාපොරොත්තුවෙන් සිටින සැමට මෙය මහඟු අවස්ථාවකි.