(පාලිත ආරියවංශ)                

මිතුරන් 6 දෙනෙකු සමග පැමිණ   බදුල්ල නාරංගල කන්දේ රාත්‍රී කූඩාරමක් ඉදිකර එහි දිකර රාත්‍රිය ගත කරමින් සිටියදී ඊයේ (26) රාත්‍රී අතුරුදන්වූ තරුණයෙකු මෘත දේහය එම කන්දේ ප්‍රපාතයක තිබී  අද (27) දහවල් සොයාගෙන  තිබේ.

යුද හමුදාව සහ පොලිසිය සිදුකළ සෝදිසි මෙහෙයුමකදී ප්‍රපාතයේ තිබූ මෘත දේහය යුද හමුදාව විසින් සොයා ගත් බව  බදුල්ල ජ්‍යෙෂ්ඨ පොලිස් අධිකාරි වසන්ත කන්දෙවත්ත මහතා පැවසීය.

මෙසේ  ජීවිතක්ෂයට පත්වූයේ අවිස්සාවේල්ල මානියන්ගම  පදිංචි මඩවක ලියනගේ අකලංක පෙරේරා නමැති 22 හැවිරිදි තරුණයෙකි .

රාත්‍රී 9.30 ට පමණ වැසිකිළි යන බව පවසා වතුර බෝතලයක්ද රැගෙන කූඩාරමෙන් පිටතට ගිය ඔහු යළි නොපැමිණි  බව ඔහුගේ මිතුරන් පොලිසියට පවසා තිබේ.

නාරංගල කන්ද  සංචාරයට තහනම්  ප්‍රදේශයක් බවට ‍පසුදා බදුල්ල දිස්ත්‍රික් සම්බන්ධීකරණ කමිටුව විසින් තීරණය කර තිබූ පරිසර කලාපයකි.

බදුල්ල පොලිසිය පරීක්ෂණ පවත්වයි.