(ඉන්දිකා රාමනායක)

දකුණු මුහුදු සීමාවේ දී අත්අඩංගුවට ගත් විශාලතම හෙරොයින් සහ අයිස් මත්ද්‍රව්‍ය ගෙන ආ යාත්‍රා දෙක හා සැකකරුවෝ අද (5) හැදල දික්ඕවිට වරාය වෙත රැගෙන ආහ.

එහි හෙරොයින් කිලෝ 400 ක් හා අයිස් මත්ද්‍රව්‍ය කිලෝ 100 කට අධික ප්‍රමාණයක් තිබී ඇත.

දින 25 ක් පුරා නාවික හමුදාව හා පොලිස් මත්ද්‍රව්‍ය නාශක කාර්යාංශය එක්ව මෙම වැටලීම සිදුකර තිබිණි.

මෙම විදේශ යාත‍්‍රා දෙක එම රටවලට අයත් ධජ වලින් තොරව අන්තර් ජාතික සම්මුතියට පටහැනිව ගමන්  කරමින් තිබී ඇති බවද නාවික හමුදාව පවසයි.

එහිදී මෙම සිද්ධිය සම්බන්ධයෙන් අත්අඩංගුවට ගත්  දෙස් විදෙස් සැකකරුවන් 16 දෙනා ද ගොඩබිම වෙත රැගෙන විත් තිබු අතර ඉන් 12 දෙනෙකු ඉරාන ජාතිකයෝ වෙති.

මින් එක් ඉරාන යාත‍්‍රාවක් ගොඩබිම සිට මීටර් 1111  දුරකින් අත්අඩංගුවට ගෙන තිබූ අතර සෙසු යාත‍්‍රාව මීටර් 1000 ට ආසන්න දුරකින් තිබූ බව නාවික හමුදාව කියයි.

මෙම යාත‍්‍රා දෙකේ තිබූ මත්කුඩු හා  අයිස්  තොගය ගොඩබිම වෙත රැගෙන යාමට සඳහා ගොඩබිම සිට පැමිණ සිටි කුඩා යාත‍්‍රාව  දකුණ මුහුදු තීරයේ දී අත්ඩංගුවට ගෙන තිබිණි. එම යාත‍්‍රාව ද අත්අඩංගුවට ගත් යාත‍්‍රා තුන අතර විය.

මෙහිදී  යාත‍්‍රාවල තිබී අත්අඩංගුවට ගත් හොරොයින්  කිලෝ 400 ට අධික ප‍්‍රමාණයෙන්   ඉතිරිව තිබූ හොරොයින්  කිලෝ  330  ක  ප‍්‍රමාණය හා අයිස් කිලෝ 50 ක ප‍්‍රමාණය   ගොඩබිම වෙත රැගෙන විත් තිබිණි.

නාවික හමුදාව, පොලිස් මත්ද්‍රව්‍ය නාශක කාර්යාංශය  ඒකාබද්ධව මෙම මෙහෙයුම් සිදුකළ අතර  විශේෂ කාර්ය බළකායේ බුද්ධි අංශ ගොඩබිම සිට අවශ්‍ය බුද්ධ තොරතුරු ලබා දෙමින් සහය  ලබා දී තිබූ බව පොලිසිය පවසයි.

මෙම සියලූ හොරොයින් ප‍්‍රමාණය   ග‍්‍රීන් ටී  වශයෙන්  රතුපාට හා කොළ පාට ඇසුරුම්වල  අසුරා තිබිණි.

ගොඩබිම වෙත  රැගෙන විත් තිබූ යාත‍්‍රා, හොරොයින් හා අයිස් දික්ඕවිට වරායේ ජැටියේ දී නාවික හමුදාපතිවරයා , පොලිස් නිලධාරීන් ඇතුළු පිරිසගේ නිරීක්ෂණයට ලක්වුහ.

 

(ඡායාරූප - ළහිරු හර්ෂණ)