තුන්වැනි මහලේ බිත්තිය සැඩ සුළඟින් අසල නිවෙසක වහලය මතට
( රේඛා තරංගනී ෆොන්සේකා)
මොරටුව ලුනාව ප්‍රදේශයෙන් හමාගිය දැඩි සුළං තත්ත්වයෙන් ඉදිකරමින් තිබූ තුන් මහල් ගොඩනැගිල්ලක උඩුමහලේ බිත්තිය අසළ නිවසක වහලය මතට කඩා වැටී ගැබිනි මවක් ඇතුලු දෙදෙනෙකු තුවාල ලබා දකුණු කොළඹ ශික්ෂණ රෝහලට ඇතුලත් කර ඇති බව මොරටුව පොලිසිය පවසයි.
අද අලුයම මෙම සිද්ධිය වන අවස්ථාවේ ගැබිනි මව සිය සැමියා සහ සත් අවුරුදු පුතු සමඟ නිදන කාමරයේ නිදා සිට ඇති අතර ඔවුන් නිදාසිටි ඇඳ මතට එම බිත්තිය කඩා වැටී ඇති අයුරු දැකගත හැකිවිය.
පැවැති වැසි සහිත කාලගුණික තත්ත්වය සමඟ මෙය සිදු වී තිබේ.
මෙසේ තුවාල ලබා ඇත්තේ ලුනාව 8 වෙනි පටුමගේ ධීවර නිවාස සංකීර්ණයේ පදිංචිව සිටි එකම පව්ලේ තිදෙනෙකි.
සැප්තැම්බර් මාසයේ ඇය දරු ප්‍රසුතියට දින ලබා සිටි මවකි.
මේ සම්බන්ධයෙන් මොරටුව මුලස්ථාන පොලිස් පරීක්ෂක නිශාන්ත ලොකුගේ මහතා ගෙන් අප විමසා සිටිය අතර ඒ මහතා පැවසූයේ සිද්ධිය සම්බන්ධයෙන් පරීක්ෂණ ආරම්භ කර ඇති බවයි.
තුවාලකරුවන් සෞඛ්‍ය තත්ත්වය සම්බන්ධයෙන් දකුණු කොළඹ ශික්ෂණ රෝහලේ වෛද්‍ය අධ්‍යක්ෂක අසේල ගුණවර්ධන මහතාගෙන් විමසා සිටි අතර ඒ මහතා පවසා සිටියේ සත් අවුරුදු දරුවාගේ ප්‍ර‍රධාන උකුල් ඇටයට හානි සිදුවී ඇති බවත් වැඩිදුර ප්‍රතිකාර සඳහා කොළඹ රිජ්වේ ආර්යා ළමා රෝහලට මාරු කර යැවීමට පියවර ගන්නා බවත්ය.
ගැබිනි මවද මෘතෘ වාට්ටුවකට ප්‍රතිකාර සඳහා යොමු කර ඇති බවත් ඇයගේ සෞඛ්‍ය තත්වය ගැන වෛද්‍යවරු පරික්ෂණ අරඹා ඇති බවත පියාගේ තත්වය හොඳ මට්ටමේ පවතින බවත් පැවසීය.
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
