ශ්රී ලංකා නාවික හමුදාව තම ගැඹුරු මුහුදු ආවේක්ෂණ නෞකාවක් යොදවා ශ්රි ලංකාවේ සිට නාවික සැතපුම් 463 (දළ වශයෙන් 835km පමණ) පමණ දුරක සිදුකළ සාර්ථක මෙහෙයුමකින් අනතුරුව අත් අඩංගුවට ගන්නා ලද මත්ද්රව්ය තොගය, සැකකරුවන් සහ යාත්රාව අද (01) උදෑසන දික්ඕවිට ධීවර වරායට රැගෙන ආවේය.
ශ්රී ලංකා නාවික හමුදාවේ ගැඹුරු මුහුදු ආවේක්ෂණ නෞකාවක් වන ශ්රී ලං නා නෞ සයුර මගින් පසුගිය 28 (සෙනසුරාදා) දින උදෑසන ශ්රී ලංකාවේ දකුණු වෙරළේ සිට නාවික සැතපුම් 463ක පමණ දුරකදී (දළ වශයෙන් 835km පමණ) මත්ද්රව්ය ප්රවාහනය කරමින් සිටි යාත්රාවක් අත් අඩංගුවට ගන්නා තිබිණි.
මෙම විදේශීය යාත්රාව රාජ්යක ධජයක් රහිතව (Flag state) ජාත්යන්තර මුහුදේ දී නිරීක්ෂණය කර, එය පරීක්ෂාවට ලක් කල අතර, එහි තිබී අයිස් නම් මත්ද්රව්ය (Methamphetamine) කිලෝග්රෑම් 605 ක ප්රමාණයක් ද, මීට පෙර ශ්රී ලංකාව තුළ සොයාගෙන නොතිබූ කෙටමින් නම් මත්ද්රව්ය (ketamine) කිලෝග්රෑම් 579 ක් ද සොයාගන්නා ලදී.
තවද එහි බාබුල් නම් මත්ද්රව්ය පැකට් 200ක් සහ තවත් හඳුනා නොගත් මත් පෙති 100g ක් පමණ වන ප්රමාණයක් ද ඇති බව වාර්තා වේ. අයිස් මත්ද්රව්ය (Methamphetamine) තොගයේ පමණක් වටිනාකම රුපියල් කෝටි 605 ක් බවට ගණන් බලා ඇත.
මෙහිදී එම යාත්රාවේ සිටි පකිස්ථානු ජාතික සැකකරුවන් 09 ක් ද අත්අඩංගුවට ගැනීමට කටයුතු කරන ලද අතර, මෙය මෙතෙක් මුහුදේදී සිදුකරන ලද මෙහෙයුමකදී අත්අඩංගුවට ගත් ඉහළම මත්ද්රව්ය ප්රමාණය වේ.
මෙම වර්ෂයේ ගතවූ මාස 03 තුළ ජාත්යන්තර මුහුදේදී අත් අඩංගුවට ගත් 03 වන විදේශීය යාත්රාව මෙය වන අතර, මීට පෙර පෙබරවාරි මස 22 සහ 25 දිනයන්හීදී මත්ද්රව්ය රැගෙන එමින් සිටි විදේශීය යාත්රා දෙකක් හා එයින් ශ්රී ලංකාවට මත්ද්රව්ය ප්රවාහනය කල ශ්රී ලාංකීය ධිවර යාත්රාවක් අත් අඩංගුවට ගන්නා ලදි.
එහිදී විදේශිකයින් 16 හා ශ්රී ලාංකිකයින් 05 කුත්, මුහුදේදී ප්රවාහනයට සම්බන්ධ ශ්රී ලාංකිකයින් 06 ක් ශ්රී ලංකාවේ දකුණු ප්රදේශයේදී අත් අඩංගුවට ගන්නා ලදී. තවද 2019 වර්ශයේදී කේරළ ගංජා කිලෝග්රෑම් 3653 ක්, හෙරෝයින් කිලෝග්රෑම් 762 ක්, අයිස් (Methamphetamine) කිලෝග්රෑම් 03 ක් අත්අඩංගුවට ගත් අතර, මෙම වර්ශයේදී මේ දක්වා මාස 03 ක කාලය තුළදී පමණක් කේරළ ගංජා කිලෝග්රෑම් 2339 ක්, අයිස් කිගෝග්රෑම් 739 ක්, හෙරෝයින් කිලෝග්රෑම් 438 ක් සහ කෙටමින් (ketamine) කිලෝග්රෑම් 579 ක් අත්අඩංගුවට ගැනීමට සමත් විය.
ඒ අනුව අද (2020 අප්රෙල් 01) දින දික්ඕවිට වරාය පරිශ්රය වෙත මෙම මත්ද්රව්ය තොගය ගෙන එන අවස්ථාව සඳහා, නාවික හමුදාධිපති වයිස් අද්මිරාල් පියල්ද සිල්වා ඇතුළු පොලිස් මත්ද්රව්ය නාශක කාර්යාංශයේ සහ නාවික හමුදා ජ්යෙෂ්ඨ නිලධාරීන් රැසක් පැමිණ සිටි අතර, මෙම අවස්ථාව නිරීක්ෂණය කිරීම සඳහා ආරක්ෂක ලේකම් මේජර් ජෙනරල් (විශ්රාමික) කමල් ගුණරත්න ද සහභාගී විය.
මෙම මෙහෙයුම මගින් අත්අඩංගුවට ගත් යාත්රාව, පකිස්ථානු ජාතික සැකකරුවන් 09 දෙනා සහ මත්ද්රව්ය තොගය සම්බන්ධයෙන් වැඩිදුර විමර්ෂණය සහ ඉදිරි නීතිමය කටයුතු පොලිස් මත්ද්රව්යය නාශක කාර්යාංශය මගින් සිදු කිරීමට නියමිතව ඇත. මෙලෙස ජාත්යන්තර මුහුදේ මත්ද්රව්ය රැගෙන එන යාත්රාවන් පිළිබඳව ශ්රී ලංකා නාවික හමුදාව චන්ද්රිකා තාක්ෂණය උපයෝගී කරගෙන නිරතුරුවම සෝදිසි මෙහෙයුම් සිදු කරනු ලබන අතර, මෙම මත්ද්රව්ය සැපයුම් ජාලයේ විදේශ මෙන්ම දේශීය කොටස්කරුවන් සම්බන්ධයෙන් විමර්ශනය කිරීම සඳහා පොලිස් මත්ද්රව්ය නාශක කාර්යාලය හා ඒකාබද්ධව ක්රියා කිරීමට ශ්රී ලංකා නාවික හමුදාව කටයුතු යොදා ඇත.
(- නාවික හමුදා මාධ්ය අංශය-.)
සබැඳි - මත්ද්රව්ය නෞකාව දික්ඕවිට වරායට
ජපන් ශ්රී ලංකා මිත්ර සබඳතාවය වැඩිදියුණු කිරීම සඳහා ලබාදුන් දායකත්වය අගයමින් ශ්රී ලාංකිකයන් දෙදෙනකු වන කෝසල රෝහණ වික්රමනායක සහ අතුල රොබට් ෆ්රැන
රටපුරා මුහුදු ප්රදේශ රැසක තද සුළං සහ මුහුද රළුවීම පිළිබඳව අවධානය යොමුකළ යුතු බවත් එම මුහුදු ප්රදේශවල ධීවර සහ නාවික කටයුතුවල නිරතවන ධීවර සහ නාවික ප්
අනතුරුදායක ලෙස මිනී පෙට්ටි තොගයක් ලොරියක ප්රවාහනය කරමින් තිබියදී අත්අඩංගුවට ගත් බව බණ්ඩාරගම පොලිසිය කියයි.
ටි 56 යක් , රිවෝල්වර ගිනි අවියක් , ජිව උණ්ඩ සහ හොරයින් මත්කුඩු තොගයක් සමග සංවිධානාත්මක අපරාධකරුවකු සහ මත්ද්රව්ය ජාවාරම්කරුවකුගේ සමීපතම ගෝලයන් සිව් දෙ
මෙරට කීර්තිමත් මහාචාර්යවරයකු වන ඇමෙරිකාවේදී අභිවප්රාප්ත මහාචාර්ය නලීන් ද සිල්වා මහතාට පැන් වඩා පිං පැමිණවීමේ පිංකමක් කොළඹ බෞද්ධ මහා සම්මේලන ශාලා
හොරණ ග්රේස්ලන්ඩ් වත්ත ප්රදේශයේදී ව්යාපාරිකයාට වෙඩි තැබූ බවට හඳුනාගෙන තිබූ ප්රධාන සැකකරු සිද්ධියෙන් පැය කීපයකට පසු ඩුබායි රාජ්ය වෙත පලායාම සඳහ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ජාත්යන්තර මුහුදේදී මත්ද්රව්ය සමඟ අත්අඩංගුවට ගත් නෞකාව දික්ඕවිට වරායට