ඡන්ද වර්ජනය කරන්නැයි උතුරේ ඉල්ලීම්

(බිඟුන් මේනක ගමගේ)

ජනාධිපතිවරණයේදී ඡන්දය වර්ජනය කරන්නැයි ඉල්ලා උතුරු පළාතේ අත්පත්‍රිකා බෙදීමක් සම්බන්ධයෙන් පැමිණිලි රැසක් ලැබී ඇතැයි මැතිවරණ නිරීක්ෂණ සංවිධාන සඳහන් කරයි.

දෙමළ ජාතික ජනතා පෙරමුණ නමින් ද තවත් පිරිස් නිර්නාමිකව ද මෙම අත් පත්‍රිකා බෙදා ඇති නමුත් පවතින මැතිවරණ නීතිය යටතේ එය වරදක් නොවන්නේ යැයි ද මැතිවරණ ප්‍රචණ්ඩ ක්‍රියා මධ්‍යස්ථානයේ ජාතික සම්බන්ධීකාරක මංජුල ගජනායක මහතා සඳහන් කළේය.

තිරුනල්වේලි, නල්ලූර් හා කෝපායි ඇතුලු ප්‍රදේශ රැසකින් එවැනි සිදුවීම් ගැන තොරතුරු වාර්තා වී ඇතැයි ද ගජනායක මහතා කීවේය.

දෙමළ ජාතික ජනතා පෙරමුණේ නායක ගජේන්ද්‍ර කුමාර පොන්නම්බලම් මහතා මෙවර ජනාධිපතිවරණය වර්ජනය කළ යුතු බවට ප්‍රකාශ කර ඇතැයි ද තමා එය මුළුමනින්ම හෙලා දකින්නේ යැයි ද උතුරු පළාත් හිටපු මහ ඇමැති සී.වී විග්නේෂ්වරන් මහතා බී.බී.සී ප්‍රවෘත්ති සේවයට ප්‍රකාශ කර තිබිණ.

කිසිදු අපේක්ෂකයකුට සහාය නොදැක්වීම යටතේ සිය මනාපය සලකුණු කිරීමේ ක්‍රමයක් None of the Above' (NOTA) ලෝකයේ ඇතැම් රටවල පවතින අතර ලංකාවේ මැතිවරණ නීතියෙන් එවැනි පහසුකමක් මෙතෙක් සලසා නැත.

අදහස් (9)

ඡන්ද වර්ජනය කරන්නැයි උතුරේ ඉල්ලීම්

විනිවිද Wednesday, 13 November 2019 07:27 PM

කිසිදු අපේක්ෂකයකුට සහාය නොදැක්වීම අවශ්‍යනම් ඡන්ද මධ්‍යස්ථානය වෙත නොගොස් ඉන්න.

: 1240 53

maalaka Thursday, 14 November 2019 01:55 AM

කීයක් දුන්නද ? 2005 වගේද ?

: 1165 1209

Voter Thursday, 14 November 2019 02:12 AM

හරිම මෝඩ කමක්, මූණත් එක්ක තරහා වුනහම නාහේ කපාගත්තාම හොඳයි කියලා හිතා ගෙන ඉන්න උදවියක් වගේ!

: 704 363

Kumar Thursday, 14 November 2019 02:42 AM

ඡන්ද නොදා සිටීමෙන් තමන් අකමැතිම කෙනා පත්වෙන්න ඉඩ තිබෙනවා. ලංකාවේ සෑම ඡන්දයක්ම වටිනවා. ඇමෙරිකාවේ ඡන්දය දැම්මට ජනාධිපති පත් කරන්නේ ප්‍රාන්තවලින් යවන නියෝජිතයෝ. වැඩි ඡන්ද ලැබෙන කෙනා සැමවිටම දිනන්නේ නැහැ.

: 1 15

nishantha ranesh Thursday, 14 November 2019 04:22 AM

හරි සනීප උත්තරයක් ගජනායක මහත්මයා දීලා තියෙන බව පේනවා මිනිසකු සතු සිය අභිමතය පරිදි ඡන්දය ප්‍රකාශ කිරීමේ අයිතිය අකුල්හෙලමින් හා තර්ජනය කරමින් කිසියම් පිරිසක් කටයුතු කරනවානම් එය බලපෑමක් නොවන්නේ කුමන නීතිය යටතේද කියල දැන ගන්න ඕන නේද. අපි අනික ඔය කටයුත්ත මේ කොළඹ පළාතේ උනොත් මොනවගේ විජ්ජුම්බරයක් වෙයි කියලා හිතනවද අනේ මන්ද වල් වැදුණු නීතියක්. හැරෙන හැරෙන අතට නැමෙන බලා ඉමු අපි.

: 1 190

de silva berlin Thursday, 14 November 2019 05:01 AM

යම්කිසි සංවිධානයක් මගින් ඡන්දය දමන්න යන්න එපා කියලා කියන එක වරදක් නොවෙන්නේ කොහොමද ?

: 6 220

Chanak los angeles Thursday, 14 November 2019 05:02 AM

2005 කලෙත් ඔය දෙයමයි .

: 1222 1252

chandiThursday, 14 November 2019 05:43 AM

මල්ලි. පැරදිලා වගෙයි ..

: 121 1028

isuru Thursday, 14 November 2019 01:41 PM

මේක රජ පවුලේ වැඩක්...

: 0 0