(ටී.කේ.ජී.කපිල)
චීනයේ සිට පැමිණෙන ගුවන් මගීන්, වෙනම ගුවන් මගී පර්යන්තයක් ඔස්සේ, ගුවන් තොටුපළ වෙත ඇතුළු කර ගන්නා බව ගුවන් තොටුපළ කාර්ය භාර නිලධාරීවරයා සඳහන් කරයි.
බෙයිජිං, ග්වැන්ෂෝ, චෙංඩු සහ කැන්ටන් යන ගුවන් තොටුපළවල සිට දිනපතා ගුවන් යානා හතරකින්, මගීන් දහසකට අධික පිරිසක් කටුනායක ගුවන් තොටුපළ වෙත රැගෙන එනු ලැබේ.
ඉන්පසුව එම මගීන් කොරෝනා වෛරසය පිළිබඳව විශේෂ පරීක්ෂාවකට ලක් වන බවද ඔවුන්ගේ සිරුරුවල උෂ්ණත්වය මෙන්ම අනෙකුත් කොරෝනා වෛරසයට අදාළ රෝග ලක්ෂණ ද නිරීක්ෂණය කරන බවද හෙතෙම පවයි.
මෙම පරීක්ෂා කිරීම් සඳහා ගුවන් තොටුපළ සෞඛ්ය වෛද්ය ඒකකයේ නිලධාරීහු, ගුවන් තොටුපළ ආරක්ෂක නිලධාරීහු සහ සෞඛ්ය අමාත්යාංශයේ වෛද්යවරු ද සහභාගී වී සිටිති. චීනය සහ ශ්රී ලංකාව අතර චීනයට අයත් ගුවන් සමාගම් ද , ශ්රී ලන්කන් ගුවන් සේවයේ ගුවන් යානා ද මෙහෙයුම් කටයුතු සිදු කරයි.
මෙම පරීක්ෂා කිරීම්වල දී , කොරෝනා වෛරස සහිත රෝග ලක්ෂණ ඇති ගුවන් මගීන් අනාවරණය වුවහොත්, ඔවුන් අංගොඩ උණ රෝහල වෙත කඩිනමින් යැවීමට ගිලන් රථ ද ගුවන් තොටුපළ පරිශ්රයේ සූදානමින් තබා තිබේ.
COMMENTS
ගුවන්තොටුපල කාර්යමණ්ඩලය ඉතා ආරක්ෂාකාරී වියයුතුයි...
චීන්නුන්ට එන්න එපා කියපල්ලකෝ ටික දවසකට... ඉවරයිනේ වැඩේ... ඒ අය ආවත් කරදර තමයි. ලෝන් ගහන්න, කොමිස් ගහන්න බලාගෙන ඉන්න දේශපාලකයින් ඉන්න රටක්නේ...
චිනේ සිට වෙන රටවල් වලට ගොස් එන අය ගැනත් බලන්න, ආගමන විගමන නිලධාරීන් ට පාස්පෝර්ට් එක චෙක් කරාම පුළුවන් නේ
මම හිතන්නේ චීනෙන් එන අයට එරටින්ම සහතිකයක් අරන් එන්න කියනවා නම් වඩාත් සුදුසුයි.. අපේ රෝහල්වල අපේ රෝගීන්ටත් ඉන්න ඉඩ මදිවෙලා ඉන්නකොට තව විදේශිකයින්ව අඬගහලා ඇතුළත් කර ගන්න වගේ වැඩ පිළිවෙලක් නම් කොහෙත්ම හරි යන්නේ නැහැ.. මේකෙන් වෙන්නේ අපි ලාබෙට කොරෝනා ගන්න තත්වයක්..
චෙන්ග්ඩු කියන්නේ සිචුවාන් ප්රාන්තයේ. ග්වැන්ශෝ වල අය හැම ජාතියේම මස් කනවා. මේ දෙගොල්ලෝ අතරේ අාසාධිත අය ඉන්න පුළුවන්. චීන අලුත් අවුරුද්දට ගිය අය තොග පිටින් එන්න පටන් ගන්නවා. හරියටම පරීක්ෂා කලේ නැත්තන් ලොකු විනාශයක් වෙයි...
සංවර්ධනය සංචාරක කර්මාන්තය කියා ලෝකෙම තියෙන ලෙඩ මෙහෙට ගෙන්නාගෙන අන්තිමට අර කියාවි සංඛ්යයා ලේඛන දත්ත වලට අනුව ලංකාව කෝටි දෙකේ කොරෝනා වාර්තාව පසු කළා කියලා. අන්තිමට රට උඩින් යන අහස යානා වල ඉන්න උදවියත් බිමට බාලා මෙහෙ උණ රෝහලට යවන්න. දැන් බෙහෙතක් ගුවන් තොටේදී දීලා පටවලා යවන්නේ නැතිව මෙහෙ තියා ගන්න කියපු කෙනාගේ ගෙදරට ඔය ලෙඩාව ගිහින් දාන්න.
නැවත දැනුම් දෙන තුරු චීන ජාතිකයන්ට වීසා බල පත් නිකුත් කිරීම නවතා දැමීමට ශ්රීලංකා රජය වහා පියවර ගෙන ඇත.... කොළොඹ ගුවන් තොටුපලට පැමිණෙන චීන ජාතිකයන් හරවා යැවීමට ක්රියා කරනු ඇති. මෙවැනි තීරණයන්ට පැමිණීමට නොහැකිවීමෙන් ලංකාවේ ජනගහනයෙන් හරි අඩක් අඩුවීමටද කරුණු අනාගතයේ සිදුවිය හැක..