(ජයන්ත සමරකෝන්)

කොළඹ බන්ධනාගාරවල ආරක්ෂාව සඳහා පොලිස් විශේෂ කාර්ය බළකාය යෙදවීමට බන්ධනාගාර මූලස්ථානය කටයුතු කරයි.

ඒ පිළිබඳව බන්ධනාගාර කොමසාරිස් ජනරාල් තුෂාර උපුල්දෙණිය මහතා ආරක්ෂක අමාත්‍යංශයෙන් ඉල්ලීමක්ද කර තිබේ.

වැලිකඩ, මැගසින්, කොළඹ, රිමාන්ඩ් බන්ධනාගාරවල හා කාන්තා අංශයේ ආරක්ෂාව සඳහා පොලිස් විශේෂ කාර්ය බළකා අනුඛණ්ඩයක් යෙදවීමට නියමිත බවද බුද්ධි අංශ පවසයි.

ප්‍රමාණයත් නිලධාරීන් සංඛ්‍යාවක් නොමැතිවීමත්, ආරක්ෂක කටයුතු විධිමත්ව පවත්වාගෙන යාමත් සඳහා පොලිස් විශේෂ කාර්ය බළකා නිලධාරීන් යෙදවීමට බන්ධනාගාර මූලස්ථානය බලාපොරොත්තු වේ.

මේ වනවිට බූස්ස හා අගුණකොළපැලැස්ස බන්ධනාගාරවල ආරක්ෂාව හා පරීක්ෂාව සඳහා පොලිස් විශේෂ කාර්ය බළකායේ භටයින් යොදවා තිබේ.