(එෆ්.අස්ලම්)
 
ත්‍රස්තවාදයට ආධාර අනුබල ලබාදීමේ චෝදනාවක් මත කිලිනොච්චිය  රෝහලක වෛද්‍යවරයකු  අත්අඩංගුවට ගෙන  ත්‍රස්ත විමර්ශන කොට්ඨාසය වෙත බාර දී ඇතැයි පොලිස් මාධ්‍ය ප්‍රකාශක පොලිස් අධිකාරී රුවන් ගුණසේකර මහතා පැවසීය.
 

මෙකී වෛද්‍යවරයා ත්‍රස්තවාදී ක්‍රියාවලට සම්බන්ධ බවට යුද හමුදාවට ලද තොරතුරක් මත  යුද හමුදාව විසින් සැකකරු අත්අඩංගුවට ගෙන ත්‍රස්ත විමර්ශන කොට්ඨාසයේ යාපනය ඒකකය වෙත බාරදී  තිබේ.
 
 යාපනය සහ  චාවකච්චේරි ප්‍රදේශවල පදිංචි මෙම වෛද්‍යවරයා ත්‍රස්ත විමර්ශන කොට්ඨාසයේ යාපනය ඒකකය වෙත බාර දී තිබෙන අතර ඔහු මේ වනවිට යාපනය මූලස්ථාන පොලිසියේ රදවාගනිමින් වැඩිදුර විමර්ශනය සිදුකරන බවද පොලිස් අධිකාරිවරයා සදහන් කළේය‍.