කොරෝනා වයිරසය මැඩලීම සඳහා පැණියක් නිෂ්පාදනය කළ බව කියන කෑගල්ලේ ධම්මික වෙදමහතා අත්අඩංගුවට ගැනීම සඳහා  විශේෂ පොලිස් විමර්ශනයක් ආරම්භ කර තිබේ.

වෙදමහතා  බටහිර වෛද්‍යවරයකුට පහරදුන්නේ යැයි කියන සිදුවීමක් සම්බන්ධයෙන් එම  වෛද්‍යවරයා පේරාදෙණිය පොලීසියට කළ පැමිණිල්ලක් අනුව කෑගල්ල ජ්‍යෙෂ්ඨ පොලිස් අධිකාරීවරයා යටතේ මෙම පරීක්ෂණය ආරම්භ කර ඇත.

වෛද්‍යවරයා කෑගල්ලේ ධම්මික බණ්ඩාර මහතාගේ නිවසට ගිය අවස්ථාවේදී ඔහු සමඟ  ඇති වු බහින් බස්වීමක් සමඟ  දෙපිරිස අතර ගැටුම්කාරී තත්වයක් උදා වූ බවද  එහිදි තමාට පහරදීමක් සිදු බවද වෛද්‍යවරයා පොලිසියට කළ පැමිණිල්ලේ සඳහන්ය.

ඒ අනුව  ධම්මික බණ්ඩාර මහතාට එරෙහිව මෙම පරීක්ෂණය අරඹා ඇතැයි පොලිස් ආරංචිමාර්ග සඳහන් කරයි.