(හලාවත ඔගස්ටින් ප්‍රනාන්දු)

උණ රෝගය වැළඳීමෙන් පසු ප්‍රතිකාර ලබා ගැනීමට පැමිණි අවස්ථාවේ දි  මියගිය තරුණයා කොරෝනා වසන්ගතයට ගොදුරු වී නොමැති බව ඔහු  සම්බන්ධයෙන් පවත්වන ලද විශේෂ වෛද්‍ය පරීක්ෂණයකින් පසු ලද  වාර්තාවකින් අනාවරණය වූ බව හලාවත දිස්ත්‍රික් මහ රෝහලේ අධ්‍යක්ෂ  කපිල මල්ලවාරච්චි මහතා පැවසීය.

මිය ගොස් ඇත්තේ මාරාවිල බටහිර වීරහේන ප්‍රදේශයේ විසූ එම්.නිරෝෂන්  මධුවන්ත (23) නමැති විවාහකයෙකි.

ඔහු මුන්දලම ප්‍රදේශයේ වාසය කරන සිය මවගේ සුව දුක් විමසීමට ගිය අවසථාවෙම් දි උණ රෝගයට ගොදුරු වි වෛද්‍ය ප්‍රතිකාර ලබා ගැනීම පිණිස ඊයේ ( 10 දා ) මුන්දලම රජයේ රෝහලට ඇතුළත් කළ අවස්ථාවේදි ඔහුගේ තත්ත්වය බරපතල වූයෙන් රෝගියා හලාවත දිස්ත්‍රික් මහ රෝහලට මාරු කළ අතර ඒ ගෙන යන අතර ඔහු මිය ගොස් තිබුණි.

ඔහුට කොරෝනා රෝගය වැළඳී ඇද්දැයි සැකයෙන් ඒ සම්බන්ධ පරික්ෂණවලට පියවර ගත් අතර එම වාර්තාව අද (11) දහවල් ලද බවත් ඒ අනුව රෝගියාට කොරෝනා රෝගය වැළඳී නැති බවත් අනාවරණය වි ඇති බව
රෝහල් අධ්‍යක්ෂවරයා කිය.

 

පසුව මෙම මෘත ශරීරය සම්බන්ධයෙන් පශ්චාත් වෛද්‍ය පරීක්ෂණයක් හා මරණ පරීක්ෂණයක් පවත්වා කොරෝනා නිති රීති යටත් සිරුර සම්බන්ධයෙන් අවසන් කටයුතු හලාවත ආදාහනාගාරයේ සිදු කිරීමට පියවර ගත් බවත් රෝහල්
 අධ්‍යක්ෂවරයා කිය.