ඉරාන තෙල් නැවකට මිසයිල ප්‍රහාර

සෞදි අරාබියේ ජෙඩා වරාය ආසන්නයේදී ඉරාන තෙල් නැවකට මිසයිල ප්‍රහාර දෙකක් එල්ලවී ඇතැයි වාර්තා වේ.

නෞකාවේ පිපිරීමක් සහ ගින්නක් හටගෙන ඇති අතර මේවනවිට මුහුදට බොර තෙල් කාන්දුවෙමින් පවතින බව ඉරාන මාධ්‍ය වාර්තා කර ඇත.

ජෙඩා වරායෙන් කිලෝමීටර් 60ක් පමණ දුරින් ගමන් කරමින් තිබියදී නෞකාව ප්‍රහාරයට ලක්ව ඇත.

ප්‍රදේශයේ මෙහෙයුම් කටයුතුවල යෙදෙන ඇමරිකානු නාවුක හමුදාව පවසා ඇත්තේ නෞකාවට ප්‍රහාරයක් එල්ලවී ඇති බවට වාර්තා වී ඇතත් වැඩිදුර තොරතුරු නොදන්නා බවයි.

මෙම ප්‍රහාරයත් සමග ඉරානය සහ සෞදි අරාබිය අතර නොසන්සුන්තාවයන් වර්ධනය වියහැකි බවට විචාරකයෝ මත පළකරති.

(රොයිටර් පුවත් ඇසුරිණි - 085)

අදහස් (6)

ඉරාන තෙල් නැවකට මිසයිල ප්‍රහාර

amaris Friday, 11 October 2019 10:24 AM

සෞදිය ඉල්ලන් කන්න වගෙයි.

: 111 141

රවින් Friday, 11 October 2019 11:41 AM

අසව් අසව් !!! හා හා !! ප්‍රදේශයේ සිටි ඇමෙරිකානු හමුදාව දන්නේ නැතිලු ප්‍රහාරය කුමක්ද කියා... පිළිගන්න සැවොම. වාසි නම් ඒ ගොල්ලෝ ඔක්කොම දන්නවා. කොහේ හරි කොස්සක් තියනවා නම්...

: 153 218

duminda Friday, 11 October 2019 01:18 PM

අපේ ඇමෙරිකන් පුරවැසියා දන්නවා ඇති...

: 404 318

RasikaFriday, 11 October 2019 05:08 PM

අර වසර 30 ක් තිබුන බස් වල බෝම්බ පිපුරුණු යුගය අවසන් කරනකොට හිටපු එක්කෙනා ගැනද ඔය කියන්නේ. එතකොට නම් ඔය පුරවැසිකම් ගැන අවුලක් තිබුනේ නැහැ මගේ හිතේ.

: 0 0

Nandalal DE SILVA - FranceWednesday, 16 October 2019 12:06 AM

හා ! හා !! දැන්ම කලබල වෙලා අනවශ්‍ය කොමෙන්ට්ස් දමන්න එපා ! ගෝඨාභය ජනාධිපති උනාම කොමිසමක් දමලා ඔය ගැන සොයාවි! එතකන් බලා ඉම්මු.

: 0 0

PA - RA Wednesday, 16 October 2019 04:23 AM

මේක ගේමක් ඇමරිකන් බේස් සෞදි හැමතැනම තියනවා, කලාපයේ ප්‍රශ්න ඇති කිරීමට සි අයි වැඩක් පාඩුව අපි වැන්නුන්ටයි.

: 0 0