(පුෂ්පකුමාර මල්ලවආරච්චි)
කඩවත සිට මහනුවර දක්වා ඉදිකෙරෙන මධ්යම අධිවේගී මාර්ගයේ වේයන්ගොඩ දන්විලාන ප්රදේශයේ පිහිටි දෙමහල් නිවසක් හා වී මෝලක කොටසක් අධිකරණ නියෝගයක් මත ඉවත් කිරීමට යාමේ දී අද (2) උණුසුම්කාරී වාතාවරණයක් ඇති විය.
පහළ හිරිපිටිය ගාම නිලධාරි වසමට අයත් මෙම නිවස හා දේපළ සම්බන්ධයෙන් ඉඩම් හිමිකරු වන්දි ලබා ගෙන ලබාගෙන නොමැති වීම හේතුවෙන් අත්තනගල්ල ප්රාදේශීය ලේකම්වරයා විසින් පවරන ලද නඩුවක් අනුව මෙම දේපළ ඉවත් කිරීමට අධිකරණය නියෝග පරිදි පිස්කල් නිලධාරීහු පැමිණියහ.
වේයන්ගොඩ පොලිසිය ආරක්ෂක කටයුතු වල යෙදුණු අතර ඉඩම් හිමියා නිවසේ ඇති දේපල සමගම නිවස බැකෝ යන්ත්ර යොදවා කඩා ඉවත් කරන ලෙසට ඉල්ලීම් කළ අතර තමන් කිසිදු දේපලක් බාර නොගන්නා බවත් නොමිලේම රජයට භාර දෙන බවත් ප්රකාශ කරමින් කල්ගත කළේය.
මේ අතර ඉඩම් අත්පත් කර ගැනීම සදහා නිකුත් කෙරුනු 2017.-3.23 දිනැති ගැසට් පත්රයේ මෙම බිම් කොටසේ අයිතිය කලුබෝවිල පදිංචිකරුවෙකු සතු බවට සිංහල කොටසේ සදහන්ව ඇති අතර ඉංග්රීසි පිටපතේ මෙම නිවැසියාගේ නම සදහන්ව ඇති බවද මෙහිදී පෙන්වා දුන් අතර තමන් වන්දි ලබා ගැනීමට කැමති වුවත් මුදල් වෙන අයෙකුට ලැබීමේ ඉඩකඩ ඇති බවද පැවසීය.
අත්තනගල්ල අධිකරණයේ පිස්කල් නිලධාරීන් දේපල ඉවත් කර ගැනීමට කල් ලබා දීමට ඉදිරිපත් වූවත් ඔහු ඊට එකඟ නොවීය. මේ අතර තවත් පුද්ගලයන් කිහිප දෙනෙකු පැමිණ වන්දි ගෙවිම ප්රමාණවත් නැති බවට කරුණු දක්වන්නටවූ අතර ඔවුන් මීරිගම ප්රදේශයේ පුද්ගලයන් බව අනාවරණයවිය. එම පුද්ගලයන් ඉවත් කිරීමට පොලිසිය පියවර ගනු ලැබීය.
අත්තනගල්ල අධිකරණයේ රෙජිස්ට්රාර්වරිය ද ස්ථානයට පැමිණ ඉඩම් හිමිකරුට කරුණු පැහැදිලි කර දුන් අතර ඔහු දේපල ඉවත් කර ගැනීමට කිසිසේත්ම එකඟ නොවීය. ඉඩමේ දේපල වන්දිය සඳහා රුපියල් එක්කෝටි අනු ලක්ෂයක පමණ මුදලක් අධිකරණයේ තැන්පත් කර ඇති බැවින් එම මුදල ලබා ගන්නා ලෙසට කළ දැනුම්දීම ද ඔහු ප්රතික්ෂේප කළාය.
වන්දි ප්රමාණවත් නැතිනම් ඒ සදහා අභියාචනාවක් ඉදිරිපත් කිරීමේ හැකියාව පවතින බව රෙජිස්ට්රාර්වරිය පෙන්වා දුන්නාය. තමන්ට නිවසෙන් ඉවත් කරන්න නම් ප්රාදේශිය ලේකම්වරයා නිවසක් ලබා දිය යුතු බවද ඔහු කීය. තම නිවසේ වටිනා බඩු ඇතැයිද නැතිවුනොත් ඒවාට වගකියන්න වෙයි පැවසූ ඉඩම් හිමියා පස්වරැ 12.15 ට පමන බිරිය හා දරු තිදෙනා සමග ඇදිවත පිටින්ම ඔහුගේ කැබ් රියට නැගී පිටව ගියේය.
පාස්කු ඉරු දින ප්රහාරය පිළිබඳ විවාදයේදී හිටපු ජනාධිපති මෛත්රිපාල සිරිසේන මහතා අදහස් දැක්වීමට නියමිතව තිබුණත් ඔහු කිසිදු අදහස් දැක්වීමක් නොකිරීම
කොළඹ වෛද්ය පීඨ ශිෂ්ය ක්රියාකාරී සංගමය වෛද්ය පීඨ ශිෂ්ය ශිෂ්යාවන් මුහුණදී සිටින ගැටලු සහ පෞද්ගලික වෛද්ය පීඨ ස්ථාපිත කිරීමට ආණ්ඩුව ගෙන යන වැඩපිළ
ඇමෙරිකා එක්සත් ජනපද කෘෂිකර්ම දෙපාර්තමේන්තුවේ (USDA) වෙළෙඳ සහ විදේශ කෘෂිකාර්මික කටයුතු පිළිබඳ උප ලේකම් ඇලෙක්සිස් ටේලර් (Alexis Taylor) මහත්මිය සහ ජනාධිපති රනිල් ව
අධිකරණය මගින් අත්හිටුවා ඇති කෝටි ගණනක සිය දේපළ මුදාහැරීමේ නියෝගයක් නිකුත් කරන්නැයි මහා පරිමාණ මත්ද්රව්ය ජාවාරම්කාරයකු ලෙස ප්රකට සිරිනාථ පතිරණග
හිටපු ජනාධිපති මෛත්රිපාල සිරිසේන මහතා පාස්කු ඉරු දින ප්රහාරයට මේ රටේ පුරවැසියකු ගැන හෝ මේ රටේ පුරවැසියෙකුගේ සම්බන්ධතාවක් ගැන හෝ කිසිදු තොරතුරු
මත්ද්රව්ය සමග අත්අඩංගුවට පත් නාවික හමුදාවේ ලුතිනන් කමාන්ඩෝවරුන් දෙදෙනා ඇතුළු සැකකරුවන් සිව් දෙනා මැයි මස 09 දින දක්වා රක්ෂිත බන්ධනාගාර ගත කිරීමට ක
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
අධිකරණ නියෝගයක් අරන් ගියත් නිවස ඉවත් කිරීමේදී විරෝධතා
Kapila Tuesday, 02 March 2021 09:58 AM
නිවස සඟසතු කරන්න. මේ හයිවේ එක අතිභයානකයි. යන්න ඕනෑගමන පැයකට කලින් ආවා නම් මොකටද හයිවේ?
janahitha Saturday, 06 March 2021 04:21 AM
මේ වගේ පටු අදහස් තියන මිනිස්සුනේ ලංකාවේ ඉන්නේ...
fairoos Tuesday, 02 March 2021 10:28 AM
රජය නිලධාරීන්ගේ වැඩ ගැන දන්න කෙනෙක් වෙන්න ඕනේ.
kamal Tuesday, 02 March 2021 10:54 AM
මේ මගුලේ අධිවේගයක් නිසා රටට කරන විනාශය දැක්කාම පපුව පිච්චිලා යනවා. වගාවට හොඳම ඉඩම් ටික, පිරිසිදු වතුර ටික විනාශ කරලා මොකටද මේ අධිවේගයක්? රටට ඔරොත්තු නොදෙන වාහන ප්රමාණයක් ආනයනය කරලා රට සංවර්ධනය කරන්නද හදන්නේ? අපිට නම් තේරෙන්නේ නැහැ. කාටවත් ණය නැතුව ගම්මාන වල ජීවත් වෙච්ච මිනිස්සු එලවලා කරන සංවර්ධනේ මොකක්ද?
Chamara Tuesday, 02 March 2021 12:19 PM
ඔබලා වගේ අය රටට සම්පතක්... අනේ නිකන් යන්න..
gamage Tuesday, 02 March 2021 01:39 PM
අපි සිංහල බෞද්ධ රාජ්යයක වැසියෝ වෙමු. මහපොළව අපිට අයිති නැත. භුක්ති විඳීමට හැකිය... සියල්ල අතහැරීමට පුරුදු විය යුතුයි.
PereraWednesday, 03 March 2021 06:09 AM
ඕක ගිහින් කියන්න අර රැවුලාටයි, මිනිහගේ වටේ ඉන්න අයටයි.
PradeepWednesday, 03 March 2021 12:21 PM
තමන්ටත් මෙවැනි දෙයක් වුණාම ඔහොම හිතන්න පුලුවන් නම් හරිම වටිනවා. නමුත් බොහොමයක් අය දාර්ශනික අදහස් දෙන්නේ අනුන්ගේ ප්රශ්ණවලට වීමයි හාස්යය...