IMG-LOGO

අංගොඩ ලොක්කා බලහත්කාරයෙන් අයිතිකරගත් ඉඩම් ගැන තොරතුරු හෙළිවෙයි

(බිමල් ෂ්‍යාමන් ජයසිංහ)

සංවිධානාත්මක අපරාධකරුවෙකු වූ චමින්ද පෙරේරා නොහොත්  අංගොඩ ලොක්කා අයිතිකරුවන් බිය ගන්වා බලහත්කාරයෙන් අත්පත් කරගත් කෝටි 50 කට අධික වටිනා ඉඩම් සම්බන්ධයෙන් තොරතුරු අනාවරණය වූ බව බස්නාහිර පළාත බාර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතා පැවසීය.

අපරාධ පරීක්ෂණ දෙපාර්තමේන්තුවේ නීති විරෝධී වත්කම් විමර්ශන අංශය මගින් සිදුකළ විමර්ශනයේ දී මෙම තොරතුරු අනාවරණය වූ බව ජ්‍යෙෂ්ඨ නියෝජ්‍ය පොලිස්පතිවරයා පැවසීය.

අංගොඩ ලොක්කාගේ සමීපතමයෙකු වූ ලොකු නාඹුගල  ආරච්චිගේ සමන්ත පුෂ්පකුමාර  නොහොත් සිම්බු සමන් නැමැත්තා අංගොඩ මුල්ලේරියාව රණබිම් මාවත ප්‍රදේශයේ දී හොරෙයින් මත්කුඩු ග්‍රෑම් 7 මිලිග්‍රෑම් 600 ක් සමඟ අත්අඩංගුවට ගෙන සිදු කළ මූලික විමර්ශනවල දී  අංගොඩ ලොක්කා මෙම පුද්ගලයාගේ නමට සහ තවත් පුද්ගලයන් රැසකගේ නම් වලට බලහත්කාරයෙන් ලබා ගත් ඉඩම් පවරා මෙම ජාවාරම බලහත්කාරයෙන් සිදු කරගෙන ඇතැයි පොලිස් විමර්ශනවලදී අනාවරණය වී ඇත.

ඒ අනුව කොටිකාවත්ත ප්‍රාදේශීය සභාවට අයත් බැන්ඩියාවත්ත  ප්‍රදේශයේ  වගුරු ඉඩමක් ගොඩකර පර්චස් තුන බැගින් වූ ඉඩම්  කොටස් වල නිවාස ඉදිකර ලක්ෂ  43 බැගින් වූ මුදලකට නිවාස 60 ක් අලෙවි කර ඇති බව මේ වන විට සිදු කළ  මූලික විමර්ශනවල දී  අනාවරණය වී ඇත.

වෙනත් පුද්ගලයන්ට අයත් වගුරු බිම් සහ කුඹුරු යායවල් පස් සහ අබලි ද්‍රව්‍ය යොදා ගොඩ කර මෙම ජාවාරම කාලයක සිට කරගෙන ගොස් ඇති බව පොලිස් නිලධාරියෙක් පැවැසීය.

මේ වන විට අත්අඩංගුවට ගත් සිම්බු සමන් නමැත්තා  අංගොඩ ලොක්කාට සිදුකළ බව කියන මුදල් වංචාවක් හේතුවෙන් මීට මාස 8 කට පමණ ඉහතදී   පිරිසක් යොදවා ඔහුගේ අත් පා තියුණු ආයුධවලින්  කපා බරපතළ තුවාල සිදු කළ බව පොලිසිය කියයි.

මේ ආකාරයෙන් මුල්ලේරියාව, අතුරුගිරිය ,වැල්ලම්පිටිය පොලිස් වසම් වල   පර්චස්  917 ක ආසන්න ප්‍රමාණයක්  අංගොඩ ලොක්කා බලහත්කාරයෙන් අත්පත් කරගෙන ඇති බව ජ්‍යෙෂ්ඨ නියෝජ්‍ය පොලිස්පතිවරයා  පැවසීය.

මෙලෙස ලබාගත් සියලුම ඉඩම් මුදල් විශුද්ධිකරණ පනත යටතේ  රාජ සන්තක කිරීමට හෝ සැබෑ හිමිකරුට ලබාදීමට කටයුතු කරන බව ජ්‍යෙෂ්ඨ නියෝජ්‍ය පොලිස්පතිවරයා වැඩිදුරටත් පැවසීය.

ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතාගේ උපදෙස් මත බස්නාහිර දකුණ දිසාව භාර අපරාධ කොට්ඨාසයේ අධ්‍යක්ෂක  පොලිස්  අධිකාරී ලලිත් අබේසේකර මහතාගේ උපදෙස් මත  ස්ථානාධිපති පොලිස් පරීක්ෂක ජයන්ත පෙරේරා , මුල්ලේරියාව පොලිසියේ ස්ථානාධිපති ප්‍රධාන පොලිස් පරීක්ෂක කළුවිතාරණ මහත්වරු පරීක්ෂණ පවත්වති.

 



අදහස් (3)

අංගොඩ ලොක්කා බලහත්කාරයෙන් අයිතිකරගත් ඉඩම් ගැන තොරතුරු හෙළිවෙයි

karunatissa Monday, 03 August 2020 01:45 AM

මෙච්චර දේවල් කරනකන් රජයේ නිලධාරීන් නිදාගෙනද හිටියේ.?

:       0       0

සමිත සේනක අලුත්ගමගේ. Monday, 03 August 2020 02:28 AM

ඇත්තටම ජනාධිපතිතුමාට පාතාලයන්, අපරාධකාරයන්, කුඩ්ඩන් ඇල්ලීමට සැබෑ වුවමනාවක් තිබෙන බව පේනවා. අනිත් අය ගැන නම් අපි දන්නේ නෑ. ජනපතිතුමාට, ආරක්ෂක අංශවලට, පොලිසියට මේ කරනා වැඩපිළිවෙළට අනේක වාරයක් ස්තූතියි. බලාගෙන යනවිට මේ රට තිබිලා තිබෙන්නේ කුඩ්ඩන්, පාතාලයන් හා අපරාධකාරයන් අතේ. එතකොට මේ කොටස් කරපු ඉඩම්වල සෑදූ ගෙවල් සැබැ තත්වය නොදැන මිලට ගත් මිනිසුන්ට කිසියම් සාධාරණයක් විය යුතුයි නේද? මේවා ගැන කිසිඳු හාංකවිසියක් නොදැන ඔවුන් මේ ගෙවල් දොරවල් මිලට ගත්තේ නම්, ඒවාට ඔවුන් වැරදිකරුවන් නොවේ නේද? එයට වගකිව යුත්තේ ඉඩම් ගොඩ කළ කාලයේ තිබූ රජයන් නොවේද? එබැවින්, ඒ මිනිස්සුන්ටත් සාධාරණයක් වෙනවා නම් හොඳයි නේද?

:       0       20

Mangala Monday, 03 August 2020 08:29 AM

මේ තරම් දෙයක් කරනකම් ලංකාවෙ නීතිය සහ පොලීසිය කොහෙද දන්නෙ නැහැ හිටියෙ.

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 40 0
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 610 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

ශ‍්‍රී ලංකා ඉන්ෂුවරන්ස් ‘ඉහළම ජනාදරයට පත් ජීවිත රක්ෂණ සන්නාමය‘ ලෙස පිදුම් ලබයි. 2025 ජුනි මස 25 126 0
ශ‍්‍රී ලංකා ඉන්ෂුවරන්ස් ‘ඉහළම ජනාදරයට පත් ජීවිත රක්ෂණ සන්නාමය‘ ලෙස පිදුම් ලබයි.

xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ‍්‍රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි

Our Group Site