(කරන්දෙණිය - එම්. සුසිල් ප්රියන්ත)
උදව්පදව් කළ නෑ හිතවතුන් බලා සිටියදී ගමේ මැරයාගෙන් එල්ලවූ මැර ප්රහාරයෙන් දින කිහිපයක් ඉඳුල් බත් කෑ බැල්ලක විසින් පුද්ගලයකු බේරාගත් අපූරු පුවතක් දකුණු පළාතින් වාර්තා වේ.
හේ රහමෙර තොල ගා ගත් සැණින්ම මිනිහා නොමිනිහා වන්නේය. එදාට ගමේ කවුරු හෝ සමග ආරෝවක් ඇති කර ගැනීම අනිවාර්යයෙන්ම සිදු වන්නකි. ගමේ සිටින ඉබ්බන්, තලගොයින් හා කලවැද්දන් ඇතුළු මස් මාංශ බුදින්නකු නිසා ඔහුගේ ශරීර ශක්තිය අන් අයට වඩා වැඩිය. මේ නිසාම ඔහු සමග ගමේ කවුරුත් ආරෝවට නොයන්නේ ඔහුගෙන් පහර කෑමට ඇති බිය නිසාමය. මේ නිසාම ඔහු ගමේ චණ්ඩියා නොහොත් මැරයා බවට පත්වූයේ ඉබේටමය. ඔහුගේ මැරකම නිසාම ඔහු පොලීසියට ගිය වාර ගණන ද වැඩිය.
එදා ඔහුගේ ගොදුර බවට පත්වූයේ ගමේම සිටින අහිංසකම මිනිසාය. කාටත් උදව්වක් පදව්වක් කරගෙන පාඩුවේ ජීවත්වන කෙනාය. ඔහු මිනිසුන්ට පමණක් නොව සතුන්ටද එක සේ ආදරය කළේය. නිවෙසේ ඉතිරිවන ඉඳුල් බත් අහක නොදා දඩාවතේ යන බල්ලන් බළලුන්ට ඔහු දුන්නේ පින් සලකාය. වෙනත් කිසිදු බලාපොරොත්තුවකින් තොරවය. ඔහුගේ මේ සත්ව කරුණාව නිසාම දඩාවතේ ගිය එක් බැල්ලක් සිය සුරතලාම බවට පත්වූවාය. ඔහු යන එන තැනක මේ බැල්ල ගියාය. එමෙන්ම ඔහු සිටින තැන ඇය ද සිටියේ කුඩා කල සිටම සාදාගත් සතකු ලෙසය. මේ ආකාරයට මේ දෙන්නා අතර බැඳුණේ දිගු සබැඳියාවකි.
තමා ගැන පොලිසියට වැරදි තොරතුරු දුන්නේ යයි කියමින් ගමේ මැරයා මේ අහිංසක මිනිසාට තඩි බාන්න සූදානම් වූයේ ඔහු උදව් පදව් කළ ගමේ නෑ හිතවතුන් බලා සිටියදීය. ඒත් කිසිවෙක් ඔහු එයින් මුදවා ගැනීමට ඉදිරිපත් නොවූහ. තමා ඉතා අහිංසක බව පවසමින් පහරදීමට එපා යයි ඔහු මැරයාට වැඳ වැඳ කිව්වත් ඔහුගේ සිත කිසිසේත්ම උණු නොවීය.
මුසාවාද දොඩමින් මැරයා මේ අහිංසක පුද්ගලයාට පහර එල්ල කිරීමට පැන්නේ ගමේ උදවිය හොර රහසේ බලා සිටියදීය. ඒ එක්කම තමාට ඉඳුල් බත් දෙන සිය ස්වාමියාට යමෙක් පහර දෙනු දුටු අර බැල්ල බුර බුරා මැරයාගේ පස්ස පැත්තට පැන මස් කුට්ටියක් කටට ගත්තේ ඔහුගේ වෙරි සිඳවමින්ය. ‘බුදු අම්මෝ මම ඉවරෝයි’ කියමින් පස්ස නොබලාම මේ මැරයා දුවන තෙක්ම මේ බැල්ල ඔහු පසු පසම එළව එළවා ගියේ තමාට ඉඳුල් බත් දෙන සිය ස්වාමියාට කරන ගරු කිරීමක් ලෙසටය.
මිනිසුන්ට මොනතරම් උදව් පදව් කර තිබුණද විපතකදී ඔවුන් හැංගුණත් අහක දමන ඉඳුල් බත් දුන් බැල්ල තමා බේරා ගැනීමට පැමිණීම පිළිබඳව ඔහුට මිනිසුන්ට වඩා පහන් සිතක් මේ බැල්ල කෙරෙහි ඇතිවූයේය. ඒ නිසාම ඔහු මේ බැල්ල ආදරයෙන් වඩාගෙන සිප ගත්තේ මැරයාගෙන් තමා බේරා නොගත් ගමේ උදවිය බලා සිටියදීමය. එයින් හොඳ පාඩමක් ඉගෙන ගනිමින්ය.
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
විපතේදී අහක බැලූ නෑයන්ට පාරේ ගිය බැල්ලක් පාඩමක් උගන්වලා
Chinthaka Tuesday, 02 March 2021 10:14 AM
සුනඛයා තරම් කෙළෙහි ගුණ දන්නා සත්වයෙක් මිහිපිට නොමැත.
sampath Wednesday, 03 March 2021 04:52 PM
මේ රටේ මිනිස්සු කොයිතරම් පිරිහිලාද? බය වෙලාද ඉන්නේ..? මහපාරේ මරලා දැම්මත් කිසිකෙනෙක් ඉදිරිපත් නොවන තත්වයට පත්වෙලා.. ඒකට එක හේතුවක් වෙන්න පුළුවන් පොලිසිවලට යන්න වීම... නමුත් ජනතාව එකතු වුණොත් අපරාධ වළක්වන්න පහසුයි. අඩුම මේ වගේ එකක් වීඩියෝ කළා නම් සාක්ෂියක් වෙනවා. සතා හිටපු නිසා ඒ මනුස්සයා බේරුණා.