රිළවුන් මට්ටු කිරීමට තම වෙළෙඳසලේ වහලය මත රිළා වෙස් මුහුණක් සහිත පඹයකු ඇටවූ ව්යාපාරිකයකුට රිළවකුගෙන්ම මට්ටු වීමට සිදුවූ අපූරු පුවතක් යටිනුවර ප්රදේශයෙන් වාර්තා විය.
කතාව මෙසේය.
අප කතා නායකයා වන මොහු ව්යාපාරිකයෙකි. හෙතෙම රාජ්ය සේවයෙන් විශ්රාම ලැබ තම නිවෙස ආශ්රිතව පුංචි පහේ සිල්ලර කඩයක් ද පවත්වාගෙන ගියේය. ඔහුගේ ගම්මානය ආශ්රිතව රිළා උවදුරු තදින්ම තිබිණි. ඇතැම් තැන්හිදී වෙළෙඳසලට ද කඩාපාත් වූ රිළවුන් එහි බඩුමුට්ටුවලට ද හානි කළ අතර මෙය ව්යාපාරිකයාට මහත් හිසරදයක් වී තිබුණි. රතිඤ්ඤා ආදිය දල්වමින් රිළවුන් මට්ටු කිරීමට ඔහු වෙරදැරූ වාර ද අනන්තය. එහෙත් ඒ එකකිනිදු සිතැඟි ඉටුවුණේ ව්යාපාරිකයාගේ නම් නොවේ.
රිළවුන් බියගැන්විය හැකි වෙස්මුහුණු ගැන ඔහුට තොරතුරක් ලැබුණේ මේ අතරය. එය සාර්ථක ක්රමවේදයක් බව ද ආරංචි වූයෙන් නගරයට ගොස් වහ වහා වෙස් මුහුණක් මිලට ගැනීමට ව්යාපාරිකයා කටයුතු කළේය. සුපුරුදු පරිදි රිළවු ද ඒ ප්රදේශයට ඇදී ආහ. වෙස් මුහුණු දමාගෙන බියගන්වද්දී රිළවුන් පලායනයුරු දුටු ව්යාපාරිකයාට සතුටක් ද දැනුණි.
කාලය කෙමෙන් කෙමෙන් ගෙවී ගියේය. නිතර දෙවේලේ කඩය අසලට එන රිළවුන් පැන්නීමට වෙස්මුහුණු පැළඳ එළිපෙහෙළියට යාම ඔහුට මහත් හිසරදයක් විණි. ඔහු අපූරු උපායක් කල්පනා කර මොහොතකුදු නොසිට එය ක්රියාත්මක කළේය.
ලට්ට ලොට්ට එකතු කර පඹයකු තැනූ ඔහු ඊට අදාළ වෙස්මුහුණ ද සවිකළේය. ඉනික්බිති එය කඩයේ වහලය මත සවිකළ හෙතෙම මින් මතුවට රිළා කරදර මතු නොවනු ඇතැයි සිතා සැනසුම් සුසුමක් ද හෙලූ මුත් පසුදා වනවිට සිදුව තිබුණේ අනෙකකි.
පසුදා වහලය දෙසට ඇස යොමුකළ ඔහුට පඹයා දැකගත හැකිවුණ ද වෙස්මුහුණ එහි නැති බව පෙනුණි. සිද්ධිය වටහාගත නොහී උඩ බිම බැලූ ඔහුට පෙනුණේ කඩයට නුදුරු රූස්ස ගසක් මුදුණේ සිටි රිළවකු විසින් කිසිත් මායිම් නොකර වෙස්මුහුණ කැබැලි කරමින් බිමට විසිකරන අයුරුය. රිළවුන් මට්ටු කිරීමට ඇටවූ උගුල අසාර්ථක වී ඇති බැව් ව්යාපාරිකයා තේරුම් ගත්තේය.
රිළවුන්ගෙන්ම මට්ටු වීමට සිදුවූ ව්යාපාරිකයාට ආවේ තද කේන්තියකි. ඒ සමග හීන් දාඩියක් ද වැටුණේ ඔහුටත් නොදැනීමය.
(අමිල දොළපිහිල්ල)
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
රිළවුන් පන්නන්න ඇටවූ උගුලට තමන්ම අහුවෙලා