(අම්බලන්තොට විශේෂ ඩී.ජී. ජයසුන්දර)
මධ්යම රාත්රියත් පසුවී හුංගම පොලිසියේ පොලිස් ජංගම රථය ප්රධාන මාතර - තිස්ස මාර්ගයේ ගමන් කළේ ප්රදේශයේ නීතිය හා සාමය ආරක්ෂා කිරීමටය.
මද දුරක් ගිය විට මගී බස් ආවරණයක තරුණයකු තනිවම සිටිනු දැක මගී ආවරණයට සමීපකර ජීප් රථය නතර කළේය.
ජීප් රියේ ඉදිරි පස වාඩිවී “මොකද? මෙතන කරන්නේ” යැයි නිලධාරියා ඔවුන්ගෙන් විමසීය.
“අපේ සියා මැරිලා, මළ ගෙදර ආවා, ගෙදර යන්න බසයක එනකල් ඉන්නවා” යැයි කීය.
ඔහු කතාකළ ආකාරය අනුව පොලිසියට තරුණයා පිළිබඳ සැක සිතිනි. නැවත ප්රශ්න කරන්නට විය.
“මළ ගෙදර තියෙන්නේ කොහේද” පොලිස් නිලධාරීයා විමසීය.
“මේ සුදු කොඩිය දැමු පාරේ මීටර් 100කට වඩා නැහැ.” තරුණයා කීය. “නගිනව ජීප් එකට” පොලිස් නිලධාරීයා කීය.
පොලිස් නිලධාරීන් දෙදෙනකු ජීප්රියෙන් බැස තරුණයා ජීප් රියට දමා ගත්තේය. ප්රධාන පාරේ සිට මීටර් සියයක් අතුරු පාරේ ගිය තැන මළ ගෙදරය. තරුණයා සමග පොලිස් පිරිස ජීප් රියෙන් බැස ගත්තේය.
“කෝ එන්න කියන්න මළ ගෙදර කෙනෙකුට” අසල සිටි අයකුට ප්රධාන පොලිස් නිලධාරියා කීය.
මද වේලාවකින් මැදි වියේ කාන්තාවක් ජීප් රිය වෙත පැමිණියාය. තරුණයා පෙන්වා “මෙයා අඳුනනව ද?’ පොලිස් නිලධාරියා විමසීය.
“අනේ නැහැ අදමයි දැක්කේ” කාන්තාවගේ පිළිතුර විය.
“කවුද මියගොස් තියෙන්නේ” පොලිස් නිලධාරියා නැවත ඇසීය.
‘මගේ අම්මා’ කාන්තාව පැවැසුවාය.
එහෙනම් මේ කියන්නේ මෙයාගේ සීයා මැරිලා කියලා” පොලිස් නිලධාරියා කීය. “ඇත්ත කියනවා” කියමින් පොලිස් නිලධාරියා පොලිස් පාට් එකක් දැම්මේය. “ගහන්න නම් එපා සර්” මං ඇත්ත කියන්නම්” තරුණයා පැවසීය.
මං මළ ගෙදර ආවට ඥාතියෙක්වත් හිතවතෙක්වත් නොවෙයි. අඩු වශයෙන් මැරුණ කෙනා කවුද කියලවත් දන්නේ නැහැ. මං ආවේ බූරුවා ගහන්න. ගෙනා සල්ලි පැරදිලා. ගෙදර යන්නයි හෝල්ට් එකේ හිටියේ.” යැයි තරුණයා කීය.
“කෝ! බූරුවා පොළ” පොලිස් නිලධාරිය විමසීය. අර ගහන්නේ එහා වත්තේ” තරුණයා අත දික්කර පෙන්විය. “සාජන් ඉක්මනින් වටලන්න බූරු පිටිය. පොලිස් නිලධාරියා ගේ විධානය විය.
පොලිස් සාජන් ඇතුළු පොලිස් නිලධාරින් කීප දෙනෙක් අසල නිවසේ තිබූ සූදුපොළ වැටලූහ. පොලිසිය එන ආරංචියට සූදුපොළේ බූරුවා ගැසූ අය දුවන්නට වූහ. එහෙත් හත් අට දෙනෙකු පොලිසිය පැන අල්ලා ගත්තේය.
සූදුපොළේ වැටි තිබූ මුදල් යම් ප්රමාණයක් හා එලා තිබූ පැදුරු ද ගෙනැවිත් ජීප් රථයට දමා ගත්තේය. ‘හා නගිනව ජීප් එකට’ ප්රධාන පොලිස් නිලධාරියා කීය. බූරුවා පොළේ සිට අත්අඩංගුවට ගත් හත් දෙනාම ජීප් රථයට නංවා ගත්තේය.
“තමුසෙත් නගිනවා” අනතුරුව පොලිස් නිලධාරියා කීය.
පොලිසිය සියලු දෙනාම බූරුවා ගැසීමේ වරදට උසාවිය වෙත ඉදිරිපත් කළේය.
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මළගෙදර ගිහින් පොලිස් කූඩුවේ ලගින්නත් වෙලා
pitigala Thursday, 11 October 2018 02:11 AM
සමහර පලාත්වල පොලිසියේ මහත්තුරු මල ගෙවල් වල බූරුවා ගැහුවට අල්ලන්නේ නැහැ. සානුකම්පිතව බලා මල ගෙදරට රැස් වෙන මිනිස්සු නේ කියලා.....
ravi Thursday, 11 October 2018 05:22 AM
ඒක නිසා සමහර මල ගෙවල්වල දින ගණන් අදිනවා.