(කරන්දෙණිය එම්. සුසිල් ප්රියන්ත)
රූමත් දියණියන් තිදෙනාගේ නිදන කාමරයේ ජනේලය ළඟ කාලයක් තිස්සේ හොල්මන් කළ භූතයා බොරු වළක වට්ටා බැඳ පන්නා දැමූ පියකු පිළිබඳව පුවතක් දකුණේ ගම්මානයකින් වාර්තාවේ.
දියණියෝ තිදෙනාම රූමතියෝය. රූපසුන්දරියන් නොවුණත් ඔවුන් තිදෙනාටම තිබුණේ එකිනෙකාට නොදෙවැනි රූපකායකි. මේ නිසාම ගමේ කොල්ලො කුරුට්ටන්ගේ නෙත් මේ කෙල්ලන් තිදෙනාට ගියේ නිරායාසයෙන්මය. ඉබේටමය. ඔවුන් තිදෙනා සමග හාදකම් පැවැත්වීමට ගමේ තරුණයන් උත්සාහ දැරුවත් එය ගඟට කැපූ ඉනිමෙන් වූයේ ඔවුන් තිදෙනාම ඉගෙනීමට එකසේ දස්කම් දැක්වූ නිසාය. ඉගෙනීම හැර වෙනත් ලෝකයක් ඔවුනට නොතිබූ නිසාය.
ගමේ කොල්ලකු මේ කෙල්ලන් තිදෙනාගෙන් මද්දුමීට පෙම් බැන්දේ සිතෙන්ය. ඔහුට ඇය දැක්කත් සනීපය. මේ නිසාම ඔහු ඇය දැකීමට දැක්වූයේ පුදුම ආශාවකි. දැඩි කැමැත්තකි. ඇයගේ කටහඩ ඇසුනත් ඔහුට සනීපය. ඒ සියලුදේ සිදුවූයේ හැමට හොරෙනි. සිතෙනි.
කාලය ගෙවීයද්දීම මේ තරුණියන් තිදෙනාගේ නිදන කාමරය ආසන්නයේ රාත්රියට කවුරු හෝ සැරිසරන බවට සලකුණු මතු වෙන්නට පටන් ගත්තේය. ඒ පිළිබඳව සොයා බැලුවත් හොල්මන් කරන තැනැත්තා කොටුකර ගැනීමට නොහැකි වූයේය. දවස් ගණන් රාත්රියට එළි මහනේ සිට රැක්කේය. ගස් කොළන් උඩ සිට මෙය අල්ලා ගැනීමට රැක්කේය. එදාට ජනේලය අසල හොල්මන් කිරීම සිදු නොවේ. ඒ අනුව මේ නිවසේ උදවිය මෙය භූතයකුගේ වැඩක් යයි සිතුවෝය.
මේ සම්බන්ධයෙන් බැලූ සාස්තරයෙන්ද එය කියූ නිසාම නිවැසියෝ එය භූතයකුගේ වැඩක් යයි තවදුරටත් සිතූහ. ඒ සඳහා ගුරුහරුකම් කළද පලක් නොවීය. මෙය ඒ නිවැසියන්ට මහත් හිසරදයක්ව පැවතිණ. මේ භූතයා කොටුකර ගැනීමට දියණියන්ගේ ගේ පියා උපායවල් රැසක් ක්රියාත්මක කළේය. ඒ එකක්වත් හරි නොගිය තැන ඊට අපූරු උපායක් යෙදෙව්වේය.
එදා රෑ සිය දියණියන්ගේ නිදන කාමරයේ ජනේලය ආසන්නයෙන් පුද්ගලයකුගේ මර ලතෝනියක් ඇසුණේය. ඒ සමගම ක්රියාත්මක වූ නිවැසියන්ට දැක ගැනීමට හැකි වූයේ සිය ජනේලය අසල වළක වැටී එයින් ගොඩ ඒමට දගලන ගමේ තරුණයෙකි.
දියණියන්ගේ පියා උපායක් ලෙස ජනේලය ආසන්නයේ කැපූ බොරු වළක ඔහු වැටී සිටියේය. අහල පහළ අයගේද ආධාර උපකාරයෙන් වළේ වැටී සිටි තරුණයා ගස් බැඳ පොලීසියට භාර දුන්නේ ඉන් අනතුරුවය.
පොලීසියට ඔහු පවසා ඇත්තේ එම නිවසේ මද්දුමීට ඇති ආදරය නිසා ඇයගේ කට හඬ අසනු රිසියෙන් තමා රෑට රෑට හොඳ සෝදිසියෙන් සිට මේ නිවසට පැමිණ ජනේලය අසල සිටින බවය. දියණියන්ට කරදරයක් හෝ හිරිහැරයක් කිරීමේ අටියෙන් තමා මෙසේ රැඳී නොසිටින බවද ඔහු පොලීසියට පවසා තිබේ. එදායින් පසුව මේ භූතයා තියා වෙනත් කිසිම භූතයකුගෙන්වත් මේ දියණියන්ට කිසිම හිරිහැරයක් සිදු නොවීය.
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
භූතයා බොරු වළේ