(කෑගල්ල අධිකරණ - චමින්ද වැවතැන්න)
රාත්රියට ඉදිලා වැටෙන දුරියන් අසල්වාසීන් ඇහිඳ ගන්නවා යැයි පවසා සවස සිට එළිය වැටෙන තුරු දුරියන් ගහක් යට කූඩාරමක් තනාගෙන ලන්තෑරුමක් දල්වා රැය පහන් කරන වියපත් කතක පිළිබඳ පුවතක් කෑගල්ල ප්රදේශයෙන් වාර්තා වෙයි.
සිද්ධිය මෙසේය.
වයස අවුරුදු 79ක වයෝවෘද්ධ කාන්තාවක් තනිවම නිවසේ ජීවත් වේ. ඇගේ ස්වාමි පුරුෂයා මීට අවුරුදු 12කට පමණ ඉහතදී මිය ගියේය. ඇයට දරුවන් තිදෙනෙකි. වැඩිමල් පිරිමි දරුවා කිලෝමීටරයක් පමණ ඈතින් ජීවත්වෙන අතර දෙවැනි පිරිමි දරුවා පොල්ගහවෙල පදිංචිව සිටියි. තෙවැනි ගැහැනු දරුවා දඹුල්ල, ගලේවෙල ප්රදේශයට විවාහ වී ගොස්ය.
මෙම වයෝවෘද්ධ කාන්තාව පදිංචිව සිටින ඉඩම අක්කර දෙකකට වැඩිය. මෙම ඉඩමේ කෙළවරක නිවස තනා ඇති අතර නිවසේ සිට මීටර් 150ක් පමණ ඈතින් විශාල දුරියන් ගසක් ඇත.
තමන් ළඟට එන්නැයි දරුවන් තිදෙනා කොපමණ මවට කීවත් මව කිසිවක් ගාණකට නොගෙන මහගෙදර නිවසේ පදිංචිව සිටියි. වත්තේ ඇති දුරියන් ගහේ මෙවර දුරියන් ඵලදාව ජයටම හටගෙන ඇත. සති දෙකක පමණ කාලයක සිට දිවා රාත්රියට ගෙඩි තුන හතර ඉදී වැටෙන බව ද වාර්තා වෙයි. දුරියන් ගහෙන් රාත්රියට වැටෙන ගෙඩි ගාණ ගණන් කර අලුයම ඇහිඳීමට ගිය ද ගස යට එක දුරියන් ගෙඩියක්වත් අලුයම ඇහිඳ ගැනීමට තිබුණේ නැත. දුරියන් අස්ථානගත වීම සම්බන්ධයෙන් ඇය සිටියේ තරමක් කනස්සල්ලෙනි.
පසුව කාන්තාව මේ බව අසල පදිංචි වැඩිමහලු දරුවාට කීව ද ඵලක් වූයේ නැත. පසුව අසල්වැසි පුද්ගලයකුට මේ බව පවසා දුරියන් ගස ආසන්නයේ ටකරන් සෙවිලි කරගත් මඩුවක් පසු දිනම තනවා ගත්තාය. රාත්රී 7ට පමණ නිවසේ ඇති පැරැණි ලන්තෑරුමත් දල්වාගෙන විදුලි පන්දමකුත් අතැතිව නිදිවරාගෙන ටකරන් මඩුවේ සිට රාත්රියට වැටෙන දුරියන් එම මොහොතේම ඇය අහුලා පෙරවරුවේ ගම්වාසීන්ට අලෙවි කරන බව වාර්තා විය.
මේ බව දැනගත් දුරියන් ඇහිලූ ගම්වාසී තරුණ පිරිස ඉකුත් දිනක රාත්රියේ පොළොස් ගෙඩියක් කඩා දුරියන් ගහ යටට වීසිකර එම ස්ථානයෙන් පිටවී ඈතට ගොස් බලා සිට ඇත. දුරියන් ගෙඩියක් වැටුණා යැයි සිතා ගස යටට ගිය ද ඇයට දැකගත හැකි වී ඇත්තේ තඩි පොළොස් ගෙඩියකි. පසුව ඇය රාත්රියේම විදුලි පන්දම හතර වටේට අල්ලා මහ හයියෙන් පරුෂ වචනයෙන් බැන වැදී ඇත.
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
බ්ම වැටෙන දූරියන් බේරගන්න මඩුවක් ගහගෙන නිදි මරලා
vernon Tuesday, 04 August 2020 07:43 AM
තමන්ගේ දේ පරිස්සම් කරගන්න එකේ ඇති වැරැද්ද කුමක්ද?
චමින්ද Tuesday, 04 August 2020 01:07 PM
මේ අම්මාගේ දරුවන් ටිකක් මෝඩ ඇති... නැත්නම් මේ ගස කාට හෝ බදු දුන්නා නම් අම්මට වදයක් නැතිව ආදායමක් ඇතිව අපූරුවට නිදාගන්න තිබුණා නේද? ඊළග වතාවේවත් නුවණැස පහළ වේවා..!!!
damith Wednesday, 05 August 2020 12:14 AM
අහිංසක කෙනෙකුගේ දේවල් හොරකම් කරන එක හොඳ වැඩක් ද එතකොට
de silva berlin Wednesday, 05 August 2020 01:10 PM
මෙවැනි වියපත් කෙනෙක්ට උදව්වක් කරනවා මිසක්, පොළොස්ගෙඩි විසිකර විහිළු කිරීම මහ කැත වැඩකි.