(රත්ගම විශේෂ - ධර්මදාස සිරිවර්ධන)
ජනාධිපතිවරණයට ඉදිරිපත්වූ තමන් කැමැති අපේක්ෂකයා පැරදුණොත් පොල් ගසක කරටියෙන් පනිනවා යැයි ඡන්ද ඔට්ටුවක් ඇල්ලූ පොල් කඩන්නකු ඔහු පැරදුණු පසු පොල් ගසකින් පනින ලෙස පොහොට්ටුකරුවන් බල කිරීම හේතුවෙන් කවුරුත් බලා සිටියදීම අඩි 8ක් උස පොල් ගසකින් පැන ඡන්ද පොරොන්දුව ඉටු කිරීමේ අපූරු පුවතක් දකුණේ රතුපාටට හුරු පොල් වැඩිපුර ඇති ගමකින් වාර්තාවේ.
වාර්තාවන අන්දමට සිද්ධිය මෙසේය.
ගමේ සියලුම දෙනා දන්නා හඳුනන ඔහු නිවෙස්වලට ගොස් පොල් කඩා ඉන් ලැබෙන මුදලින් දරු පවුල ජීවත් කරවන අයෙකි.
පරම්පරාවෙන් කැපුවත් කොළපාට ඔහු මඳක් සප්පායම් වී සජිත් වැඩි ඡන්ද ලක්ෂ 10ක් ගන්නා බවත් එය ඉරහඳ මෙන් විශ්වාස බවත් පවසමින් පුරසාරම් දොඩන්නට විය. පොහොට්ටු ගැටවරයන් පිරිසක්ද ඔහු සමඟ පැටළුණු අතර අවසානයේ ඔහු පොරොන්දු වූයේ සජිත් පැරදුණොත් පොල් ගසකින් පැනීමටයි. වහා ක්රියාත්මක වූ පිරිස පොරොන්දුව කොල කැබැල්ලක ලියා ඔහුගේ අත්සනද ලබා ගන්නට අමතක කළේ නැත.
කෙසේ වුවද සජිත් පැරදුණු පසු හිතේ වේදනාවට අඩියකින්ද සප්පායම් වී ඔහු තැන තැන කට්ටි පනිමින් සිටියේය. පොල් ගසකින් පනින ඔට්ටුව ඉටු කරන්නැයි අදාළ පිරිස පසුපස එන බව ඔහු දැන සිටියේය.
කෙසේ හෝ මෙය දැනගත් බිරින්දෑ ද මහත් සේ බියට පත්ව සිටියාය. ඇය තොර තෝංචියක් නැතිව කියවන්නට පටන් ගත් අතර ඔට්ටුව ඇල්ලූ පිරිස හමුවී සමාව ගැනීමට තීරණය කළද ඔහු එයද වළක්වා දැමුවේ උඹ ගෙදර ඉඳපං ඔට්ටුව මම බලා ගන්නම් යැයි පවසමිනි.
ප්රතිඵල නිකුත්වී දෙදිනකට පසු ඔහු වළල්ලත් කරේ දමාගෙන පාරේ යනවිට සෙසු පිරිස ඔහු අල්ලාගෙන බෑ කියන්න බෑ. උඹ දැන් පොල් ගසකින් පනින්න ඕනෑ යි පැවැසූහ.
හරි ... හරි ... පනින්නම් කියමින් වත්තක් ඇතුළට ගිය ඔහු පසුපස පිරිස පැමිණියේ ඔහුට මඟහැර යා නොහැකි පරිද්දෙනි. ඔහු එක්වරම අඩි අටක් පමණ උස පොල් ගසක කරටියට නැඟ එක්වරම බිමට පැන ඔන්න මගේ ඔට්ටුව ඉටුකළා යැයි උඩ පනිමින් හා සිනහවෙමින් පැවැසීය.
ලජ්ජාවට පත්වූ පොහොට්ටු පිරිස පරාජිත මුහුණින් ආපසු හැරුණේ ඔට්ටුවේ කොන්දේසි හරියට තිබුණේ නෑනේ කියමිනි.
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඡන්ද ඔට්ටුව ඉටු කරන්න පොල්ගසේ කරටියෙන් පැනලා
ශංඛ Friday, 29 November 2019 05:57 AM
මොන රස්සාව කළත් ස්ථානෝචිත ප්රඥාව තියන පුද්ගලයෙක්...