(දඹුල්ල කාංචන කුමාර ආරියදාස )
ගුටි කෙළියකින් පසු රෝහල්ගත වී ඇඳන් දෙකකට වී දෙදෙනාම එකට එක්ව තමන්ගේ සිරුරේ මකුණන් කන බව පවසා රෝහල් සේවකයන්ට බැණ වැදුණු රාජ්ය සේවක මිතුරන් දෙදනකු පිළිබඳ පුවතක් දඹුල්ල රෝහලෙන් වාර්තා විය.
දඹුල්ල ප්රාදේශීය ලේකම් කොට්ඨාසයේ දීවා රාත්රී සේවය කරන එක්තරා රාජ්ය ආයතනයක සේවකයන් පිරිසක් පසුගියදා එක්ව මත්පැන් සාදයක් පවත්වා තිබේ. එහිදී සේවකයන් දෙදෙනකු අතර බහින්බස්වීමක් දුරදිග යෑම හේතුවෙන් දෙදෙනා අතර ගුටි හුවමාරුවක් පැයකට වැඩි කාලයක් පැවැති අතර දෙදෙනාටම තුවාල සිදුවී ඇත්තේ පහර පිට පහර ගුටි හුවමාරුව නිසාය.
අනෙකුත් සේවකයන් එක්ව මෙම දෙදෙනා රෝහලට ඇතුළත් කොට ඇත්තේ සිදුවූ තුවාලවලට ප්රතිකාර ලබාදීම සඳහාය.
පහර දීමකින් දෙදෙනකු රෝහල් ගත කළ බව රෝහල බාර හෙද නිලධාරීන් දඹුල්ල රෝහලේ පිහිටි පොලිස් ඒකකයට දැනුම් දී තිබේ.
ඒ අනුව පොලිස් නිලධාරීන් මෙම රාජ්ය සේවකයන් දෙදෙනාගෙන් ප්රකාශයක් සටහන් කරගැනීම සඳහා එම අවස්ථාවේම වාට්ටුවට පැමිණ ඇත. එහෙත් සිදුවූයේ කුමක්ද යන්න දෙදෙනාටම කතාකර ගැනීමට හෝ නොහැකි තරමට වෙරි මතින් සිටි බව පොලිසිය කියයි.
දෙදෙනාම එක ළඟ ඇඳන් දෙකක දමා තිබෙන අතර පොලිසිය දැඩි උත්සාහයක් ගත්තද දෙදෙනාම කියන කරන දේ වටහා ගැනීමටවත් නොහැකි තත්ත්වයක පසු වීම නිසා පොලිස් නිලධාරින් නැවතත් රෝහල් පොලිසිය වෙත පිටව ගොස් තිබේ.
මධ්යම රාත්රිය උදා වෙද්දී මෙම දෙදෙනාම එක්ව රෝහලේ ඇඳේ සිටින මකුණන් කන බව පවසා රෝහල් කාර්ය මණ්ඩලයට පරුෂ වචනයෙන් බැණ වැදී රෝහල තුළ කෑකෝ ගසන බව නැවතත් රෝහල් සේවකයන් පොලිසියට දැනුම් දී තිබේ.
පොලිස් නිලධාරීන් එම අවස්ථාවේම වාට්ටුව තුළට යද්දි ගුටි ඇන ගෙන රෝහල් ගත කළ දෙදෙනා එකට එක්ව රෝහල් සේවකයන්ට බැණ වදින අයුරු දැක දෙදෙනාටම අවවාද කොට තිබේ.
මෙම ගැටුම පසුදා උදේම ඔවුහු සමථයට පත් කර ගත්හ.
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ගුටි කෙළගෙන රෝහලට ආ දෙදෙනා හෙදියන්ට බැණ යාළුවෙලා
de silva Wednesday, 10 June 2020 07:09 AM
රජයේ රෝහල්වල සනීපාරක්ෂාව සහ පිරිසිදුකම ගැන නම් කතා කරලා වැඩක් නැහැ...