චරිත සහතික ලබා ගැනීම සඳහා ග්රාම නිලධාරිනියගේ නිවසට පාපැදියකින් යන අතරමග තමන් යන දෙසටම සුදු සාරියක් ඇඳ ළගන්නා සුළු ලතාවට යමින් සිටි ලලනාවගේ ගමන් විලාසයට උපහාසයක් කළ තරුණයන් දෙදෙනෙකුට ග්රාම නිලධාරිනියගේ නිවසේදී දවල් තරු පෙනුණු අපූරු පුවතක් අපේ ගම් පළාතෙන් වාර්තා වේ.
දෙදෙනාම එකම ගමේය. එක ළඟය. රැකියාවට අයදුම් කළේ ද එකටය. එකම ආයතනයකටය. මේ නිසාම ඔවුනට සම්මුඛ පරීක්ෂණය තිබුණේ ද එකම දිනයකය.
ඔවුනට සම්මුඛ පරීක්ෂණය සඳහා ගෙන යාමට චරිත සහතික දෙකක් අවශ්යව තිබිණි. එකක් ගමේ පන්සලේ හාමුදුරුවන්ගෙන්ය. අනෙක තමන් පදිංචි ග්රාම නිලධාරි වසමේ ග්රාම නිලධාරිගෙන්ය.
ගමේ පන්සලේ හාමුදුරුවන්ගෙන් චරිත සහතික ලබාගත් ඔවුන්ට ඊළඟට චරිත සහතික ලබා ගැනීමට තිබුණේ ග්රාම නිලධාරීගෙන්ය. ඔවුනට සිටියේ ග්රාම නිලධාරිනියකි. ඔවුන් දෙදෙනා ග්රාම නිලධාරිනියගේ නිවසට පාපැදියකින් ගියේ තමන් දෙදෙනාට චරිත සහතික ලබාගැනීමටය. ඒ යන අතරතුරේදී ඔවුන් යන අන්තයටම ඔවුනට පිටුපා සුදු සාරියක් ඇඳගත් ලලනාවක් ළගන්නා සුලු අයුරින් ලතාවට ගමන් ගනිමින් සිටියාය.
ලලනාව ළඟට ළංවත්වම තරුණයන් දෙදෙනා කොහොමද අක්කගෙ ගැස්සිල්ල යයි අසා ග්රාම නිලධාරිනියගේ නිවසට ගියහ.
තමන් විහිළු කළ ලලනාව ද ග්රාම නිලධාරිනියගේ නිවසට එනු දුටු මේ තරුණයන් දෙදෙනාට දෙවියන් සිහි වූයේ ඒ තමන්ගේ කොට්ඨාසයේ ග්රාම නිලධාරිනිය බව හඳුනා ගැනීමත් සමගමය. ඇය පිටුපස හරවා පැමිණීම නිසා ඔවුන් දෙදෙනාට රාජකාරි ගමනක් ගොසින් සිය නිවසට එමින් සිටි ග්රාම නිලධාරිනිය හඳුනා ගැනීමට නොහැකි වී තිබිණ.
තරුණයන් දෙදෙනා දුටු ගමන්ම ග්රාම නිලධාරිනිය තමන්ට මගදී හමුවී විහිළු කළ දෙදෙනා බව පසක් වූවාය. ඇයි මොකද මේ දෙන්නා යයි ඇය ඇසුවේ ඔවුන් දෙස වඩාත්ම විමසිලිවත් වෙමිනි.
ඇය මග හැර යාමට ද මගක් නොවූයෙන් කරකියාගත නොහැකිව සිටි ඔවුන් දෙදෙනා ඔළුව කස කසා කීවේ තමන්ට චරිත සහතික දෙකක් ලබා ගැනීමට අවශ්ය බවය.
දෙන්නටම දෙන්න හොඳ චරිත සහතික තියෙන බව මට අද පෙනුණා. ඒ නිසා ඒ චරිත සහතික දෙන්න ඕන තමන්ගේ මවුපියන් ඉදිරියේයි. ඒ නිසා කරුණාකර චරිත සහතික අවශ්ය නම් මවුපියන් එක්ක එන්න යයි ග්රාම නිලධාරිනිය කී විට මහත් ලජ්ජාවට පත්වූ ඔවුන් දෙදෙනා මිටෙන් හල කුරුල්ලන් දෙදෙනකු විලසින් තමන් ආ පාපැදියෙන්ම පලා ගියහ. එදාට පසුව ඔවුන් තවමත් චරිත සහතික ලබා ගැනීමට එම ග්රාම නිලධාරිනිය හමුවීමට ගොස් නැති බව ද දැනගන්නට ඇත.
කරන්දෙණිය එම්. සුසිල් ප්රියන්ත
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ග්රාම නිලධාරිනියගේ ගැස්සිල්ල සොයා සහතිකේ ගැස්සිලා