ගස් ගෝන මසට ලොල් වූ ක්රීඩකයකු හෝටලයකින් ගෝන මස් කා රෝහල් ගතවීමේ පුවතක් දකුණු පළාතෙන් වාර්තාවේ.
හේ ප්රවීණ පාපන්දු පුහුණුකරුවෙකි. ඔහු නැගෙනහිර පළාතට දින දෙක තුනකට ගියේ එහි පැවති පාපන්දු පුහුණු කඳවුරක උපදේශකයකු ලෙස කටයුතු කිරීමටය. දඩ මස්වලට ඉමහත් ප්රසිද්ධියක් ඉසුලූ එම ප්රදේශයට ගිය ඔහුට දඩමස් කෑමට ඇතිවූයේ බලවත් ආසාවකි.
මේ නිසාම ඔහු මේ පාපන්දු පුහුණු කඳවුරේ සංවිධායකයින්ට සිය අදහස ඉදිරිපත් කළේය. ඔවුහු පාපන්දු පුහුණුකරු දඩමස්වලට ඉමහත් ප්රසිද්ධියක් උසුලන හෝටලයකට රැගෙන ගියහ.
‘මොනවද අද කෑමට තියෙන දඩමස්” යයි එහි ගිය ඔවුහු හෝටල් බලධාරීන්ගෙන් ඇසූහ.
“හා මහත්තයා අද විශේෂ ගස් ගෝනා මස් තියෙනවා”
ගෝන මස් යයි කී සැණින් පාපන්දු පුහුණුකරුවාගේ කටට කෙළ ඉනුවේ තමා කවදාවත්ම ගෝන මස් කා නොමැති නිසාය.
පාපන්දු පුහුණුකරු කැඳවාගෙන ගිය අය ඔහුගෙන් ඇසුවේ “සර් කමක් නැද්ද අද තියෙන්නේ ගස් ගෝන මස්ලු” යයි කියමිනි.
“ෂා නියමයිනේ. මම කවදාවත්ම ඔය මස් කාලා නැහැ. කමු කමු අද බලන්න පුළුවන්නේ ඔය මස්වල රස” යයි කීවේ මහත් රුචියකිනි.
කෑමත් සමගම දවසේ විශේෂ ගස්ගෝන මස් පීරිසියක්ද ඔහුට ලැබුණි. තෙල් පිරී තිබූ මස් පීරිසිය දුටු සැණින් ඉහවහා ගිය ප්රීතියෙන් ඔහු බත් සහ එළවළුවලට වඩා මස් දමාගෙන කෑවේය. මස් පීරිසි දෙක තුනක්ම භුක්ති වින්දේය.
ඔහු කෑම කා අවසන් වෙනවාත් සමගම තවත් පිරිසක් කෑම ගැනීමට එම හෝටලයට පැමිණියහ. ඒ පැමිණි පිරිස ද ඇසුවේ “අද මොනවාද ස්පෙෂල් තියෙන දඩ මස්” කියාය.
එවිට ඔවුනටද හෝටලේ හිමියා කීවේ අද තියෙන්නේ ගස් ගෝන මස් යනුවෙනි. “අපෝ එපා ගස් ගෝනමස් නම් අපිට එපා. අපි යනවා වෙන හෝටලයකට” කියමින් ඔවුහු ආපසු ගියහ.
මේ දෙබස ඇසූ පාපන්දු පුහුණුකරු තමන් සමග ගිය අයගෙන් ඇසුවේ ඇයි ඒ අය ගෝන මස් එපා කියමින් ගියේ කියාය.
“ගෝන මස් කොච්චර රසද? මමනම් පීරිසි දෙක තුනකටම වගකීවා”යි වැඩිදුරටත් කීවේය.
ඇයි සර් දන්නේ නැද්ද ගස් ගෝන මස් කියන්නේ මොනවටද කියල. අපි හිතුවේ සර් ගස් ගෝන මස් ගැන දන්නවා ඇති කියලයි. ඔවුහු කීහ.
“අනේ නැහැනේ ගස් ගෝන මස් කියන්නේ ගෝන මස්වලට නෙමෙයිද? මම හිතුවේ ගස් ගෝන කියන්නේ ලොකුවට ගහක්වගේ හැදුනු ගෝනකුටයි කියලානේ.
තමන් කෑවේ මොන සතාගේ මස් ද කියා දැන ගැනීමේ දැඩි වුවමනාවක් ඔහුට විය.
සර් ගස් ගෝන මස් කියන්නේ වඳුරගෙ මස් වලටයි. ඔවුන් කී විට ඔහුට ඇති වූ අප්පිරියාව පිටවූයේ වමනය යාමත් සමගය.
වඳුරාගේ කළු හම, එහි තිබූ දිගු මවිල් මතක් වෙන මතක් වෙන විට ඔහුට වමනය ගියේය. උගුරට හානි සිදුවී ලේ වමනයද ඔහුට ගියේ වමනය නතර කර ගන්නට ගත් හැම උත්සාහයක්ම අසාර්ථක වෙමිනි.
අවසානයේ ඔහු ළඟම තිබෙන රෝහලේ නේවාසිකව නතර කරනු ලැබුවේ වමනය නතර කර ගන්නටය.
වමනය යාමත් සමගම ඔහුට ඇතිවූ කෑම අරුචියෙන් පාපන්දු පුහුණු කිරීමට තියා කෙළින් සිට ගැනීමටවත් ශක්තියක් නොවූවෙන් ඔහුට සිදුවූයේ පාපන්දු උපදේශනය අතරමග නවතා ගෙදර යාමටය.
කොහොමද ගස් ගෝන මස් යයි කෙනකු ඇසූ විට ඔහුට දැනුදු වමනයට එන බව කියයි.
(කරන්දෙණිය එම්. සුසිල් ප්රියන්ත)
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ගස් ගෝන මස් කෑ පාපන්දු පුහුණු කරු රෝහලේ ප්රැක්ටිස්