ඡන්ද ඔට්ටුවෙන් පැරදී හිස බූගාගත් පුද්ගලයකු සිය පවුලේ අය ඉදිරියේ අසරණවී සිටින බවක් සහ තමන් කරන රස්සාව අහිමි කර ගැනීමේ තත්ත්වයට වැටීමේ පුවතක් ගම්බද ප්රදේශයකින් වාර්තා විණි.
සිද්ධිය මෙසේය. සිද්ධියට සම්බන්ධ දෙදෙනා එකම ගමේ පදිංචිකරුවෝය. එක් අයෙක් ජිනසෝම නමින් හැඳින්වෙන අතර අනෙකා ආරියදාස නමින් හැඳින්වේ. හැමදාම සවස් කාලයේ මේ දෙදෙනා ඇතුළු ගමේ බොහෝ අය චාර්ලිස් අයියගෙ තේ කඩේ ළඟට පැමිණ දාං ක්රීඩාවේ යෙදෙන අතර කතා කර කර කාලය ගත කරයි.
ඡන්දයක් පැමිණීමත් සමග ගැමියෝ ඒ පැත්තට නැඹුරු වී ඒ පිළිබඳව අදහස් දක්වමින් කතිකාවල යෙදී සිටියහ. ඡන්දයට නාම යෝජනා දීමත් අවසන් විය. දුන් නාමයෝජනා අනුව එක් එක් අය මුදල් ඔට්ටු ඇල්ලීමට පටන් ගත්හ. ඒ අතරින් ජිනසෝම සහ ආරියදාස ද හිස බූ ගෑමේ ඔට්ටුවක් ඇල්ලීය. ඒ එක් අයෙක් ප්රිය කරන පක්ෂය දිනුවොත් අනෙකා හිස බූ ගෑමය.
ජිනසෝම උගත් රජයේ රස්සාවක් කරන අයකු වන අතර ආරියදාස ගොවිතැන් බත් කරමින් තම පවුල ජීවත් කරවන්නෙකි. ජිනසෝම විවාහකයකු වුවත් තමන් ඇල්ලූ ඔට්ටුව ගෙදර අයට නොසඟවා සිටියේය.
මම නම් මෙදාපාර කාටවත් ඡන්දය දෙන්නේ නෑ. හැබැයි උඹලගේ පක්ෂයේ නායකයා ඇතුළු ඉල්ලන අපේක්ෂකයෝ මෙදා පාර පැරදිලා නන්නත්තාර වෙනවා සිකුරුයි කියා ආරියදාස ජිනසෝම ඉදිරියේ කියා පෑවේය.
හා බලමු උඹ කොහොම කිව්වත් අපේ පක්ෂය දිනනවා දිනනවාමයි කියා ජිනසේන පිළිතුරු දුන්නේය.
ජිනසෝම පැවති විරුද්ධ පක්ෂයට බැඳී සිටි පාක්ෂිකයෙකි. ආරියදාස ස්වාධීනව සිටින කෙනෙකි. කෙසේ වෙතත් ජිනසෝමගේ පක්ෂය දිනුවොත් ආරියදාස හිස බූ ගෑ යුතු බවත් ආරියදාසගේ අදහස අනුව වෙනත් පක්ෂයක් දිනුවොත් ජිනසෝම හිස බූ ගෑ යුතු බවත් දෙදෙනාම රැස්ව සිටි පිරිස ඉදිරියේ පොරොන්දු වූහ.
ඡන්දය පැවැත්විණි. ප්රතිඵල ද කෙමෙන් කෙමෙන් නිකුත් විණි. නිකුත් වූ ප්රතිඵල අනව ජිනසෝමගේ පක්ෂය පරාජය වීමේ ලකුණු පෙනී ගියේය. අවසන් ප්රතිඵලය නිකුත්වීමටත් පෙරාතුව ජිනසෝම කඩකාමරයේ බාබර් සාප්පුවට ගොස් සම්පූර්ණයෙන්ම හිස බූ ගා ගෙදරට පැමිණියේය.
ගෙදර අය තුෂ්නිම්භූත වූහ. ඇයි මේ තට්ටේ ගෑවේ කියා බිරිඳ ඇසුවාය. ඡන්ද ඔට්ටුවෙන් මම පැරදුණා. ඒකයි හිස බූ ගෑවේ කියා ජිනසෝම කියා සිටියේය. එතැන් සිට ගෙදර අයගෙන් ජිනසෝමට බැණුම් එල්ල විය. මෙය කන වැකුණු ආරියදාස සහ කිහිප දෙනෙක් ජිනසෝමගේ ගෙදරට පැමිණ ඔට්ටුව විදිහට කළා උඹ හරි කියා පිටවී ගියහ.
(මෝදර සී. ඉග්නේෂස් ඇන්තනි)
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඔට්ටුව පැරැදී තට්ටය ගාලා