(කරන්දෙණිය එම්. සුසිල් ප්රියන්ත)
කැළි කසළ ගොඩේ තිබූ ජාතික හැඳුනුම්පත අහුලා නියම අයිතිකරු සොයාගෙන ගොස් එය අතටම දුන්නු නගර සභා කැළි කසළ අංශයේ සේවකයාට එරෙහිව පොලීසියට පැමිණිලි කළ පුද්ගලයකු පිළිබඳ අපූරු පුවතක් අපේ ගම් පළාතෙන් වාර්තාවේ.
සුපුරුදු පරිදි එදත් උදේ ඔහු නගරයේ කැළි කසළ ඉවත් කිරීමේ කාර්යයේ නිරතව සිටියේය. එක් කැළි කසළ ගොඩක් ට්රැක්ටරයට පැටවීමට යාමේදී ඔහුට එහි විශාල ලෙස ජරාව බැඳී තිබුණු ජාතික හැඳුනුම්පතක් දක්නට ලැබිණ. හේ වහාම එය අතට ගත්තේය. මේ ජාතික හැඳුනුම්පත ශුද්ධ කර එය නියම අයිතිකරු සොයා දීමේ සද්භාවයක් ඔහුට ඇතිවිය. ඒ ඔහු නගරයේ කුණු ඇද්දත් සද්කාර්යයන් කිරීමට තිබූ ලැදියාව නිසාමය. මේ ඒ වේලාව නොවන නිසා ඔහු කැත නොසිතාම සිය කලිසම් සාක්කුවේ ඔබා ගත්තේය.
සේවයෙන් ලද කෙටි නිදහසින් ඔහු මේ ජාතික හැඳුනුම්පත සිය කලිසම් සාක්කුවෙන් එළියට ගෙන හොඳින් ශුද්ධ පවිත්ර කළේය. දවසේ වැඩ නිමාවෙන් පසු ඔහු ගියේ සිය නිවස කරා නොව මේ ජාතික හැඳුනුම්පත අයිතිකරු සොයාය. ඒ කිලෝමීටර් ගණනක් පා පැදිය පදවාගෙනය.
නියම අයිතිකරුට නැතිවූ මේ තමාගේ ජාතික හැඳුනුම්පත ලැබූවිට ඔහුගේ සන්තෝෂය මේ කම්කරුවාගේ හිතේ මැවී පෙනුනේ තමාට කරනා ස්තූතියද මේ අතර කම්කරුවාගේ සිතට පැමිණියේ නිරාසයෙන්ම ය.
මේ තුටු සිතින් ඔහු නියම අයිතිකරු සොයා ගොස් ඔහුගේ අතටම හැඳුනුම්පත ලබා දුන්නත් තමා අපේක්ෂාවෙන් සිටි කිසිවක් මේ පුද්ගලයාගෙන් දක්නට හෝ අසන්නට නොලැබිණ. ඒ වෙනුවට ඔහුගේ ප්රශ්න වැලකට මුහුණදීමට සිදුවිය. තමුසේ මගේ ජාතික හැඳුනුම්පත හොරකම් කළා නේද? කොහෙන්ද මිනිහෝ මේක අහුලා ගන්න තිබුණේ. ගෙදර තිබුණු හැදුනුම්පත කොහොමද ඕයි ටවුමේ කුණු ගොඩට යන්නේ. මගේ හැඳුනුම්පත හොරකම් කරලා මගෙන් ගාණක් කඩා ගන්නද තමුසේ හිතන්නේ, මම මේක ලෙහෙසියෙන් අත් හරින්නේ නැහැ. මම මේක නීතියට ගෙනියනවා යයි කියමින් මේ පුද්ගලයා මුළු නිවසම දෙවනත් කරමින් කෑගසමින් සිටියේය.
වඳින්න ගිය දේවාලය හිසේ කඩාගෙන වැටී ඇති බව තේරුම් ගත් ඔහු එතනින් හිමීට ලිස්සා ගියේ තව දුරටත් මෙතන සිටියහොත් නොකළ හොරකමකටත් ගුටි බැට කෑමට සිදුවෙතැයි අනුමාන කළ නිසාවෙනි.
ජාතික හැඳුනුම්පතක් සොරකම් කිරීමේ චෝදනාවට මේ කම්කරුවා පොලීසියට කැඳවා තිබිණ. දෙපාර්ශ්වයේම කරුණු කාරණා අසා සිටි පොලිස් පරීක්ෂකතුමාට කාරණය හොඳින් තේරුම් ගියේ ඔහුද මේ කම්කරුවා ගැන හොඳට දැනගෙන සිටි නිසාය. මේ අහිංසක කම්කරුවා කළේ හොඳ වැඩක්. අන්තිමට කළ හොඳ වැඩටත් හොඳ හොරකමක් කළා යයි බොරු චෝදනාවකට පොලීසියට එන්න වුණා. ඔබතුමා මේ අහිංසකයා කළ උදව්වට හරිනම් තෑග්ගක් දෙන්න ඕනෑ. නමුත් කරේ මහ අමනුස්ස වැඩක් යයි කියමින් ඔහු කළ වරද පිළිගන්වන්න පොලිස් පරීක්ෂකවරයා කෙතරම් මහන්සි ගත්තත් ඔහු මේ වෙනුවෙන් තමාට ඉහළ නීති කාරණාවකට යාමට අවශ්ය යයි කියමින් සමථයකට එළඹීම ප්රතික්ෂේප කරමින් සිටියේලු.
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
අනුන්ට උදව් කළාට අපූරු තෑග්ගක් ලැබිලා
beau Friday, 19 March 2021 10:33 AM
ඕක තමයි අපේ අයගේ හැටි. හැම කෙනෙක්ම මනින්නේ තමන්ගේ මිම්මෙන්.
kapila Friday, 19 March 2021 01:41 PM
අද සමාජයේ මිනිසුන්ගේ ඇති ආකල්ප සමග, අන් කෙනෙකුගේ ජාතික හැඳුනුම්පතක් ලැබුණොත් එය තැපැල් පෙට්ටියකට දැමීම නුවනට හුරු බවයි මගේ අදහස.
fairoos Sunday, 21 March 2021 07:31 AM
මෙන්න මේ වගේ මිනිස්සු හින්දා තමයි හදිසියකටවත් උදව්වකට එන්නේ නැත්තේ
Athula Monday, 22 March 2021 11:52 PM
අයිතිකරු හොර ගමනක් ගිහිං හැඳුනුම්පත නැතිකරගෙන, ලැජ්ජාව වහගන්න අහිංසකයෙක් අල්ලගෙන වගේ.