(කරන්දෙණිය එම්.සුසිල් ප්‍රියන්ත)
  රාත්‍රියේ නාන කාමරයේ දිය නාමින් සිටි තරුණියක සිය ජංගම දුරකතනයෙන් වීඩියෝ කරමින් සිටි තරුණයකුට බලු‍ ප්‍රහාරයකට ලක්ව රෝහලේ ප්‍රතිකාර ලබන්නට සිදුවූ පුවතක් දකුණේ ගමකින් වාර්තා වේ.


 ඇඟලු‍ම් කර්මාන්ත ශාලාවක සේවය කරන තරුණියකි. වැඩ ඇරී රෑ බෝවී සිය නිවසට එන ඇය පුරුද්දකට මෙන් සිය නාන කාමරයට ගොස් ඇඟ සේදීම හෝ දිය නෑම සිදුකරන්නීය. 


 එදාත් ඇය වැඩ ඇරී රාත්‍රියේ නාන කාමරයට ගියේ නා ගැනීමටය. එසේ ඇය නාන කාමරයේ දිය නාමින් සිටියදී එක පාරටම දඩෝස් ගා නාන කාමරය පිටුපස දෙසින් ශබ්දයක් ආවේය. ඒ සමගම නිවසේ ඉදිරිපිට ලිහා සිටි බල්ලා ද කලබලවී ඒ දෙසට දිව ආවේ ආගන්තුකයකු සිය නිවසට පැන ඇතැයි ඉව වැටුණු නිසා විය යුතුය.


  නාන කාමරයේ පිටුපස තරමක් උස ලී කොටයකින් වැටී එය පෙරළී දුවනා කෙනකු පිටුපස කලු‍වරේ එළවාගෙන ගිය බල්ලා සපා කෑවේ ඔහු මර හඩ තලමින් සිටියදීය. නිවසේ සිටි අයියමලෝද ඒ දෙසට දිව ආවේ නිරායාසයෙන්මය. සිදුවූදේ ඔවුනට තේරුම් ගියේය. බලු‍ ප්‍රහාරයට ලක්ව ලේ ගලමින් සිටි ඔහුගේ අත තිබූ ජංගම දුරකතනය නිරීක්ෂණය කර බැලීමෙන් එය තව දුරටත් තහවුරු විය. 


 සිය නිවසට හොරෙන් ඇතුළුවීමෙන් කලබලයට පත්  බල්ලා සපා කෑවාක් මෙන්ම ජංගම දුරකතනයේ වීඩියෝව දැකීමෙන් කලබලයට පත් මේ අයියමලෝ ඔහුට හොඳටම නෙළුවේ ඔහුගේ ජීවිතය බේරා ගැනීමට නම් අනිවාර්යයෙන්ම රෝහල් යා යුතුම තරමටය.


  කට්ට කළුවරේ තිබූ නාන කාමරයේ කවුළුවට උස මදි නිසා මේ තරුණයා නාන කාමරයේ දිය නාමින් සිටි තරුණිය වීඩියෝ කිරීමට භාවිතා කර තිබුණේ ඒ ආසන්නයේ තිබූ ලී කොටයක නැඟය. නාන කාමරයේ ඇතුළත හොදින්

වීඩියෝ කරන්නට ගොස් තමාට උන්හිටි තැන්ද අමතකවී සමබරතාවය බිඳී ඔහු එම ලී කොටයෙන් බිමට වැටී ඇත්තේ ශබ්ද නඟමින් බව ඒ පිළිබඳව නිරීක්ෂණයේදී එම නිවැසියන්ට දැක ගන්නට ලැබී තිබේ.