තම අනියම් සම්බන්ධය ගමේ තරුණයන්ට හසුවීම නිසා බිරිඳත් පාපැදියත් අහිමි කරගත් පුද්ගලයකු පිළිබඳ පුවතක් උතුරු මැද පළාතේ ගමකින් වාර්තාවේ.
ඔහු ග්රාමීය සංවර්ධන කටයුතු කරන සංවිධානයක සේවය කරන විවාහක දෙදරු පියෙකි. වයසට වඩා තරුණකම පෙන්වමින් කාන්තාවන්ට මහත් ඇඟෑලුම්කමක් පාමින් තම රාජකාරිය සිදුකරයි. විටෙක ඔහු මහත් හිරිහැරයක් බව කාන්තාවෝ පවසති. ගමේ කොල්ලන් බලා සිටින්නේ මේ අනංගයාට පාඩමක් උගන්වන්ටය.
කාලයක් යනවිට ඔහු තම වැයික්කියේ කාන්තාවක සමග අනියම් සම්බන්ධයක් ඇතිකරගෙන තිබුණි. ඇයගේ සැමියා කොළඹ ප්රදේශයේ රැකියාවක යෙදෙන නිසා නිතරම නිවසට එන්නේ නැත. ඒ නිසා මොහු රාජකාරී කරන මුවාවෙන් එම නිවසට නිතරම යයි. මේ සම්බන්ධය ගැන බිරිඳටද ඉව වැටී තිබුණි. බිරිඳ මේ ගැන නිතරම සෙවිල්ලෙන් පසුවූවාය.
දිනක් රාත්රි කාලයේදී ඔහු බිරිඳට පවසා ඇත්තේ “අද කුඹුරට වතුර හරවන්න යන්න ඕනෑ” යනුවෙනි. බිරිඳ පවසා ඇත්තේ මෝටර් බයිසිකලයෙන් යන ලෙසය. “නැහැ බයික් එකේ යන්න බැහැ. බයිසිකලේ දාන්න තැනක් නැහැ. අනෙක හොරුත් ඉන්නවනෙ” යනුවෙන් පැවසූ ඔහු තම පාපැදියෙන් ගියේය.
කුඹුරට වතුර හැරවිල්ල පැත්තක දමා අනියම් ඇසුරක් පවත්වන කාන්තාවගේ නිවස දෙසට හිමින් හිමින් යන ඔහු ගැන සෙවිල්ලෙන් සිටි ගමේ කොල්ලෝ කීපදෙනෙක්ද ඔහු පසුපස ගියහ. ඔහු හොර පූසකු මෙන් වටපිට බලා තම පාපැදිය අසල අකුලක සඟවා කාන්තාවගේ නිවසට රිංගා ගත්තේය.
පසුව තරුණයෝ පිරිස එකතු වී හිමින් සීරුවේ පාපැදිය රැගෙනවිත් අසල වගා ළිඳට දමා හිමිහිට මාරුවූහ. ටික වේලාවකින් පැමිණ බලනවිට තම පාපැදිය නොමැති බව දැනගත් ඔහුට හීන්දාඩිය දැම්මේය. අහන්න කෙනෙකුත් නැත. බයිසිකලය හොයන්න ගියොත් සියල්ල හෙළිවන නිසා එම අදහස අත්හැර දමා හිමින් හිමින් කැලෑ පාරකින් නිවස බලා එනවිට ගමේ තරුණයකු හමුවී ඇත.
“මහත්මයා මොකද මේ රෑ පයින්ම යන්නෙ?”
“බලන්න මල්ලි මම කුඹුරට ගියා වතුර හරවන්න එනකොට බයිසිකල් එක නැහැනේ”
සිද්ධිය දන්නා තරුණයාගේ මුවඟට මද සිනහවක් නැගුණ අතර තරුණයා ඔහු නිවසටම ඇරලුවේය.
පසුදින උදෑසන බයිසිකලය ගැන බිරිඳ අහන්න පෙර ඔහු පවසා ඇත්තේ “බලන්නකෝ ඊයේ රෑ ඇළ නියර උඩ නතර කරල තිබුණ බයිසිකලය කවුද කඩප්පුලියෙක් අරන් ගිහිල්ලනේ?” යනුවෙන් පවසා ඇත. ඔහුගේ තරම දන්නා බිරිඳ මුවින් නොබැන නිහඬවූවාය.
ටික දිනක් ගිය පසු උදෑසන බිරිඳ දැක ඇත්තේ සැමියාගේ බයිසිකලය ගේට්ටුවට හේත්තු කර ගොස් ඇති බවය. පසුව බලනවිට ඒ සමග ලිපියක්ද විය. එහි සඳහන්ව තිබුණේ “මහත්තයාගේ බයිසිකලේ රෑට ඇවිදින්න යනවා නෝනා. අනේ පුළුවන්නම් රෑට බැඳල තියාගන්න. මහත්තයාටත් ඒ දේම කරන්න පුළුවන්නම් ලොකු දෙයක්” යනුවෙන් සඳහන් කර ඇත.
එදා බිරිඳට හොඳටම තරහ ගොස් තල් අත්තට බොරලු ගසන්නා සේ තම ස්වාමියාට හොඳටම බැන වැදී දරුවන් දෙදෙනාද රැගෙන තම මහ ගෙදර බලා ගියාය. ඒ මදිවාට ඔහු තම රාජකාරී ප්රදේශයට යා නොහැකිව දැන් නිවසට වී කල් මරනවාලු.
(බන්දුල පී. පතිරණ)
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
රෑට රෑට හොර ගමන් යන බයිසිකලේ ගේට්ටුවේ බැඳදාලා