(කැලණිය - ලාල් එස්. කුමාර)
ගෙඩි හට නොගන්නා ගසේ පළදාව ලබාගැනීම සඳහා කෙමක් කිරීමට ගොස් ලැජ්ජාවට පත්වූ කාන්තාවක් පිළිබඳව පසුගියදා කොළඹට නුදුරු ප්රදේශයකින් අසන්නට ලැබුණි.
වැඩිහිටි කාන්තාවකි. සැමියා මියගොස් ඇත. ඇයගේ ආදායම් මාර්ගය වූයේ තම නිවසට යාබදව කාමර කීපයක් සාදා තරුණියන් සඳහා කුලියට දීමෙන් ලැබෙන මුදලයි. දිනක් ඒ බෝඩිමේ සිටි තරුණියන් රඹුටන් මල්ලක් ගෙනැවිත් එම බෝඩිමේ සිටින තම යෙහෙළියන්ටද දීමෙන් අනතුරුව ඉතිරිය බෝඩිම අයිති ඇන්ටිට දීමට යෙහෙළියන් දෙදෙනකුද සමග ඇන්ටිගේ නිවසට ගොඩවැදුණාය.
රඹුටන් මල්ල ලබාගත් ඇන්ටි මේ දවස්වල කොහෙන්ද රඹුටන් යැයි විමසුවාය. ඇයි ඇන්ටි දන්නේ නැද්ද අවාරේ රඹුටන් අපේ පැත්තේ තියෙනවානේ කියා තරුණිය පැවසුවාය.
බලන්නකෝ මගේ රඹුටන් ගස් දෙකක් තිබෙනවා එක ගහකවත් රඹුටන් හැදෙන්නේ නැහැ මල් විතරයි ඇන්ටි පැවසුවාය.
අයියෝ ඇන්ටි ඕකත් වැඩක්ද අපේ පැත්තේ අය ගෙඩි හට ගන්නේ නැති ගස්වලට කෙමක් කරනවා. ඊළඟ අවුරුද්දේ ඉඳලා ගෙඩි හැදෙනවා. එම තරුණිය පැවසුවාය.
අනේ ළමයෝ මටත් ඒ කෙම් ක්රමය කියන්නකෝ යැයි ඇන්ටි පැවසුවාය.
මටනම් කෙම මතක නැහැ මාමගෙන් අහල කියන්නම්කෝ යැයි තරුණිය පැවසුවාය.
අපි ඇන්ටිට මරු වැඩක් කරමු යැයි එක් තරුණියක් යෝජනා කළාය. අනේ මට නම් බැහැ ඕව කරන්න ඔයාලා කරන්න යැයි රඹුටන් ගෙනත් දුන් තරුණිය පැවසුවාය. උඹ හිටපන්කෝ මම කරන්නම් යැයි අනෙක් තරුණිය පැවසුවාය.
පසුදින අනෙක් තරුණිය ඇන්ටි හමුවී “අපි මාමාට කෝල් එකක් දීලා අර කෙම් ක්රමය අසා ගත්තා.”
අනේ හොඳයි එහෙනම් කියමුකෝ යැයි ඇන්ටි පැවසුවාය.
මාසේ පෝය දවසේ රාත්රි 12.00ට ඇඟේ නූල් පොටක්වත් නැතිව කතා කරන්නේ නැතිවම ගෙඩි හැදෙන්නේ නැති ගහ ළඟට ගිහිල්ලා ගසට පිටුපාලා ඉඳගෙන මුත්රා කරන්න.
එසේ කර පියවර පහක් නැවත ඉදිරියට යන්න යැයි පැවසුවාය.
එය ඇසූ ඇන්ටි අනේ ළමයෝ මම කොහොමද ඇඳුම් නැතිව යන්නේ යැයි පැවසුවාය.
මාසේ පෝය කියන්නේ කළුවර දවසක්නේ. ඊටත් ගේ වටේටම තාප්ප ගහලානේ තියෙන්නේ. කවුරුත් දකින්නේ නැහැනේ යැයි තරුණිය කීවාය.
ඒකනම් ඇත්ත තමයි ඒ වුණත් මට මොකක්ද වගේ. ඇන්ටි කීවාය.
මාසේ පෝය දින උදාවිය. තරුණියන් දෙදෙනා මේ විස්තරය බෝඩිමේ සිටි අනෙක් තරුණියන් කීපදෙනෙකුටද කියා තිබුණි.
රාත්රී 9.00 වන විට ඇන්ටිගේ නිවසේ විදුලි පහන් නිවා දැමුණි. නමුත් රාත්රී 11.45 ට පමණ ඇන්ටිගේ කාමරයේ විදුලිය දැල්විණි.
තරුණියන්ද සූදානමින් සිටියාය. රාත්රි 11.50 ට පමණ ඇන්ටිගේ නිවසේ ඉදිරිපස දොර විවෘත විය. අනතුරුව ඇන්ටි එළියට පැමිණ වටපිට විපරම් කළාය. කිසිවකුත් පෙනෙන්නට නොමැත. ගසට නුදුරින් ඇය ඇඳුම් ලිහා තබා සෙමෙන් සෙමෙන් රඹුටන් ගස දෙසට පියමනින්නට වූවාය. අනතුරුව ගස මුල වාඩිවිය.
කෙම් ක්රමය කිවූ තරුණියන් දෙදෙනා නොව අනෙක් තරුණියන් දෙදෙනා ඇන්ටිගේ දෙසට විදුලි පන්දම දල්වමින් “මෙන්න හොරෙක්” “මෙන්න හොරෙක් ඇවිදින්” කෑ මොර දුන්නාය. එවිටම ඇන්ටි කළුවරේම නිවසට ගොඩවැදී දොර වසාගෙන කිසිවක් නොදන්නා ලෙසින් සිටියාය.
පසුදින උදාවිය. සවස් යාමයේ බෝඩිමට ගිය ඇන්ටි කෙම් ක්රමය කියාදුන් තරුණියට කතා කළාය. ඔය ළමයා අද හෙටම වෙනත් බෝඩිමක් සොයා ගන්න යැයි පැවසුවාය.
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
බෝඩිංකාරියන්ගේ අපූරු කෙමකින් ඇන්ටිට තරු පෙනිලා
lalith Wednesday, 10 July 2019 11:31 AM
රාත්රියේ නිවස එළියේ හතරකොන මුත්රා කිරීමෙන් නිවැසියන් අමනුෂ්ය දෝෂ වලින් මුදා ගත හැකිය..
krishWednesday, 10 July 2019 08:24 PM
ලලිත්, ඔයා ඔහොම කියද්දී මට මතක් වුනේ වෙන දෙයක්... බටහිර රටක, ජනාකීර්ණ නගරයක ජීවත් වෙන, මගේ කුඩා ගෙවත්තට රාත්රී කාලයේ නරියන් දෙතුන් දෙනෙක් එන්නට පුරුදු වී තිබුණා. මම ලංකාවේ හිටපු කාලයේ වත් නරියන් දැක තිබුනේ නැහැ.. කුණුකසලත් ආරක්ෂිත "බිම්" වලයි දාන්නේ. මේ ගැන කතාබහක් ඇතිවුණු වෙලාවක, අපේ මිතුරු සුදු මහත්මයෙක් අපුරු යෝජනාවක් කළා. එයා කිව්වේ, රාත්රී කාලයේ ගෙවත්තේ පිරිමි උදවියගේ මුත්රා ඉසීමෙන් තමන් මේ කරදරයෙන් මිදුණු බවයි. හැබැයි ගැහැණු උදවියගේ මුත්රාවලට නම් නරියන් බය නැහැල්ලු.
nimal Friday, 12 July 2019 06:47 AM
සුද්දද හරි? ලලිත්ද හරි?