(හසලක වාර්තාකරු)
පාන් ගෙඩියක මිනිස් දතක් තිබූ බවට පැමිණිලි කිරීමට බේකරියට ගිය 73 හැවිරිදි ගැමියෙකුට එය තම කටේ දතක් බව අනාවරණය වීම නිසා ගමේ කොල්ලන්ගේ හූ හඬ මැද පෙරළා නිවස බලා යෑමට සිදුවූ සිද්ධියක් හසලකට නුදුරු ගම්මානයකින් වාර්තා වේ.
සිද්ධිය මෙසේය.
හසලකට නුදුරු ගොවි ගම්මානයක පදිංචි 73 හැවිරිදි ගොවි මහතකු මෙදින උදේ ආහාර වේලට පරිප්පු සමග පාන් ගනිමින් සිට ඇත. පාන් කමින් සිටි මොහුට එක්වරම පාන් කෑල්ලක් සමග තද යමක් හැපී තිබේ. වහා එය ඉවතට ගෙන පරීක්ෂා කිරීමේදී එය දතක් බව දැක ගැනීමට හැකි විය. ඒ සමගම කටේ ඉතිරිව තිබූ පාන් කොටස් වහා ඉවත දමා ඒ වෙන විටත් ගිල දමා තිබූ පාන් පිටතට ගැනීමට අතේ ඇඟිල්ල මුවට දමා වමනය කර තිබේ.
සිද්ධියෙන් උරණ වූ ඔහු නිවසේ අනෙක් අයට තමන්ට සිදුවූ සිද්ධිය පවසා එම පාන් ආහාරයට නොගන්නා ලෙස දැනුම් දී ඉතිරි පාන් ගෙඩියේ කොටස් සහ මුවෙන් පිටතට ගත් දත ද රැගෙන වහාම පාන් බේකරිය බලා පියවර මැන්නේය.
දැඩි කේන්තියෙන් කඩේට ගිය ඔහු මුදලාලිටත්, බේකරියේ මුදලාලිටත් මුව නොසෑහෙන්න දොස් පවරා තමන් විසින් රැගෙන ආ දත සහ ඉතිරි පාන් සහිත බෑගය බේකරියේ මුදලාලි අතට දී මෙම සිද්ධිය පිළිබඳව තමන් මහජන සෞඛ්ය පරීක්ෂකවරයාට පැමිණිලි කරන බව පවසා ඇත.
සිද්ධිය අසා සිටි ගමේ තරුණයකු ගැමියාට පැවසුවේ, ‘මේ දත පිට කෙනෙකුගේ දතක් නොව, තමාගේම කටේ දතක් බවත්, කට පරීක්ෂා කරන ලෙසත්ය’. ඉන්පසු ගොවි මහතා තම කට පරීක්ෂා කර බලා ‘‘හැබෑ නේන්නම් කොල්ලා මේක මගේ කටේ හෙල්ලෙමින් තිබුණු දතනේ බං. මට ඒ ගැන හිතාගන්නට බැරි වුණානේ, අනේ මුදලාලි මට සමාවෙයන් බං’’ කියා පැවසීය.
ඒ සමගම එම ස්ථානයේ සිටි කොල්ලන්ගේ හූ හඬ මධ්යයේ ගොවි මහතාට නිවෙස බලා යාමට සිදුවූ අතර, එදායින් පසු කඩ පිලේදී ඔහු හමුවෙන ගමේ කටකාර කොල්ලෝ ‘‘ආ මාමේ දත් සමග පාන්වත් කමුද? කියා අසන විට ඔහුගේ කටෙන් පිටවන්නේ කෙනෙකුට අසන්නට නොහැකි වචන මාලාවක් බව කියයි.
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
පාන් ගෙඩියේ දතක් පෙන්වන්න ගිය ගැමියාට කොල්ලන්ගෙන් ‘හූ’ වරුසාවක්