ගමේ පෙරහරේ යාමට රැගෙන ආ ඇතාගේ ගාස්තුවට අමතරව එම ඇතාගේ පිටේ යාම සඳහා දිනකට රුපියල් දස දහසක් බැගින් ගෙවූ පුද්ගලයකු පිළිබඳ පුවතක් මෙසේය.
ගම්බද ප්රදේශයකි. ගමේ විහාරස්ථානයේ වාර්ෂික පෙරහර මංගල්ය මෙවරත් උත්සවාකාරයෙන් පැවැත්වූවේ ගමේ දායක දායිකාවන්ගේ ආධාර උපකාරයෙනි.
ගමේ යමක් කමක් ඇති කිහිප දෙනෙක් රුපියල් ලක්ෂ ගණන් වැය කර පෙරහරට අවශ්ය අලි ඇතුන් සැපයීම ද සිදුකළේ පන්සලේ හාමුදුරුවන්ගේ ඉල්ලීමටත් වඩා තමුන්ට ලැබෙන ගරු නම්බු ගැන මෙනෙහි කරමිනි.
යමක් කමක් ඇති වෙළෙඳසල් හිමියෙක් ද රුපියල් ලක්ෂ එක හමාරක් වැය කර පෙරහරේ යන ඇතකු වෙනුවෙන් සිය දායකත්වය සැපයූවේ නායකහාමුදුරුවන්ට කොන්දේසියක් ද දමමිනි.
“හාමුදුරුවනේ මම එක අලියකුට නෙමෙයි දෙන්නෙකුට හරි වියදම් කරන්නම් හැබැයි මට පෙරහර තියෙන දවස් තුනේම අලියගේ පිටේ යන්න ඕනෑ.” ඔහු කීවේය.
නායක හිමියන් ද ඊට එකඟ වූවේ එහි ඇති වරදක් නැතැයි පවසමිනි.
කෙසේ වෙතත් සිද්ධිය ආරංචි වූ ගමේම පිරිසක් ඇත්ගොව්වා හමුවී අපූරු උපදේශයක් දුන්නේ ඇත්ගොව්වාට පමණක් නොව එම පිරිසට ද වාසියක් ලබා ගැනීමේ අරමුණෙනි.
“මහත්තයෝ ඇතාගේ පිටේ යනව නම් දවසකට දහදාහ ගානේ දවස් තුනට තිස්දාහක් ඕනෑ. නැතිනම් අලියා ඇදල බිමට දැම්මොත් මට කරන්න දෙයක් නැහැ.’ ඇත්ගොව්වා පිරිස දුන් උපදේශය එලෙසින්ම ක්රියාත්මක කළේ සිය තේජස ද විදහා පාමිනි.
ගමේ උන්ට පේන්න ඇතෙක් පිට නැගී ගම වටේ යාම තිස්දාහක් වගේ දැයි සිතූ වෙළෙඳසල් හිමියා අවසානයේදී ඇත්ගොව්වා අත රුපියල් තිස්දහසක් තැබුවේ “මල්ලී ඇතා ලස්සනට සරසල බල්බ වැල් ටිකකුත් වැඩිපුර දාපන්” යනුවෙන් පවසමිනි.
දායක පිරිසේම අපූරු උපදේශයෙන් ඇත්ගොව්වා ගානක් සාක්කුවේ දමාගෙන උපදේශය දුන් පිරිසට ද ඇඟ රත්වන ඒවායින් බෝතල් දෙක තුනක් පරිත්යාග කළේ ලබන වසෙර්දීත් හමුවන බවට ඔවුන් වෙත පොරොන්දුවක් ද ලබා දෙමිනි.
(වියලුව වාර්තාකරු)
සිය මිතුරාගේ දියණියගේ විවාහ මංගල්යය වෙනුවෙන් අපූරු තෑග්ගක් ලබා දුන් පුද්ගලයකු පිළිබඳ පුවතකි. මිතුරන් දෙපළ සේවය කරන ආයතනයේ නිලධාරීන්ගෙන් දැනගත් අන්
විහාරස්ථානයක් අසල කාත්කවුරුවත්, හව් හරණක් නැති අසරණයන් පුදුම කරන්නට ගිය අයෙකුට තමාට පුදුමයෙනුත් පුදුමවෙන්නට සිදුවූ අපූරු පුවතක් දකුණේ නගරයකින් අසන
බෑනාගේ පක්ෂයේ මැයි රැලියට යන්න එන්නේ නැතිව වෙනත් පක්ෂයක මැයි රැලියට ගියයි කියා බෑනා තම මාමණ්ඩිය ගෙදරින් එළවා දැමූ පුවතක් බස්නාහිර පළාතේ පස්දුන් කෝරළ
සිංහල හින්දු අලුත් අවුරුදු දිනවල නිවසට එන අමුත්තන්ට සංග්රහ කිරීමට මාළු මිලදී ගැනීමට ගෙන ගිය රුපියල් විසිදහසක මුදල අහිමි කරගෙන හිස් අතින් යළි නිවසට
අලුත් අවුරුද්දට කාර්යාලයට රැගෙන ගිය කැවිලි පාර්සලය වැරැදී ලැජ්ජාවට පත් වූ සේවකයකු පිළිබඳව සබරගමුව පළාතේ ගමකින් අසන්නට ලැබිණි. සිද්ධිය මෙසේය, ඔහු එම
තම නිරුවත වසා ගැනීමට මානාපඳුරක් බදාගෙන පූස් පැටවෙකු සෙවූ අයෙකුට තම උපන් ඇඳුමෙන් පැන දුවන්නට සිදුවූ අපූරු කතාවක් කහටගස්දිගිලීය සහ ගලෙන් බිඳුනුවැව අතර
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
නම්බුව රැකගන්න ඇතාගෙ පිටේ යන්නත් වෙනම ගෙවලා