(මුලටියන එස්. බාලසූරිය)
සුපිරි වෙළෙඳසලකින් සුවඳවිලවුන් සොරාගත් කාන්තාවන් දෙදෙනකු එහි සවිකර තිබුණු සීසීටීවී කැමරාවේ දර්ශනවලින් හඳුනා ගැනීමට හැකි වීමෙන් බෙහෙවින් ලැජ්ජාවට පත්වූ පුවතක් මාතර දුරබැහැර නගරයක පිහිටි සුපිරි වෙළෙඳසලකින් වාර්තා වෙයි.
සිද්ධිය සැකෙවින් මෙසේය.
එම සුපිරි වෙළෙඳසලේ සුවඳවිලවුන් හා රූපලාවන්ය ද්රව්ය බහාලුම් රාක්කයෙන් නිතරම භාණ්ඩ අඩුවීමේ සිද්ධීන් පිළිබඳව එහි වෙළෙඳ සේවිකාවන් කාලයක සිට විමසිල්ලෙන් සිටියත් සොරා ගන්නා කෙනකු හඳුනා ගැනීමට නොහැකිව තිබුණි. මෙම භාණ්ඩ අඩුවීම සම්බන්ධයෙන් එම වෙළෙඳසලේ කළමනාකාරවරිය විසින් එම සේවිකාවන් දැනුම්වත් කළ අතර ඊට පිළියමක් ලෙස සීසීටීවී කැමරා පද්ධතියක් සවි කිරීමට පියවර ගනු ලැබිණි.
ඒ අනුව දින කීපයක් තිස්සේ විමසිල්ලෙන් සිට භාණ්ඩ සොරා ගන්නා කාන්තාවන් දෙදෙනා අතටම හසුකර ගැනීමට ඔවුන්ට හැකි වී ඇත. එක් කාන්තාවක රූපලාවන්ය ද්රව්ය හා සුවඳවිලවුන් අතට ගෙන පරීක්ෂා කරන අතර අනෙක් කාන්තාව සුවඳවිලවුන් බෝතලයක් තම අත්බෑගයේ සඟවා ගන්නා අයුරු කැමරා දර්ශනවලින් ඉතා පැහැදිලිව දැකගත හැකි වී ඇත. ඒ පිළිබඳව එම කාන්තාවන් දෙදෙනාගෙන් විමසද්දී ඒවා වෙනත් කඩයකින් මිලදී ගත් බව දිවුරා ප්රකාශ කර ඇත.
එසේ කී පසු එම වෙළෙඳ සේවිකාවන් සීසීටීවී දර්ශන එම කාන්තාවන්ට පෙන්වූ අතර එම දර්ශන දැකීමෙන් බයට හා ලැජ්ජාවට පත් ඔවුන් මේ පිළිබඳව කාටවත් නොපවසන ලෙසත් මීට පෙර සොරකම් කරන ලද භාණ්ඩ පිළිබඳවත් සොරාගත් භාණ්ඩවලට එවෙලේම මුදල් ගෙවා එම වෙළෙඳ සලෙන් කිසිම දිනක බඩු සොරකම් නොකරන බවත් පවසා ඒ පිළිබඳව සමාව ඉල්ලා ඇත.
කෙසේ නමුත් මේ සිද්ධිය පිළිබඳව ආරංචි පැතිරී ඇති අතර එම කාන්තාවන් පාරේ යන විට කටකාර කොලුගැටයන් අහන්නේ මාර සුවඳක්නේ තියෙන්නේ. අක්කේ ඒවා පිටරටින් ගෙනාපු ඒවා ද කියලයි. එහෙත් එම කාන්තාවන් මුනිවත රකිමින් තමන්ට ඒවා අදාළ නැති බවට හැසිරෙන්නේ ඒ බව ඔවුන්ගෙන් එසේ නොඅසන බව වෙනත් අයට දැනගැනීමට බවත් වෙළෙඳසලේ සේවකයෝ කියති.
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
අක්කාගේ සුවඳ කැමරාවේ